ຂ່າວບັນເທີງນອກປະເທດ

ເປັນຂ່າວດັງໄປທົ່ວໂລກກໍລະນີທີ່ Shwe Eain Si ອາຍຸ 19 ປີ ມິສແກຼນ ມຽນມ້າ  2017 ຖືກສັ່ງໃຫ້ປົດອອກຈາກຕຳແໜ່ງກ່ອນການເດີນທາງໄປປະກວດ  Miss Grand International 2017 ທີ່ ປະເທດ ຫວຽດນາມ ຖານເຮັດຜິດກົດ ແລະ ປະພຶດຕົວບໍ່ເໝາະສົມ ເຊິ່ງຫຼາຍຄົນກໍຊອກສາເຫດການປົດຕຳແໜ່ງຂອງ Shwe Eain Si ວ່າອາດເປັນຍ້ອນທີ່ນາງໄດ້ໂພສຄລິບວິດີໂອຄວາມຮຸນແຮງໃນ ລັດ ຍະໄຂ່ ພ້ອມຂຽນຂໍ້ຄວາມປະນາມ. ຫຼ້າສຸດໃນວັນທີ 3 ຕຸລາ Shwe Eain Si ກໍໄດ້ອອກເຄື່ອນໄຫວແລ້ວ ໂດຍການໂພສຖະແຫຼງການຜ່ານເຟສບຸກ ຊີ້ໃຫ້ເຫັນວ່າສາເຫດການຖືກປົດຕຳແໜ່ງກ່ຽວຂ້ອງກັບການອອກມາວິຈານສະຖານະການຄວາມຮຸນແຮງໃນມຽນມ້າ ໂດຍລະບຸວ່າ: “ຖືເປັນເລື່ອງຈຳເປັນໃນຖານະປະຊາຊົນຄົນໜຶ່ງທີ່ຈະໃຊ້ຊື່ສຽງໃນການເວົ້າຄວາມຈິງເພຶ່ອປະເທດຊາດ” Shwe Eain Si's Response to the Revocation Announcement …………….1.Since 2013, Hello Madam Media …

ຖ້າຈະເວົ້າເຖິງງານແຟຼຊັ່ນໂຊທີ່ຄົນທົ່ວໂລກໃຫ້ຄວາມສົນໃຈ ແລະ ຕ່າງລຸ້ນ ຕ່າງລໍຖ້າເພື່ອທີ່ຈະໄດ້ເບິ່ງບັນດາເຫຼົ່ານາງແບບງາມໆ ເຊັກຊີ່ໆ ຄົງຈະບໍ່ມີໃຜບໍ່ນຶກເຖິງ Victoria’s Secret Fashion Show ຢ່າງແນ່ນອນ ເພາະນອກຈາກບັນດາສາວໆຈະໄດ້ເບິ່ງຄໍເລັກຊັ່ນໃໝ່ໆທີ່ສຸດແສນຈະອະລັງການແລ້ວ ບັນດາໜຸ່ມໆກໍຍັງຈະໄດ້ເພີດເພີນຕາໄປກັບສາວໆນາງຟ້າວິກຕໍເລຍທີ່ມາຮ່ວມເດີນແບບອວດຫຸ່ນງາມໆ. ໂດຍງານໃນປີນີ້ຈະຈັດຂຶ້ນໃນວັນທີ 28 ພະຈິກ 2017 ທີ່ນະຄອນຫຼວງ ຊຽງໄຮ້ ປະເທດ ຈີນ ເຊິ່ງທາງວິກຕໍເລຍ ຊີເຄຣັດ ກໍໄດ້ເປີດເຜີຍລາຍຊື່ບັນດານາງແບບທີ່ໄດ້ຮັບການຍືນຍັນອອກມາແລ້ວວ່າຈະໄດ້ເດີນແບບໃນ ວິກຕໍເລຍ ຊີເຄຣັດ ແຟຼຊັ່ນໂຊ 2017ເປັນທີ່ຮຽບຮ້ອຍກວ່າ 50 ຄົນ, ໃນມື້ນີ້ ຂວັນໃຈ ເຮົາຈຶ່ງຂໍນຳເອົາຮູບພາບຂອງນາງຟ້າວິກຕໍເລຍ ມາໃຫ້ເບິ່ງເປັນນໍ້າຈິ້ມໄປກ່ອນ ເຊິ່ງຂໍບອກເລີຍເດີ້ວ່ານາງແບບແຕ່ລະຄົນນັ້ນບໍ່ແມ່ນເລື່ອງງ່າຍທີ່ຈະໄດ້ມາເດີນແບບໃນເວທີນີ້ ຕ້ອງຄັດແລ້ວຄັດອີກ ກວ່າຈະໄດ້ສາວໆທີ່ມີຄວາມງາມ ຄວາມເຊັກຊີ່ ມີເອກະລັກສະເພາະຕົວ ລອງມາເບິ່ງກັນເລີຍວ່າຈະມີໃຜແດ່… ອະເດີຍນ່າ ລິມ່າ (Adriana Lima) ອະເລັກຊຣານດຣ້າ ອຳໂບຊິໂອ (Alessandra Ambrosio) ເບຮາຕິ ພຣິ້ນລູ (Behati …

ຂວັນໃຈຂອງທຸກຄົນ “ໜ້າກາກຊາກຸລະ” ຫຼື ອາເລັກແຊນດຼ້າ ທິດາວັນ ບຸນຊ່ວຍ ນັກຮ້ອງສາວຊື່ດັງຫຼາກຫຼາຍຄວາມສາມາດຈາກລາວເຮົາ ຫຼັງຈາກໄດ້ໄປອອກລາຍການ The mask single3 ເພື່ອໂຊຄວາມສາມາດ ນິດໃສ ໃນຫຼາຍໆດ້ານທີ່ຫຼາຍໆຄົນຍັງບໍ່ຮູ້ພາຍໃຕ້ໜ້າກາກ, ໃນລາຍການ ໜ້າກາກຊາກຸລະ ກໍຮ້ອງທັງໝົດ 2 ເພງຄື “Dangerous woman” ແລະ “ຄິດຮອດ” ແຕ່ກໍເສຍດາຍທີ່ເສຍໃຫ້ “ໜ້າກາກແອັບເປີ້ນ” ແລະ ໄດ້ຖອດໜ້າກາກໃນທີ່ສຸດ, ຫຼ້າສຸດຫຼັງຈາກທີ່ຖອດໜ້າກາກແລ້ວ ອາເລັກແຊນດຼ້າ ຈາກທີ່ເຄີຍດັງຢູ່ແລ້ວ ກໍຍິ່ງດັງເຂົ້າໄປອີກເພາະມີແຟນຄລັບໃຫ້ຄວາມສົນໃຈ ແລະຕິດຕາມກັນຢ່າງຫຼວງຫຼາຍ ທັງຍັງຊົມເຊີຍໃນຄວາມສາມາດສະເພາະຕົວຂອງນາງ ແລະ ໃນໄວໆນີ້ ອາເລັກແຊນດ້າ ກຳລັງຈະມີຜົນງານຜ່ານລາຍການ “ໄມທອງຄຳ” ໂດຍນາງໄດ້ໄປໂຊໂຕທັງຮ້ອງເພງ ແລະ ຫຼິ້ນໄວໂອລີນ ແຖມຍັງໃສ່ຊຸດໄໝລາວງາມໆໄປອີກດ້ວຍ ແຕ່ລາຍການຍັງບໍ່ໄດ້ອອນແອ, ດັ່ງນັ້ນ Kuanjai ເຮົາກໍບໍ່ພາດທີ່ຈະເອົາຮູບຂອງ ຊຸບເປີສະຕາ ສາວຄົນນີ້ມາຝາກເປັນນໍ້າຈິ້ມໄປກ່ອນ ສ່ວນວ່າລາຍການອອກອາກາດມື້ໃດນັ້ນ ສັນຍາເລີຍວ່າຈະເອົາມາຝາກແຟນໆແນ່ນອນ!!! #ໃຜເປັນແຟນຄລັບໜ້າກາກຊາກຸລະຢ່າລືມແຊຣໄປເປັນກຳລັງໃຈນາງແດ່ ຮູບພາບ: Alexandra …

ລຸ້ນໃຈຈົດໃຈຈໍ່ກັນເລີຍສຳລັບລາຍການແຂ່ງຂັນເພງຂອງປະເທດເພື່ອນບ້ານ The Mask Singer3 ທີ່ມີກະແສຮືຮາໄປທົ່ວຫຼັງຈາກເທບທຳອິດຂອງລາຍການເປີດໂຕມາມີຫຼາຍໆໜ້າກາກ ແຕ່ມີໜ້າກາກໜຶ່ງທີ່ມີຜູ້ຄົນໃຫ້ຄວາາມສົນໃຈຫຼາຍກໍຄື “ໜ້າກາກຊາກຸລະ” ທີ່ແຟນໆທັງລາວ ແລະ ໄທ ຕ່າງກໍທວາຍໄວ້ວ່າຕ້ອງເປັນ ນັກຮ້ອງສາວສຽງຫວານຈາກ ສປປ ລາວ ອາເລັກແຊນດຼ້າ ທິດາວັນ ບຸນຊ່ວຍ ແນ່ນອນ. ໃນວັນທີ 21 ກັນຍາ 2017 ລາຍການ The Mask Singer3 ກໍເຮັດການແຂ່ງຂັນອີກຄັ້ງຈົນຮູ້ແລ້ວວ່າທີ່ແທ້ຈິງ ໜ້າກາກຊາກຸລະ ທີ່ຫຼາຍໆຄົນຕ່າງລຸ້ນກັນວ່າຈະເປັນສິລະປິນທີ່ຕົວເອງທວາຍໄວ້ຫຼືບໍ່ກໍຖືກຖອດໜ້າກາກແລ້ວ. ໃນການແຂ່ງຂັນ ໜ້າກາກຊາກຸລະ ໄດ້ເຮັດການແຂ່ງຂັນກັບ ໜ້າກາກແອັບເປີ້ນ ເຊິ່ງຜູ້ທີ່ຊະນະກໍ່ແມ່ນຝ່າຍ ໜ້າກາກແອັບເປີ້ນທີ່ໄດ້ຜ່ານເຂົ້າຮອບຕໍ່ໄປ ແລະ ແນ່ນອນເລີຍວ່າໜ້າກາກທີ່ເປັນຝ່າຍເສຍກໍຕ້ອງໄດ້ຖອດ ພໍແຕ່ຖອດມາເທົ່ານັ້ນແຟນໆທີ່ກຳລັງລຸ້ນກໍຕ້ອງຮ້ອງດ້ວຍຄວາມດີໃຈ ເພາະເປັນໃຜບໍ່ໄດ້ເລີຍນອກຈາກ ອາເລັກແຊນດຼ້າ ທິດາວັນ ບຸນຊ່ວຍ  ກໍແນວວ່າສຽງຫວານເປັນເອກະລັກປານນັ້ນ ເປັນໃຜກໍຈະບໍ່ຈື່ວ່າບໍ່ (ອິອິ). #ກຳລັງເປັນກະແສແຊຣໄປ ຮູບພາບ ແລະ ຄລິບ: WorkpointOfficial ,  Alexandra Bounxouei – ອາເລັກຊານດຼາ ບຸນຊ່ວຍ

ວັນໃໝ່ ມົນຈຳປາ ທຳມະວົງ ສາວປະເພດສອງສຸດຮ໋ອດ ກໍບໍ່ພາດທີ່ຈະຮ່ວມເສີດສາຍ ໂຊຝີມືດ້ານການເດີນແບບໃນງານ Lao Fashion Week 2017 ທີ່ຈັດຂຶ້ນໃນຊ່ວງອາທິດກ່ອນ, ງານນີ້ຖືວ່າ ນ້ອງ ວັນໃໝ່ ກໍຫອບເອົາຄວາມໝັ້ນໃຈມາຢ່າງເຕັມທີ່ ເດີນແບບໄດ້ຢ່າງສະຫງ່າງາມ ເປັນທີ່ຍອມຮັບຂອງຄົນພາຍໃນງານ ແລະ ບັນດາແຟນຄລັບກັນຖ້ວນໜ້າ. ວັນໃໝ່ ມົນຈຳປາ ທຳມະວົງ  ອາຍຸ 21 ປີ, ໂດ່ງດັງ ແລະ ເປັນທີ່ຮູ້ຈັກຈາກການປະກວດ Miss International Queen 2016 ແລະ ຍັງໄດ້ລາງວັນມາຝາກພີ່ນ້ອງຊາວລາວແມ່ນ “ລາງວັນຊຸດປະຈຳຊາດດີເດັ່ນ”, ປັດຈຸບັນ ວັນໃໝ່ ກໍເລີ່ມມີບົດບາດໃນວົງການບັນເທິງເຊັ່ນ ຖ່າຍແບບ ເດີນແບບ ເປັນພີເຊັນເຕີ້ ເປັນນາງເອກເອັມວີ ແລະ ລວມທັງງານໃຫ່ຍໆລະດັບປະເທດກໍບໍ່ພາດທີ່ຈະມີວັນໃໝ່ຮ່ວມເປັນໜຶ່ງນັ້ນອີກດ້ວຍ. #ສາວປະເພດສອງລາວທັງງາມທັງເກັ່ງແຊຣໄປໃຫ້ໂລກຮູ້ ຮູບພາບ: Wanmai Thammavong