Kuanjai Life Stlye

ການເຮັດວຽກ ແນ່ນອນວ່າ ບໍ່ມີວຽກໃດທີ່ຈະລາບລື່ນໄດ້ຕະຫຼອດ ແລະ ບໍ່ມີວຽກໃດທີ່ຈະຜິດພາດຕະຫຼອດ ແຕ່ເຮັດແນວໃດຈະໃຫ້ຄວາມຜິດພາດໜ້ອຍລົງ ແລະ ໃຫ້ຄວາມລາບລື່ນຫຼາຍຂຶ້ນ ມື້ນີ້ ຂວັນໃຈ ກໍມີເຕັກນິກງ່າຍ ກ່ຽວກັບຂໍ້ປະຕິບັດທີ່ເຮັດໃຫ້ ການເຮັດວຽກຂອງສາວໆງ່າຍຂຶ້ນ ລາບລື່ນຂຶ້ນຫຼາຍກວ່າລົ້ມເຫຼວ… ຈະມີຫຍັງແດ່ນັ້ນ ເຮົາມາເບິ່ງນໍາກັນເລີຍ!! ເຮັດຕາມຄູມືປະຕິບັດວຽກ ຫຼຸດປະລິມານຄວາມຜິດພາດ ສຳລັບຄົນທີ່ເລີ່ມເຮັດວຽກໃໝ່ຄວນມີຄູມືປະຕິປັດວຽກ ເພາະມັນມີຄວາມຈຳເປັນຕໍ່ການເຮັດວຽກຫຼາຍ ເພາະມັນຈະເປັນແບບແຜນທີ່ເນັດຂຶ້ນມາເພື່ອໃຫ້ປະຕິບັດຕາມຄູມືແບບເຄັງຄັດ ຍ່ອມບໍ່ເກີດຄວາມຜິດພາດ ຫຼືຫຼຸດຄວາມຜິດພາດໄດ້ຫຼາຍ ຖ້າບໍ່ມີຄູມື ກໍຄວນປຶກສາເພືອນຮ່ວມງານທີ່ມີປະສົບການມາກ່ອນ ຖ້າມີຄຳຖາມກໍຄວນຮີບຖາມບໍ່ໃຫ້ຄາໃຈ ແລ້ວເຮັດວຽກນັ້ນໃຫ້ສຳເລັດ ເພື່ອໃຫ້ເຂົ້າໃຈເນື້ອໃນວຽກໃຫ້ຖຶກຕ້ອງ. ບັນທຶກວຽກກ່ອນເຮັດ ເພື່ອຈຳກັດໂອກາດທີ່ຈະເຮັດຜິດພາດ ຖ້າມີການຈັດລະບຽບການເຮັດວຽກຂອງເຮົາເປັນລຳດັບຂັ້ນຕອນ ຈະຊ່ວຍປ້ອງກັນຄວາມປິດພາດຂອງທ່ານໄດ້ຫຼາຍຂຶ້ນ ກ່ອນທີ່ຈະເລີ່ມເຮັດວຽກໃນແຕ່ລະມື້ ໃຫ້ຈົດລາຍການທີ່ຈະຕ້ອງເຮັດທັງໝົດລົງມາໃຫ້ຄົບຖ້ວນ ແລ້ວຈັດລຳດັບສິ່ງທີ່ຈະຕ້ອງເຮັດກ່ອນຫຼືຫຼັງຕາມຄວາມສຳຄັນ ແລະຄວາມດ່ວນ ລວມທັງຈົດລາຍການຂໍ້ຄວນລະວັງຕ່າງໆ ໄວ້ເພືອເຕືອນໃຈ ແລະຢ່າລື່ມຕິດໂນດໄວ້ບ່ອນທີ່ເຫັນງ່າຍເຊັ່ນ ຕິດຢູ່ໜ້າຄອມພິວເຕີ ເປັນຕົ້ນ. ກວດວຽກ ຫຼື ເຊັກວຽກກ່ອນສົ່ງເພື່ອປ້ອງກັນການຜິດພາດ ແລະການຖຶກຕຳນິ. ເມື່ອເຮັດວຽກສຳເລັດແລ້ວຕ້ອງກວດເບິ່ງຄວາມຖຶກຕ້ອງທຸກຄັ້ງ ແລະບໍ່ໄດ້ກວດພຽງແຕ່ເທື່ອດຽວເທົ່ານັ້ນ ຄວນຊ່ວຍກັນກວດເບິ່ງຫຼາຍໆຄົນ ນອກຈາກເຂຈົ້າຂອງວຽກຈະຕ້ອງກວດວຽກຂອງຕົນແລ້ວ ຜູ້ທີ່ກ່ຽວຂ້ອງກັບວຽກນັ້ນກໍຄວນກວດເບິ່ງເຊັ່ນກັນ …

ເປັນສາວນ້ອຍປະດັບວົງການບັນເທິງລາວມາໄດ້ບໍ່ດົນ ແຕ່ເວົ້າເລື່ອງຄວາມສາມາດແລ້ວບໍ່ໄດ້ເປັນນ້ອງຮອງໃຜ ສໍາລັບສາວນ້ອຍໄວ 19 ປີ ຄື ແຮນນ່າ ໂຣເຊັ້ນບູ້ມ ໄພວັນ ທີ່ຫຼ້າສຸດຫາກໍມີຜົນງານໄປສ້າງຊື່ສຽງໃຫ້ກັບປະເທດລາວ ເທິງເວທີນາງງາມ Miss Asia 2019 ຈັດຂື້ນຢູ່ປະເທດ ອິນເດຍ ໃນວັນທີ 1 ພະຈິກ 2019 ຜ່ານ​ມາ ແຖມຍັງໄດ້ຕໍາແໜ່ງ Miss social media ເປັນປະສາດຂອງລາວທີ່ໄດ້ຮັບຕໍາແໜ່ງໃນເວທີສາກົນອີກດ້ວຍ… ນອກຈາກຈະມີຄວາມສາມາດເທິງເວທີນາງງາມແລ້ວ ແຮນນ່າ ຍັງມີຄວາມສາມາດຫຼາຍໆດ້ານບໍ່ວ່າຈະເປັນ ການສະແດງ ເຊິ່ງມີຜົນງານກາລັນຕີຫຼາກຫຼາຍທັງ ຊີຣີ່, MV ເພງ, ໂຄສະນາ… ພ້ອມກັນນັ້ນກໍຍັງມີຄວາມສາມາດດ້ານການຮ້ອງການເຕັ້ນອີກດ້ວຍ ເຊິ່ງຖ້າໃຜຕິດຕາມນ້ອງຕັ້ງແຕ່ຕົ້ນ ກໍຈະຮູ້ວ່າ ແຮນນ່າ ນັ້ນເຂົ້າວົງການມາເລີ່ມຈາກການປະກວດຮ້ອງເພງນັ້ນເອງ. ແລະ ບໍ່ດົນມານີ້ກໍໄດ້ຍິນແວ່ວໆມາວ່າ ສາວນ້ອຍຜູ້ຫຼາກຫຼາຍຄວາມສາມາດຄົນນີ້ກໍາລັງຈະໄປສ້າງປະຫວັດສາດໃຫ້ວົງການເພງລາວອີກຄັ້ງ ໂດຍການເຂົ້າຮ່ວມແຂ່ງຂັນ Girl Group RapStar ທີ່ປະເທດໄທ ໃນໄວໆນີ້ອີກດ້ວຍ. ຈັ່ງໃດແອັດມິ້ນ ແລະ …

ປະຈຸບັນເສດຖະກິດນັບມື້ຂະຫຍາຍຕົວ ເຮັດໃຫ້ມີການແຂ່ງຂັນກັນຫຼາຍຂຶ້ນ ຍິ່ງໄຍນີ້ເປັນໄລຍະຂອງການຜັນປ່ຽນ ເສດຖະກິດກໍາລັງຟື້ນຟູຈາກສະພາວະ ຫຼັງໂຄວິດ-19 ແນ່ນອນວ່າ ມັນມີຫຼາຍໆສິ່ງທີ່ຕ້ອງໄດ້ປັບປ່ຽນ ຕັ້ງແຕ່ວິທີການເຮັດວຽກ ໄປຈົນຮອດວິທີຄິດຕ່າງໆ ສະນັ້ນ, ເຮົາຄວນປະຕິບັດຕົນເອງໃຫ້ເປັນຄົນທີ່ມີຄຸນຄ່າຕໍ່ບໍລິສັດ ຫຼືອົງກອນເພື່ອໃຫ້ສາມາດສ້າງປະໂຫຍດໄດ້ສູງສຸດ. ຢ່າເບິ່ງຂ້າມເລື່ອງເລັກໆນ້ອຍໆດັ່ງຕໍ່ໄປນີ້… ຂໍຄຳແນະນຳຈາກຄົນທີ່ປະສົບການມາກ່ອນ: ຖ້າທ່ານມີບຸກຄົນທີ່ເປັນແບບຢ່າງ ທັງຮູ້ສຶກປະທັບໃຈໃນການເປັນນັກທຸລະກິດ ກໍຄືພະນັກງານທີ່ດີເດັ່ນ ທ່ານບໍ່ຕ້ອງເກງໃຈທີ່ຈະເຂົ້າໄປຂໍຄຳແນະນຳຈາກຄົນໆນັ້ນ ຫລື ບາງທີກໍໃຊ້ຮູບການຂຽນຈົດໝາຍຂໍຄຳແນະນຳທີ່ເປັນປະໂຫຍດກໍໄດ້. ຮຽນຮູ້ການເຮັດວຽກຂອງຫົວໜ້າ: ພະຍາຍາມເບິ່ງຜົນງານທີ່ດີຂອງຫົວໜ້າ ເພື່ອຮຽນຮູ້ທີ່ຈະເຮັດວຽກໄດ້ຢ່າງມີປະສິດທິພາບແບບຫົວໜ້າຂອງທ່ານ ເມື່ອໃດທີ່ຫົວໜ້າທ່ານບໍ່ສະບາຍ ຫຼື ລາພັກ ທ່ານກໍສາມາດເຮັດວຽກແທນເພິ່ນໄດ້ ຖືວ່າໄດ້ຊ່ວຍຫົວໜ້າຂອງທ່ານ ແລະ ຍັງເຮັດໃຫ້ທ່ານມີຄວາມແຕກຕ່າງກວ່າເພື່ອນຮ່ວມງານຄົນອື່ນໆອີກ. ໝັ່ນຊ່ວຍວຽກຕ່າງໆບໍ່ວ່າວຽກນ້ອຍ ຫຼື ໃຫຍ່: ການທີ່ຈະເຂົ້າໄປມີບົດບາດໃນເລື່ອງວຽກງານ ຫຼື ກິດຈະກຳຕ່າງໆ ເຖິງວ່າຈະເປັນພຽງເລື່ອງນ້ອຍໆກໍຕາມ ທ່ານຄວນເຄື່ອນໄຫວຢູ່ໃນສາຍຕາຂອງຜູ້ບໍລິຫານຫຼາຍຂຶ້ນ ຈຶ່ງຈະຖືກຈົດຈໍາໂດຍອັດຕະໂນມັດ ເມື່ອມີເລື່ອງໃຫ້ຊ່ວຍເຫຼືອ ຊື່ຂອງທ່ານກໍຈະຂຶ້ນມາຢູ່ໃນຄວາມຄິດຂອງຫົວໜ້າທັນທີ. ຮັກສາສໍາພັນທະພາບກັບລູກຄ້າ ຫຼື ແຂກທຸກຄົນ: ບໍ່ວ່າຈະເປັນແຂກຜູ້ນ້ອຍ ຫຼື ແຂກຜູ້ໃຫຍ່ກໍຕາມ ທ່ານບໍ່ຄວນຂາດການຕິດຕໍ່ກັບເຂົາເຈົ້າ ແຕ່ທ່ານບໍ່ມີທາງຮູ້ດອກວ່າ ມື້ໜຶ່ງພວກເຂົາອາດມີຄວາມສຳຄັນຕໍ່ທ່ານໃນອະນາຄົດ. ພັດທະນາທັກສະໃນການເວົ້າຢູ່ສະຖານທີ່ສາທາລະນະ ແລະ ທັກສະການນຳສະເໜີວຽກ: ຄົນສ່ວນຫຼາຍມັກຢ້ານເວລາເວົ້າຢູ່ຕໍ່ໜ້າຄົນອື່ນ ເຊິ່ງມີຄົນທີ່ເຮົາບໍ່ຮູ້ຈັກເປັນຈຳນວນຫຼາຍ …

“ຄິດໃຫ້ໄດ້ ໃຊ້ໃຫ້ເປັນ” ຫຼາຍຄົນມັກຈະຄິດວ່າ ເງິນທີ່ເຮົາໄດ້ມາຈາກນໍ້າເຫື່ອນໍ້າແຮງນັ້ນ ຄວນເອົາໄປໃຊ້ໃນສິ່ງທີ່ເຮົາຕ້ອງການ ໃຊ້ເງິນແບບຄຸ້ມຄ່າກັບການຊອກມາ ຖ້າຄິດແນວນັ້ນກໍບໍ່ຜິດ ແຕ່ໝັ້ນໃຈແລ້ວຫຼືບໍ່ວ່າ ການໃຊ້ເງິນຂອງທ່ານນັ້ນຄຸ້ມຄ່າທີ່ສຸດ ເຊິ່ງວາລະສານຂວັນໃຈສະບັບນີ້ ໄດ້ນຳເອົາວິທີການຈ່າຍເງິນແບບບໍ່ຈຳເປັນມາຝາກ ເພື່ອບໍ່ຕ້ອງມີໜີ້ໃນສິ່ງທີ່ບໍ່ຈຳເປັນ ແລະ ຍັງມີເງິນທ້ອນອີກ. ອຸປະກອນເອເລັກໂຕຼນິກ ເຖິງວ່າສະໄໝນີ້ອຸປະກອນເອເລັກໂຕຼນິກຫຼາຍໆຊະນິດຈະມີຄວາມຈຳເປັນຕໍ່ຊີວິດປະຈໍາວັນກໍຕາມ ແຕ່ກໍບໍ່ໄດ້ໝາຍຄວາມວ່າທ່ານຈະຕ້ອງໃຊ້ເງິນໄປກັບການຊອກຊື້ອຸປະກອນລຸ້ນໃໝ່ຢູ່ຕະຫຼອດ ສິ່ງທີ່ທ່ານຊື້ມາໃນມື້ນີ້ ອາດຈະເປັນລຸ້ນໃໝ່ກໍຕາມ ແຕ່ເມື່ອຮອດປີໜ້າ ລຸ້ນໃໝ່ກວ່າປີນີ້ກໍຈະອອກມາຄືກັນ ແລະ ລຸ້ນໃໝ່ທີ່ເຮົາຊື້ກໍຈະເປັນລຸ້ນເກົ່າ ຖ້າເຮົາຍັງຊື້ເຄື່ອງໄປຕາມການເວລາແນວນີ້ທຸກໆປີ ເຮົາກໍຈະບໍ່ມີເງິນໄວ້ເຫຼືອຖົງເລີຍ ແຖມຍັງໃຊ້ເຄື່ອງບໍ່ຄຸ້ມອີກ ເພາະຫາກໍຊື້ແຕ່ກໍຕ້ອງຊື້ໃໝ່ອີກແລ້ວ ເຄື່ອງຕົກແຕ່ງເຮືອນ ໃຜທີ່ມັກຕົກແຕ່ງເຮືອນດ້ວຍການຊື້ເຄື່ອງ ຫຼື ສິ່ງຂອງມະຍ໋ອກມະແຍ໋ກ ມາປະດັບເຮືອນນັ້ນ ຂໍບອກເລີຍວ່າ ໃຫ້ຢຸດ ເຖິງວ່າເຄື່ອງເຫຼົ່ານັ້ນຈະຊ່ວຍໃຫ້ເຮືອນແນມເບິ່ງແລ້ວງາມຕາຂຶ້ນກໍຕາມ ແຕ່ຖ້າເຮົາຊື້ຫຼາຍ ເຮົາກໍເປືອງເງິນຫຼາຍເທົ່ານັ້ນ ລອງຊອກວິທີທີ່ປະຢັດກວ່າຄື ເຟີນີເຈີ້ ບາດດຽວເລີຍ ນອກຈາກຈະ ປະຢັດເງິນແລ້ວ ກໍຍັງມີຄວາມພູມໃຈກັບສິ່ງນັ້ນອີກດ້ວຍ. ລົດ ສຳລັບຄົນຮັກລົດ ເມື່ອເຫັນລົດລຸ້ນໃໝ່ໆ ກໍອົດໃຈບໍ່ໄດ້ທີ່ຢາກຊື້ລົດໃໝ່ ແລະ ພະຍາຍາມຊອກຫາຈຸດບົກຜ່ອງ ຫລື …

ໃນສະຖານະການທີ່ຮ້າຍແຮງ ກໍຍັງມີເລື່ອງດີໆໃຫ້ຍິ້ມຢູ່… ເຊິ່ງເລື່ອງລາວດີໆທີ່ນໍາມາໃຫ້ຍິ້ມໃນມື້ນີ້ ກໍເປັນເລື່ອງລາວຂອງນັກມວຍໂລກທີ່ຊື່ວ່າ ມັນນີ່ ປາກຽວ ເຊິ່ງຖ້າເວົ້າເຖິງຊື່ນີ້ແລ້ວ ເຊື່ອວ່າທຸກຄົນຄົງຕ້ອງຮູ້ຈັກດີຢ່າງແນ່ນອນ ເພາະເລື່ອງລາວຂອງ ປາກຽວ ໄດ້ຖືກຖ່າຍທອດອອກມາຢ່າງຫຼວງຫຼາຍກ່ຽວກັບຊີວິດໃນໄວເດັກ ຄວາມທຸກຍາກລໍາບາກຂອງຄອບຄົວສະໄໝຍັງບໍ່ມີຊື່ສຽງ… ແຕ່ມາຮອດມື້ນີ້ ປາກຽວ ໄດ້ສ້າງປະຫວັດສາດໃຫ້ວົງການມວຍໂລກ ແລະ ເປັນບຸກຄົນທີ່ປະສົບຄວາມສໍາເລັດອິກຄົນໜຶ່ງ!! ແຕ່ ປາກຽວ ກໍຍັງບໍ່ລືມວ່າຕົນເອງກໍາເນີດມາຈາກສັງຄົມແບບໃດ ແລະ ເຂົ້າໃຈຢ່າງເລິກເຊິ່ງເຖິງຄວາມທຸກຍາກນັ້ນ ປາກຽວ ຈຶ່ງຕັດສິນໃຈຈົກເງິນສ່ວນຕົວທີ່ໄດ້ຈາກການຕີມວຍແຕ່ລະຄັ້ງ ສ້າງເຮືອນໃນດິນຂອງຕົນເອງເປັນຈໍານວນ 1.000 ຫຼັງທີ່ບ້ານເກີດ ເພື່ອໃຫ້ປະຊາຊົນຊາວ ຟີລິບປິນ ທີ່ບໍ່ມີເຮືອນ ໄດ້ເຂົ້າມາພັກອາໄສແບບຟຣີໆ ແລະ ຢູ່ໄດ້ຕະຫຼອດຊີວິດ… ສໍາລັບ ເລື່ອງລາວດັ່ງກ່າວນີ້ ຖືເປັນເລື່ອງລາວດີໆທີ່ສັງຄົມຄວນໃຫ້ຄວາມຍົກຍ້ອງໃນນໍ້າໃຈຂອງ ແມນນີ້ ປາກຽວ Manny Pacquiao ທີ່ບໍ່ວ່າຈະໄປໄດ້ໄກຂະໜາດໃດກໍຍັງບໍ່ລືມບ້ານເກີດ ຖິ່ນກໍາເນີດ ແລະ ບໍ່ລືມຄວາມລໍາບາກທີ່ຕົນເອງເຄີຍພົບພໍ້ມາ ຈົນນໍາມາເຊິ່ງຄວາມຊ່ວຍເຫຼືອທີ່ຍິ່ງໃຫຍ່ໃນຄັ້ງນີ້… ແອັດຂໍຍົກຍ້ອງ ແລະ ກາບໃນຄວາມດີຂອງ ປາກຽວ ຢ່າງສຸດໃຈ!! …