Kuanjai Life Stlye

ຈັດກະເປົ໋າ ກຽມຊຸດລຸຍໆໄວ້ໃຫ້ພ້ອມ ເພາະເຮົາຈະພາໄປພະຈົນໄພ ໄປໃຊ້ຊີວິດຢູ່ກາງປ່າ ຮ້ອງ ໂຫ່ ຮີ້ວ ໂຫ້ ແບບທາຊານ ຫ້ອຍໂຫນຜ່ານປ່າໄມ້ ບໍ່ຕ້ອງຍ່າງໃຫ້ເມື່ອຍ ນອນຟັງສຽງນ້ຳຕົກເທິງເຮືອນຕົ້ນໄມ້ ໃຊ້ຊີວິດແບບບໍ່ມີສັນຍານໂທລະສັບ ຕັດຂາດຈາກໂລກພາຍນອກ ຫ່າງໄກຈາກ Comfort Zone ແບບສຸດໆ.  ສະບັບນີ້  ອິນດີ້ພາທ່ຽວ ຈະພາສາວໆຂວັນໃຈ ຜູ້ທີ່ຮັກມັກໃນການທ່ອງທ່ຽວ ໂດຍສະເພາະແມ່ນສາວຂາເລາະແນວພະຈົນໄພໄປຮູ້ຈັກກັບກິດຈະກຳໂຫນຊິບລາຍ (Zipline) ທີ່ ປ່າສະຫງວນດົງຫົວສາວ ເມືອງປາກຊ່ອງ ແຂວງຈຳປາສັກ ກັບ Tree top explorer ເຊິ່ງບ່ອນໂຫນສະລິງທີ່ດີທີ່ສຸດ ລຳດັບຕົ້ນໆຂອງເອເຊຍເລີຍກໍ່ວ່າໄດ້ ເວົ້າສ່ຳນີ້ກໍ່ໜ້າສົນໃຈແລ້ວແມ່ນບໍ່? ພ້ອມແລ້ວກໍ່ໄປລຸຍກັບພວກເຮົາເລີຍ! ກ່ອນອື່ນພວກເຮົາຈອງ Trip ນີ້ຜ່ານ website ຂອງ Tree Top Explorer ກ່ອນ ໂດຍພາຍໃນເວັບກໍ່ຈະມີໂປຼແກຼມພະຈົນໄພຫຼາຍແບບຫຼາຍລາຄາໃຫ້ເລືອກ ແລ້ວແຕ່ກຳລັງຊັບ 5555 ສຳຫຼັບທຼິບນີ້ພວກເຮົາເລືອກ Packet …

ຄໍລໍາ: Chic Working Women ສາວໆ! ເຄີຍບໍ່ທີ່ມີຄວາມຝັນ ແລະ ມັກຫຍັງຈັກຢ່າງມາແຕ່ນ້ອຍ ແຕ່ບັງເອີນບໍ່ໄດ້ຮຽນສາຍທີ່ຕົວເອງຝັນໄວ້ ເລີຍບໍ່ໄດ້ເຮັດຫຍັງທີ່ຝັນໄວ້ເລີຍ! ເມື່ອຍບໍ່? ທໍ້ບໍ່? ທີ່ນອກຈາກຈະບໍ່ໄດ້ເຮັດຕາມຄວາມຝັນແລ້ວ ຍັງຕ້ອງໄດ້ບັງຄັບຕົວເອງເຮັດໃນສິ່ງທີ່ຕົວເອງບໍ່ມັກອີກ! ທັ້ງທີ່ຮູ້ວ່າຕົວເອງບໍ່ມັກແຕ່ກໍຕ້ອງເຮັດ ເພາະເຮົາຮຽນຈົບມາດ້ານນີ້ມາ ຖ້າຈະເຮັດອັນອື່ນກໍຢ້ານເຮັດບໍ່ໄດ້! ສາວໆຄວນຢຸດຄວາມຄິດນັ້ນໄດ້ແລ້ວ ແລ້ວມາອ່ານເລື່ອງລາວຂອງສາວຄົນນີ້ ສາວ ສຸດສະດາ ພໍລະສິມ (ຕຸກຕາ) ທີ່ຮຽນຈົບສາຂາ ວິທະຍາສາດຄອມພິວເຕີ ແຕ່ມາເປັນຄູສອນ ເນື່ອງຈາກເປັນຄວາມໄຟ່ຝັນທີ່ຢາກເປັນມາແຕ່ນ້ອຍ ເຖິງຈະຮຽນຈົບສາຍໃດມາກໍຕາມ ແຕ່ນາງກໍຍັງຊອກຫາວິທີທີ່ຈະເຮັດມັນໃຫ້ໄດ້ ເພາະນາງເຊື່ອວ່າ: “ການທີ່ຈະພາຕົວເອງໄປເຖິງເປົ້າໝາຍດັ່ງກ່າວ ເຮົາຕ້ອງລົງມືເຮັດ ແລະ ມີຄວາມກະຕືລືລົ້ນ ບໍ່ເຮັດຕົວເອງໃຫ້ເປັນນໍ້າເຕັມແກ້ວ” ສໍາລັບເລື່ອງລາວຂອງສາວຄູ ຕຸກຕາ ແບບເຕັມໆນັ້ນສາມາດຊອກອ່ານໄດ້ຈາກ ວາລະສານຂວັນໃຈ ສະບັບເດືອນ ມີຖຸນາ 2017 ນີ້ ຕາມ U Express M Point Mart ແລະ …

ແຟນໆຂວັນໃຈທີ່ໜ້າຮັກທັງຫຼາຍ ຮູ້ ຫຼື ຍັງຄໍາຂວັນປະຈໍາແຂວງຕົນເອງ ແລະ ຄໍາຂວັນຂອງແຕ່ລະແຂວງປະເທດລາວເຮົາ ຖ້າໃຜຍັງບໍ່ທັນຮູ້ມາອ່ານທາງນີ້ເລີຍ ມື້ນີ້ແອດໄດ້ນໍາເອົາຄວາມຮູ້ດີໆ, ຄວາມຮູ້ຮອບຕົວ ມາຝາກໃຫ້ແຟນຂວັນໃຈໄດ້ຮູ້ຈັກ ຖ້າໃຜຍັງບໍ່ທັນຮູ້ຄໍາຂວັນແຂວງໃດນັ້ນໄປເບິ່ງກັນເລີຍ. ນະ­ຄອນ­ຫຼວງ­ວຽງ­ຈັນ: “ ມາວຽງ­ຈັນຊົມ­ຂົວມິດຕະ­ພາບ ກາບໄຫ້ວຫໍພຣະ­ແກ້ວ ຊົມ­ສວນປະຕູໄຊ ໄຫ້ວພຣະ­ທາດ­ຫຼວງ­ມິ່ງ­ຂວັນ ຊົມ­ວິວທິວທັດແຄມ­ຂອງ ຫາດ­ຊາຍ­ສີທອງ­ດອນ­ຈັນ ຊິມລົດອາຫານນາໆ­ຊາດ ເທິງ­ຫໍຜາ­ສາດ­ສີ່­ສິບ­ຊັ້ນ ພັກຜ່ອນເທິງ­ວິມານສະ­ຫວັນ ໂຮງແຮມດອນ­ຈັນ­ພາເລສ໌ ລືນາມ ”. 2. ແຂວງ ຜົ້ງ­ສາ­ລີ: “ ຜົ້ງ­ສາ­ລີ ປຽບ­ຄືດັ່ງສະ­ຫວັນ­ສັ່ງ ວິມານດ່ານແດນ­ພູດອຍ ເປັນ­ດິນແດນ­ວິລະ­ຊົນ ຮັກ­ຄອນ­ພົງ­ພັນເຊື້ອ ງາມເຫຼືອຫຼາຍ­ພູຟ້າ ທະ­ເລຫຼວງ­ໝອກໃຫຍ່ ເຊີນ­ຊິມປາ­ພູຟ້າ ດື່ມເຫຼົ້າ­ຂຽວເອ່ວສະ­ຖານ­ທີ່ ເບິ່ງ­ຮີດ­ຄອງປະ­ເພນີ ເອກະ­ລັກ­ຫຼາຍເຜົ່າເຊື້ອ ເປັນຂອງຕ້ອນທ່ານ­ຜູ້­ຊົມ ”. 3. ແຂວງ ຫຼວງນໍ້າທາ: “ ບັ້ນ­ຮົບ­ຫຼວງນໍ້າ­ທາ ພຣະ­ທາດໃຫຍ່­ຊຽງເປງ ຊາບ­ຊຶ້ງ­ກັບ­ວັດທະ­ນະ­ທໍາ­ຫຼາຍເຜົ່າ ເຂົ້າ­ຊອຍແຊບເມືອງ­ສິງ …

ມື້ນີ້ແອັດມີນຈະມາພາໄປທ່ຽວ ເມືອງວັງວຽງ ໄປທ່ຽວທີ່ Blue Lagoon 5 ເຊິ່ງເປັນສະຖານທີ່ທ່ອງທ່ຽວແຫ່ງໃໝ່ ຖ້າໃຜໄດ້ໄປທ່ຽວໄປຫຼີ້ນນໍ້າຢູ່ນີ້ ແອັດມີນເຊື່ອເລີຍວ່າຕ້ອງຕິດອົກຕິດໃຈຢ່າງແນ່ນອນ. Blue Lagoon 5 ແມ່ນໄປຕາມເສັ້ນທາງດຽວກັນກັບ Blue Lagoon 3 ແຕ່ມັນຈະຢູ່ກາຍ Blue Lagoon 3. ຢູ່ໃນ Blue Lagoon 5 ແຫ່ງນີ້ນໍ້າໃສໆເຢັນໆ, ມີເຮືອແພໄມ້ໄວ້ໃຫ້ໄດ້ຂີ່ ແລະ ຍັງມີຖໍ້າໄວ້ໃຫ້ນັກທ່ອງທ່ຽວໄດ້ເຂົ້າໄປທ່ຽວຊົມພາຍໃນ ຢູ່ພາຍໃນຖໍ້າມີຄວາມງົດງາມຫຼາຍທີ່ຫາເບິ່ງໄດ້ຍາກ ແລະ ມື້ນີ້ແອັດມີນມີຮູບງາມໆຂອງ Blue Lagoon 5 ມີໃຫ້ໄດ້ຊົມອີກ. ຂອບໃຈຮູບພາບ: Wherever I Go

ສະບາຍດີ ແຟນໆຂວັນໃຈ ມື້ນີ້ຈະພາແຟນໆໄປທ່ຽວທີ່ແຂວງ ຊຽງຂວາງ ດິນແດນແຫ່ງວີລະຊົນ ນັ້ນເອງ ເຊິ່ງຖືວ່າເປັນອີກແຂວງໜຶ່ງທີ່ອຸດົມສົມບູນໄປດ້ວຍຊັບໃນດິນສິນໃນນໍ້າ ແລະ ມື້ນີ້ຈະພາໄປທ່ຽວຊົມບ້ານຫັດຖະກໍາທີ່ ການຫຼໍ່ບ່ວງ, ຫຼໍ່ເຄື່ອງທີ່ລະນຶກຕ່າງໆ ຂອງແຂວງຊຽງຂວາງ ທີ່ຕັ້ງຢູ່ເມືອງຜາໄຊ ບ້ານ ນາເພຍ ນັ້ນເອງ. ບ້ານ ນາເພຍ ຕັ້ງຢູ່ຫ່າງຈາກຕົວເມືອງໂພນສະຫວັນ ປະມານ 35 ກິໂລແມັດ ເປັນບ້ານທີ່ໄດ້ຮັບການຍ້ອງຍໍໃຫ້ເປັນບ້ານວັດທະນະທໍາ ເຊິ່ງປະຊາຊົນພາຍໃນບ້ານດັ່ງກ່າວ ມີການຜະລິດສິນຄ້າຫັດຖະກໍາທີ່ມີຊື່ສຽງ ໂດຍສະເພາະແມ່ນການຫຼໍ່ບ່ວງ. ຈຸດພິເສດຂອງການຫຼໍ່ບ່ວງຢູ່ໃນບ້ານນາເພຍກໍ່ຄື ປະຊາຊົນໄດ້ນໍາໃຊ້ຫົວຄິດປະດິດສ້າງຂອງຕົນ ໃນການນໍາເອົາສິ່ງເສດເຫຼືອຈາກສົງຄາມເຊັ່ນ: ໂລ ມາຜະລິດເປັນບ່ວງເພື່ອໃຊ້ສອຍ ແລະ ຂາຍເປັນສິນຄ້າເພື່ອສ້າງລາຍໄດ້ໃຫ້ຄອບຄົວ. ນອກຈາກການຫຼໍ່ບ່ວງແລ້ວ ຍັງມີການຫຼໍ່ເຄື່ອງທີລະນຶກອີກຫຼາກຫຼາຍແບບບໍ່ວ່າຈະເປັນ ການຫຼໍ່ຮູບຊ້າງ, ຮູບເສືອ, ຮູບສິງ, ບວງແຂນ ແລະ ອີກຫຼາຍຢ່າງ. ປັດຈຸບັນນີ້ ມີນັກທ່ອງທ່ຽວຈໍານວນຫຼວງຫຼາຍໄປທ່ຽວຊົມເຄື່ອງຫັດຖະກໍາບ້ານນາເພຍ ແລະ ຊື້ຜະລິດຕະພັນດັ່ງກ່າວ ເຊິ່ງໄດ້ກາຍເປັນທ່າແຮງໃນການພັດທະນາບ້ານແຫ່ງນີ້ໃຫ້ກາຍເປັນ ແຫຼ່ງທ່ອງທ່ຽວແຫ່ງໃໝ່ຂອງແຂວງຊຽງຂວາງ. ຖ້າໃຜທີ່ຢາກໄປທ່ຽວຊົມກໍສາມາດໄປໄດ້ ນອກຈາກເຄື່ອງຫຼໍ່ຕ່າງໆແລ້ວ ຍັງມີຫັດຖະກໍາຕໍາຫູກໄວ້ໃຫ້ນັກທ່ອງທ່ຽວທີ່ໄປທ່ຽວຊົມ …