Kuanjai Life Stlye

ທ່ານຜູ້ອ່ານທີ່ໜ້າຮັກຫຼາຍໆທ່ານ ຮູ້ຫຼືຍັງວ່າວັດສີສະເກດ ມີປະຫວັດຄວາມເປັນມາແນວໃດ ຖ້າທ່ານຜູ້ອ່ານທ່ານໃດ ຍັງບໍ່ຮູ້ກໍ່ຮີບຟ້າວມາອ່ານທາງນີ້ເລີຍ ເພາະມື້ນີ້ ທີມງານ ຂວັນໃຈ ຈະຂໍນຳເອົາປະຫວັດຄວາມເປັນມາຂອງ ວັດສີສະເກດ ມາເລົ່າສູ່ທ່ານຜູ້ອ່ານທີ່ໜ້າຮັກຟັງ ວັດສີສະເກດເປັນວັດທີ່ມີຊື່ສຽງ ແລະ ເປັນທີ່ຮູ້ຈັກຂອງຊາວພຸດທະສາສະໜາ ວັດສີສະເກດ ຕັ້ງຢູ່ກົງກັນ ກັບວັດຫໍພຣະແກ້ວ ເມື່ອທ່ານຜູ້ອ່ານທີ່ຮັກແພງຂ້າມທາງມາຈາກວັດຫໍພຣະແກ້ວກໍຈະແມ່ນວັດສີສະເກດ ເຊິ່ງເປັນວັດທີ່ມີຄວາມສໍາຄັນທາງປະຫວັດສາດ ເພາະວ່າເປັນວັດດຽດທີ່ລອດພົ້ນຈາກການຈູດເຜົາທຳລາຍຂອງສັກດີນາຕ່າງດ້າວທີ່ມາຮຸກຮານລາວໃນລະຫວ່າງປີ ຄສ 1827 – 1828 ຊື່ທີ່ຈາລຶກໄວ້ໃນແຜ່ນສິລາຂຽນວ່າ: “ສະຕະສະຫັສສາຣາມ” (ແປວ່າ ວັດແສນ) ແຕ່ຄົນທັງຫຼາຍເອີ້ນວ່າ: “ວັດສີສະເກດ”.  ວັດສີສະເກດໄດ້ຖືກສ້າງຂຶ້ນໃນປີ ຄສ 1818 ໂດຍການນໍາພາຂອງເຈົ້າອານຸວົງ ກະສັດອົງສຸດທ້າຍຂອງຣາຊະວົງວຽງຈັນ, ວັດນີ້ໃນອະດີດຕັ້ງຢູ່ຕິດກັບບໍລິເວນພຣະຣາດຊະວັງຫຼວງດ້ານຕາເວັນອອກສ່ຽງ   ເໜືອ ແລະ ຕັ້ງຢູ່ດ້ານໃນກຳແພງບູຮານວຽງຈັນຊັ້ນໃນ ປັດຈຸບັນນີ້ ເບື້ອງທ່າຕິດກັບຖະໜົນ ໄຊເຊດຖາທິຣາດ ເບື້ອງທົ່ງຕິດກັບ ທະນາຄານພັດທະນາອາຊີ ຫ່າງໄກຈາກແມ່ນ້ຳຂອງປະມານ 250 ແມັດ ວັດສີສະເກດ ມີຄວາມພິເສດກວ່າວັດອື່ນເນື່ອງຈາກວ່າເປັນວັດທີ່ບັນຈຸຫໍໄຕຣປີດົກ, ກຸດຕິຂອງເຈົ້າເພັດຊະຣາຊ …

ມື້ນີ້ ຈະນໍາເອົາຮູບພາບຄວາມງົດງາມ ຂອງອ່າວຮາລ່ອງຂອງປະເທດຫວຽດນາມ ມາໃຫ້ທ່ານຜູ້ອ່ານທີ່ໜ້າຮັກໄດ້ຊົມ ທ່ານຜູ້ອ່ານທີ່ໜ້າຮັກ ບາງທ່ານກໍອາດຈະເຄີຍໄປທ່ຽວມາແລ້ວກໍມີເນາະ ອ່າວຮາລ່ອງຖືວ່າເປັນອ່າວໜຶ່ງໃນພື້ນທີ່ຂອງ ອ່າວຕັງເກຍທາງຕອນເໜືອ ຂອງປະເທດຫວຽດນາມ ໃກ້ຊາຍແດນຕິດຕໍ່ກັບປະເທດຈີນ ແລະ ເປັນໜຶ່ງໃນມໍລະດົກໂລກທາງທໍາມະຊາດຂອງປະເທດຫວຽດນາມ ເຊິ່ງໄດ້ປະກາດໃຫ້ເປັນມໍລະດົກໂລກທາງທໍາມະຊາດ ຈາກອົງການຍູເນສໂກ ໃນປີ 1995 ຄວາມງົດງາມຂອງອ່າວຮາລ່ອງນີ້ ຢູ່ບ່ອນວ່າເປັນທະເລອັນສວຍງາມ ແລະ ເກາະຫີນປູນເປັນພັນເກາະທີ່ພົ້ນນໍ້າອອກມາໃຫ້ເຮົາໄດ້ເຫັນໄດ້ຊົມ ແລະ ຍັງມີຖໍ້ານ້ອຍໃຫຍ່ອີກຫຼາກຫຼາຍ ຖ້າທ່ານມີໂອກາດໄດ້ໄປທ່ຽວທີ່ປະເທດຫວຽດນາມ ກໍຢ່າລືມໄປທ່ຽວສະຖານທີ່ທ່ອງທ່ຽວແຫ່ງນີ້ລອງເບິ່ງເດີ້ ຮັບຮອງວ່າບໍ່ຜິດຫວັງຢ່າງແນ່ນອນ ອ່າວຮາລ່ອງນັ້ນຈະມີຄວາມງົດງາມປານໃດ ເຮົາໄປຊົມຮູບພາບພາບພ້ອມໆກັນເລີຍ!! ເຄຼດິດຮູບພາບ: google.com

ໃນມື້ນີ້ ທີມງານ ຂວັນໃຈ ຈະນໍາເອົາປະຫວັດ ຂອງຫໍຫຼັກເມືອງ ວຽງຈັນມາເລົ່າສູ່ຜູ້ອ່ານທີ່ໜ້າຮັກໄດ້ຟັງ ຫໍຫຼັກເມືອງວຽງຈັນ ສ້າງຂຶ້ນເພື່ອເປັນບ່ອນປົກປັກຮັກສາຮ່ອງຮອຍມໍລະດົກທາງປະຫວັດສາດ ທີ່ໄດ້ຄົ້ນພົບຢູ່ໃນສະຖານທີ່ແຫ່ງນີ້ ເຊິ່ງຄົ້ນຄວ້າວິໄຈໂດຍນັກບູຮານຄະດີແລ້ວພົບວ່າ: ເປັນວັດຖຸບູຮານທີ່ປະກອບເຂົ້າໃນພິທີການກໍ່ສ້າງເສົາຫຼັກເມືອງວຽງຈັນໃນສະໄໝກ່ອນໂດຍໄດ້ພົບຫີນຫຼັກເມືອງ ຈຳນວນ 473 ຫຼັກ ສ່ວນໃຫຍ່ຟອກດ້ວຍຄໍາປິວ ແລະ ແກະສະຫຼັກເປັນລວດລາຍຫຼາຍຮູບແບບທີ່ງົດງາມ ເຊິ່ງສະແດງໃຫ້ເຫັນວ່າ:ຄົນລາວບູຮານໄດ້ໃຫ້ຄຸນຄ່າ ແລະ ຄວາມໝາຍສຳຄັນອັນສູງສົ່ງຕໍ່ວັດຖຸເຫຼົ່ານັ້ນ. ສິ່ງສຳຄັນທີ່ສຸດແມ່ນເພິ່ນໄດ້ຄົ້ນພົບສີລາຈາລຶກ1 ແຜ່ນທີ່ໄດ້ລະບຸເລີກຍາມກົງກັບມື້ ວັນຈັນ, ແຮມ 10 ຄໍ່າເດືອນ 3, ຈສ. 901 ປີກຸນ ປີກັດໃຄ້, ເຊິ່ງກົງກັບວັນທີ 16 ກຸມພາ ຄສ 1540 ຣາຊະການຂອງພະເຈົ້າໂພທິຊະຣາຊເຊິ່ງເປັນພະບິດາຂອງພະເຈົ້າໄຊຍະເຊດຖາທິຣາຊ ກຸ່ມຫີນຫຼັກເມືອງດັ່ງກ່າວຖືກຈັດວາງໄວ້ເປັນ 3 ກຸ່ມຫ່າງກັນປະມານ 1,5 ແມັດ ແລະ ຫໍຫຼັກເມືອງທີ່ສ້າງຂຶ້ນໃໝ່ນີ້ ແມ່ນກວມເອົາຫີນເສມາທັງ 3 ກຸ່ມ ແລະຖືເປັນຈຸດໃຈກາງ ທັງນີ້ກໍເພື່ອຈະຮັກສາຄວາມໝາຍອັນສັກສິດຂອງຈຸດທີ່ຕັ້ງເດີມເຊິ່ງບັນພະບູລຸດຂອງພວກເຮົາໄດ້ກຳນົດເອົາໄວ້ແລ້ວນັ້ນ ເພື່ອປະຕິບັດຮີດເກົ່າຄອງເດີມທີ່ມີມາແຕ່ບູຮານ ລັດຖະບານ …

ຫຼາຍໆທ່ານອາດເຄີຍໄປທ່ຽວມາແລ້ວເນາະ ຫໍໄຕຣປີດົກເກົ່າ ແຕ່ອາດຈະບໍ່ຮູ້ວ່າມີປະຫວັດຄວາມເປັນມາແນວໃດ ແລະ ໃນມື້ນີ້ ທີມງານ ຂວັນໃຈ ຈະຂໍນໍາເອົາປະຫວັດຂອງ ຫໍໄຕຣປີດົກເກົ່າ ( ໜອງລໍາຈັນ ) ມາເລົ່າໃຫ້ບັນດາທ່ານຜູ້ອ່ານທີ່ໜ້າຮັກໄດ້ຮູ້ຈັກ ຫໍໄຕຣປີດົກເກົ່າ ( ໜອງລໍາຈັນ ) ຕັ້ງຢູ່ບ້ານໜອງລໍາຈັນ ເມືອງຈໍາພອນ ຢູ່ຫ່າງຈາກເທສະບານເມືອງປະມານ 28 ກິໂລແມັດຫໍໄຕຣປີດົກ ທີ່ວັດຈັນທະສາໂຣ ຫຼື ຊາວບ້ານເອີ້ນກັນວ່າ ວັດໜອງລໍາຈັນ ເປັນສະຖາປັດຕະຍະກໍາເຄື່ອງໄມ້ທີ່ສະທ້ອນເຖິງສີໄມ້ລາຍມືຂອງຊາວຊ່າງລ້ານຊ້າງໃນອະດີດ ຫໍໄຕຣປີດົກແຫ່ງນີ້ ໄດ້ກໍ່ສ້າງຂຶ້ນແຕ່ສັດຕະວັດທີ 17 ເຊິ່ງແມ່ນ ຍາທ່ານ ຫຼັກຄໍາພາ ເປັນຜູ້ນໍາພາສ້າງ ເຊິ່ງສ້າງດ້ວຍໄມ້ໝົດທັງຫຼັງ ສ້າງຂຶ້ນໂດຍບໍ່ໃຊ້ຕະປູກຈັກດອກ ຕົວເຮືອນຢູ່ເທິງເສົາໄມ້ສູງ 6 ແມັດ ຕັ້ງຢູ່ກາງໜອງລໍາຈັນ ເພື່ອບໍ່ໃຫ້ປວກ ແລະ ແມງໄມ້ກັດກິນ ຕໍ່ມາຫໍໄຕຣປີດົກແຫ່ງນີ້ກໍໄດ້ປະຕິສັງຂອນ ໃໝ່ອີກໃນ ສັດຕະວັດທີ 19 ນັບແຕ່ນັ້ນມາກໍ່ມີຍາທ່ານຂຽວ, ຍາທ່ານ ພຸ່ນ, …

ມື້ນີ້ຈະຂໍແນະທ່ານໄປທ່ຽວສະຖານທີ່ທ່ອງທ່ຽວທີ່ຂຶ້ນຊື່ຂອງແຂວງ ຄໍາມ່ວນນັ້ນກໍຄື ຖໍ້າກອງລໍຖໍ້າກອງລໍເປັນແຫຼ່ງທ່ອງທ່ຽວທາງທໍາມະຊາດທີ່ມີຊື່ສຽງລະດັບແນວໜ້າຂອງໂລກຍ້ອນວ່າເປັນຖໍ້າທີ່ມີສາຍນໍ້າຫີນບູນໄຫຼຜ່ານອຸໂມງຂອງພູຫີນປູນເຂົ້າໄປແລ້ວປ່ອງໃສ່ແມ່ນໍ້າຂອງຖໍ້າກອງລໍຕັ້ງຢູ່ລະຫວ່າງບ້ານກອງລໍ – ນາຕານ, ເມືອງຄູນຄຳເຊິ່ງຫ່າງຈາກເມືອງ 46 ກິໂລແມັດບັນດານັກທ່ອງທ່ຽວສາມາດເດີນທາງຈາກເສັ້ນທາງເລກທີ 13 ເຂົ້າໄປຕາມເສັ້ນທາງເລກ 8 ອາດຈະຮອດບ້ານຄູນຄຳ ເຊິ່ງຫ່າງຈາກຖ້ຳກອງລໍ 40 ກິໂລແມັດ ສຳລັບທາງເລືອກອື່ນທີ່ເໝາະສົມກັບຜູ້ມັກການປະຈົນໄພ ແມ່ນຂີ່ເຮືອຈັກຫາງຍາວລ່ອງໄປຕາມສາຍນ້ຳຫີນບູນຈາກບ້ານນາ ແລະນັກທ່ອງທ່ຽວກໍສາມາດພັກແຮມຄືນນຳເຮືອນຊາວບ້ານ ບ້ານນາຫີນ, ບ້ານນາຕານ ແລະບ້ານກອງລໍ. ຖໍ້າກອງລໍ ມີຄວາມຍາວປະມານ 7,5 ກິໂລແມັດ, ເຊິ່ງມີຄວາມກ້ວາງປະມານ 30 ແມັດ ແລະ ສູງແຕ່ 20 ແມັດຫາ 100 ແມັດ ຖໍ້າກອງລໍເປັນຖໍ້າທີ່ສວຍງາມ ແລະມີສະເໜ່ດຶງດູດທີ່ສຸດເພາະທາງໃນຖໍ້າມີແກ້ງ, ຫີນຍ້ອຍ, ຫາດຊາຍ ທີ່ສວຍງາມຈຳນວນ 20 ກວ່າຈຸດເພື່ອໃຫ້ນັກທ່ອງທ່ຽວໄດ້ຊົມບັນດານັກທ່ອງທ່ຽວສາມາດຂີ່ເຮືອລອດຜ່ານເຂົ້າໄປໃນຖ້ຳໄດ້ຕະຫຼອດ ໃນລະດູແລ້ງເປັນໄລຍະທີ່ເໝາະສົມທີ່ສຸດ ເພື່ອຊົມຮູບໂສມສີສັນຂອງຖ້ຳໂດຍການຂີ່ເຮືອເຂົ້າໄປພາຍໃນຖ້ຳແລ້ວກໍ່ສາມາດລົງຈາກເຮືອແວ່ທ່ຽວຊົມທິວທັດ ແລະຍ່າງເລາະຫຼິ້ນຕາມຫາດຊາຍຂາວ ດ້ວຍການສຳຜັດກັບອາກາດທີ່ເຢັນສະບາຍເຊິ່ງນັກທ່ອງທ່ຽວທີ່ເຂົ້າໄປພາຍໃນຖ້ຳຈະມີຄວາມສຸກພາຍໃຕ້ບັນຍາກາດຂອງຄວາມສວຍງາມຂອງຖໍ້າບົນເສັ້ນທາງພາຍໃນຖ້ຳມີຫີນຍ້ອຍ, ໂງ່ນຫີນ ແລະ ຫາດຊາຍຈຳນວນຫຼວງຫຼາຍອັນສວຍສົດງົດງາມເປັນທີ່ຈັບອົກຈັບໃຈທີ່ສຸດ ຖໍ້າກອງລໍ-ນາຕານຖືກຄົ້ນພົບແຕ່ສະຕະວັດທີ XVI …