ຂ່າວບັນເທີງນອກປະເທດ

ໄດ້ຮັບຕຳແໜ່ງກັນໄປແບບຍັງສົດໆຮ້ອນໆ ແລະ ເມື່ອບໍ່ດົນມານີ້ ກະດູມເພັດ ໄຊຍະວົງ Miss World Laos 2018, ສັນທະນີ ໄຊມະນີ Miss supranational Laos 2018, ສຸນີຕ້າ ໄຊຊະນະ Miss Tourism Laos 2018 ກໍ່ໄດ້ອອກງານ Even Fit Fest ຮ່ວມກັບດາລາດັງຈາກປະເທດເພື່ອນບ້ານຫລາຍທ່ານເຊັ່ນ ຕູນ ບໍດີສະແລມ ,ວູດດີ້ ກະລາແມ, ກ້ອຍ ລັດສະວິນ ແລະ ເຊີລີ່ ເທນເນີ້ອອກກຳລັງກາຍ. ເຊິ່ງງານນີ້ ສາວໆນາງງາມທັງ 3 ຕຳແໜ່ງກໍ່ໄດ້ຮ່ວມເຮັດກິດຈະກຳ ພ້ອມທັງຍັງໄດ້ຖ່າຍຮູບກັບສິລະປິນ ດາລາຈາກປະເທດເພື່ອນບ້ານ ມາຝາກແຟນໆອີກດ້ວຍ. ທີ່ມາ: Miss Laos World ມີສລາວ ເວີຣ

ຈັດໄປ!!! ຫຼ້າສຸດເປັນກະແສໂດ່ງດັງໄປແລ້ວ…. ເພາະໃນວັນທີ 2 ຕຸລາ 2018 ທາງເພສຫຼັກຂອງລາຍການດັງ The Face Men Thailand ໄດ້ອອກມາເປີດເຜີຍຊາຍໜຸ່ມທີ່ຜ່ານໃນຮອບ Audition ເຊິ່ງໜຶ່ງໃນນັ້ນມີໜຸ່ມຫຼໍ່ຈາກປະເທດລາວ ວັດທະນາ ສີສົມບັດ (ໂທມັດ) ອາຍຸ 18 ປີ ເປັນລູກຊອດ ລາວ-ຝຣັ່ງ ທີ່ຕັ້ງໃຈບິນໄປຮ່ວມແຂ່ງຂັນໃນ The Face Men Thailand 2 ໂດຍສະເພາະ. ສຳລັບການແຂ່ງຂັນ ໂທມັດ ສີສົມບັດ ແມ່ນເປັນໜຶ່ງໃນຜູ້ຜ່ານເຂົ້າຮອບ Audition  ເປັນທີ່ຮຽບຮ້ອຍ, ຢ່າງໃດຄົນລາວເຮົາກໍ່ບໍ່ຄວນພາດທີ່ຈະເຊຍ ແລະ ເປັນກຳລັງໃຈໃຫ້ຄົນລາວນຳກັນແດ່ເດີ້ແຟນ. ຮູບພາບ: FB/Thomas Sisombat, The Face Thailand

ເວົ້າເຖິງເລື່ອງນາງງາມ ປະເທດ ໂຄລຳເບຍ (Colombia) ກໍ່ເປັນອີກປະເທດໜຶ່ງທີ່ຂຶ້ນຊື່ສຸດໆ ແຖມຍັງເປັນອີກໜຶ່ງປະເທດທີ່ມີນາງງາມດາວເດັ່ນເຂົ້າຊິງທີ່ເວທີ Miss Universe ໃນທຸກໆປີ ເນື່ອງຈາກສາວງາມຈາກປະເທດ Colombia ມັກມີໂອກາດໄດ້ເຂົ້າຮອບເລິກໆມາຫຼາຍປີ ແລະ  ໃນປີ 2017 ທີ່ຜ່ານມາກໍ່ສາມາດເຂົ້າໄດ້ເຖິງຮອບ 5 ຄົນສຸດທ້າຍ. ຫຼ້າສຸດ, ເມື່ອບໍ່ດົນມານີ້ທາງປະເທດໂຄລຳເບຍກໍ່ໄດ້ແຂ່ງຂັນ ພ້ອມກັບໄດ້ສາວງາມຜູ້ມີຄຸນນະສົມບັດຄົບຖ້ວນເພື່ອເປັນ Miss Universe Colombia 2018 ເປັນທີ່ຮຽບຮ້ອຍ ເຊິ່ງສາວງາມທີ່ຊະນະເລີດໃນປີນີ້ກໍ່ຄື Valeria Morales Delgado. Valeria Morales Delgado Miss Universe Colombia 2018  ອາຍຸ 20 ປີ ລວງສູງ 173 ກຳລັງສຶກສາໃນສາຂາ Social Communication ທີ່ Broward College, ກ່ອນໜ້າໄດ້ຕຳແໜ່ງ Valeria ໄດ້ເປັນນາງແບບມືອາຊີບ ເຊິ່ງນາງສາມາດໂຊທັກສະໃນການຍ່າງເທິງເວທີ ໂດຍໃນຮອບຊຸດລອຍນໍ້າ ແລະ ຊຸດລາຕີນາງກໍ່ໄດ້ຄະແນນມາບໍ່ໜ້ອຍ …

Hello ແຟນໆທຸກໆຄົນເລີ່ມຕົ້ນເດືອນ ຕຸລາ ປະຈຳປີ 2018 ໃນວັນຈັນ ຕົ້ນອາທິດ ແນ່ນອນແຟນໆຫຼາຍໆຄົນກໍ່ຄົງຈະມີພາລະກິດໃນການເຮັດວຽກ ການຮຽນ ຕ່າງໆນາໆກໍ່ວ່າກັນໄປ ແຕ່ຢ່າໄປຊີຣຽດຫຼາຍເດີ້ ເຮັດໃຈໃຫ້ສະບາຍແລ້ວມາອັບເດດຂ່າວສານກັບ ຊະນີIndy ຈະດີກວ່າ, ໃນມື້ນີ້ຈະພາແຟນໆມາອັບເດດຂ່າວສານເລື່ອງລາວຂອງວົງການນາງງາມ ໃນເວທີ ມິສແກຣນ ທີ່ປະເທດລາວເຮົາກໍ່ບໍ່ດ້ອຍໜ້າ ກຽມສົ່ງ ນ້ອງ ນົບພະລັດ ສີໄກພັກ (ມາລີ) Miss Grand Laos 2018 ໄປເປັນຕົວແທນແຂ່ງຂັນເອົາມົງກຸດອັນຊົງກຽດທີ່ເວທີລະດັບໂລກ Miss Grand International 2018. ນອກຈາກຈະມີສາວງາມຕົວແທນປະເທດລາວແລ້ວ ແນ່ນອນວ່າເຮົາກໍ່ຕ້ອງມີ ຊຸດທີ່ເປັນເອກະລັກຂອງປະເທດລາວໄປເຜີຍແຜ່ໃນເວລາດຽວກັນ ນັ້ນກໍ່ຄືຊຸດປະຈຳຊາດ ແລະ ຫຼ້າສຸດເພິ່ນກໍ່ໄດ້ເປີດເຜີຍມາແລ້ວວ່າຊຸດທີ່ສາວງາມຈະສວມໃສ່ໃນປີນີ້ກໍ່ຄື “ຊຸດນາງສັງຂານລາວ “ຊຸດນີ້ໄດ້ແຮງບັນດານໃຈມາຈາກປະເພນີວັນສຳຄັນ ກໍຄືວັນຂຶ້ນປີໃໝ່ລາວ, ເຊິ່ງເປັນປະເພນີທີ່ມີຊື່ສຽງໂດ່ງດັ່ງໄປທົ່ວໂລກ ທີ່ສາມາດດຶງດູດນັກທ່ອງທ່ຽວຈາກຫລາຍປະເທດໃຫ້ເຂົ້າມາຢ້ຽມຢາມປະເທດລາວ ໂດຍສະເພາະແມ່ນຢູ່ ນະຄອນຫລວງພະບາງ ທີ່ມີການປະກວດນາງສັງຂານໃນແຕ່ລະປີ. ດັ່ງນັ້ນ, ຊຸດນີ້ຈຶ່ງດຶງເອົາເອກະລັກຄວາມໂດດເດັ່ນຂອງ “ນາງ ມະໂຫທອນເທວີ” ມາດັດແປງເປັນຊຸດປະຈຳຊາດ, ດຶງເອົານົກຍູງທີ່ມີຄວາມສະຫງ່າງາມມາເປັນສ່ວນໜຶ່ງຂອງຊຸດ …

ຈະພາແຟນໆມາສ່ອງ ຊຸດປະຈຳຊາດຂອງ ນິ້ງ ໂສພິດາ Miss Universe Thailand 2018 ທີ່ຫຼ້າສຸດທາງກອງປະກວດກໍ່ໄດ້ເປີດເຜີຍຊຸດປະຈຳຊາດທີ່ຈະໃຊ້ເຂົ້າໃນການປະກວດທີ່ໃນປີນີ້ ເຊິ່ງເປັນປີທີ່ພິເສດເພາະ ປະເທດໄທ ຈະໄດ້ເປັນເຈົ້າພາບຈັດການປະກວດ ນາງງາມຈັກກະວານ (Miss Universe 2018) ອີກດ້ວຍ. ເຊິ່ງແຕ່ລະປີ ປະເທດໄທ ເພິ່ນກໍ່ຖືໄດ້ວ່າ ຊຸດປະຈຳຊາດຂອງ Miss Universe Thailand ໃນແຕ່ລະປີກໍ່ຈະມີຄວາມອະລັງການບໍ່ແພ້ປະເທດອື່ນໃນໂລກ ແລະ ໃນປີນີ້ກໍ່ເຊັ່ນກັນ ເຊິ່ງໄດ້ມີການຈັດການປະກວດໃຫ້ນັກອອກແບບທົ່ວປະເທດໄດ້ອອກແບບ ແລະ ຊຸດທີ່ເອົາຊະນະໃຈກຳມະການກໍ່ຄືຊຸດ (Chang The Icon of Siam) ເຊິ່ງມີແຮງບັນດານໃຈມາຈາກ ຊ້າງ ຈຶ່ງໄດ້ອອກແບບ ແລະ ຄິດສ້າງສັນມາເປັນຊຸດປະຈຳຊາດໃນຮູບແບບທີ່ຮ່ວມສະໄໝ ແຕ່ບໍ່ຖິ້ມເອກະລັກໄທ ຊຸດດັ່ງກ່າວສື່ໃຫ້ເຫັນເຖິງຄວາມເຂັ້ມແຂງ ງົດງາມ ອ່ອນຫວານ ແລະ ທັນສະໄໝ ການອອກແບບຈຶ່ງນຳໂຄງສ້າງຊ້າງມາເປັນອົງປະກອບຫຼັກໃນການສ້າງຊຸດຊ້າງຄູ່ແຜ່ນດິນ ໂດຍປະສົມປະສານລະຫວ່າງຄວາມເປັນໄທ ແລະ ສາກົນເຂົ້າໃສ່ກັນ ໃນຊຸດມີການເກັບລາຍລະອຽດໂດຍການປັກລາຍໄທແບບ …