ຂ່າວບັນເທີງໃນປະເທດ

  ເປັນທີ່ໜ້າຈັບຕາເບິ່ງສຳລັບສາວນ້ອຍໄວສົດໃສຄົນນີ້ ນາງ ອາລີນ່າ ພິລາວົງ ສາວນ້ອຍໄວໃສອາຍຸພຽງ 17 ປີ, ຊະນີIndy ໄດ້ໄປຕິດຕາມໄປສືບຫາຂໍ້ມູນມາກໍເລີຍຮູ້ວ່າສາວນ້ອຍຄົນນີ້ເປັນລູກຊອດ ລາວ-ຍູເຄນຣ  (Ukraine) ກໍາລັງສຶກສາຢູ່ທີ່ ມສ.ວຽງຈັນ ຊັ້ນ ມໍ.7 ແລະ ທີ່ສະດຸດຕາຫຼາຍກໍຄືນາງມີຄວາມສູງເຖິງ 1,73 cm (ໂອ້ຍ…ຈັ່ງແມ່ນສູງນໍລູກ), ຜົນງານຂອງນ້ອງເທົ່າທີ່ຜ່ານມາແມ່ນເປັນນາງແບບຕາມງານແຟຼຊັ່ນໂຊຕ່າງໆ (ວາລະສານ ຂວັນໃຈ ກໍຖ່າຍປົກມາແລ້ວເດີ້ ບໍ່ທຳມະດາໃດນິ), ທັງສະແດງຊີ່ຣີ່ໄວລຸ້ນຊື່ດັງ Until you ແລະ ຫຼ້າສຸດແມ່ນສາວນ້ອຍຄົນນີ້ໄດ້ເປັນເຖິງພີເຊັນເຕີ້ສະມາດໂຟນແບຼນດັງ Samsung Galaxy A 2017, ປະຕິໂທ້ ບໍ່ທຳມະດາອີ່ຫລີ ຊະນີIndy ຍັງໄດ້ຍິນມາອີກເດີ້ວ່າສາວນ້ອຍຄົນນີ້ເປັນທີ່ຈັບຕາເບິ່ງຂອງລຸ້ນເອື້ອຍລຸ້ນອ້າຍໃນວົງການບັນເທິງລາວເຮົາ ດັ່ງນັ້ນຮັບຮອງສາວນ້ອຍ ອາລີນ່າ ຄົນນີ້ຕ້ອງມີອະນາຄົດໄກໃນວົງການບັນເທິງລາວເຮົາແນ່ນອນ! ກົດໄລ້-ກົດແຊຣເປັນກຳລັງໃຈໃຫ້ອາລີນ່າດ່ວນ ແລະ ມາເບິ່ງຮູບພາບໜ້າຮັກສົດໃສຂອງນ້ອງໄດ້ເລີຍ!!!   ຂໍຂອບໃຂຮູບພາບຈາກ: Alina Philavong  

  ແລງໆ…ແບບນີ້ຮອດເວລາມາຝອຍນຳກັນກັບ ຊະນີIndy ເນື່ອງຈາກວ່າກະແສໂຊຊ່ຽວໃນມື້ທີ່ຜ່ານມີເຟັກບຸກສ່ວນຕົວຂອງສາວງາມຄົນໜຶ່ງຊື່ວ່າ ມິນຕາ ລາດຊະວົງ ໄດ້ໂພສຮູບໄປທ່ຽວສະຖານທີ່ທ່ອງທ່ຽວຊື່ດັງ ມ.ວັງວຽງ ແລະ ໃນການໄປທ່ຽວຫຼິ້ນເທື່ອນີ້ກໍຖືເປັນການໄປທ່ຽວຕາມພາສາໄວລຸ້ນລາວເຮົາທົ່ວໄປ ແຕ່ທີ່ສະດຸດຕາ ຊະນີIndy ເຂົ້າແບບກົງໆກໍຄືສາວງາມແກ້ງນີ້ໄດ້ໄປຢ້ຽມຢາມພໍ່ຕູ້ທີ່ຂ້ອນຂ້າງລຳບາກ ອາໄສຢູ່ຄົນດຽວໃນຕູບຮ້າງໆຫົວຂົວ ບ້ານນາມອນ ມ.ວັງວຽງ ເຊິ່ງນາງກໍໄດ້ໂພສຮູບພາບໄປຢາມພໍ່ຕູ້ແບບຍົກແກ້ງ ພ້ອມຂຽນແຄບຊັ່ນເທິງຮູບທີ່ວ່າ: “ໄປຫຼິ້ນວັງວຽງເທື່ອນີ້ຄຸ້ມຫຼາຍ ດີໃຈທີ່ໄດ້ຊ່ວຍພໍ່ຕູ້ສຳລັບໃຜທີ່ມີແຜນຈະໄປຫຼິ້ນວັງວຽງ ແລະ ຢາກເອົາອາຫານ ນ້ຳ ເຄື່ອງນຸ່ງ ຫຼື ແລ້ວແຕ່ສັດທາ ໄປໃຫ້ພໍ່ຕູ້ແວ່ມາຫາເພິ່ນໄດ້ເດີ້ທາງຜ່ານພໍດີ ພໍ່ຕູ້ເພິ່ນເຖົ້າແລ້ວອາໄສຢູ່ຄົນດຽວກະຕູບຂ້າງຂົວນາມອນ ໄກ້ກັບຕະຫຼາດຂາຍປາແຫ້ງ ຊ່ວຍກັນຄົນລະເລັກລະໜ້ອຍກໍໄດ້ ” ຈົນເຮັດໃຫ້ມີແຟນໆເຂົ້າມາກົດໄລ້ກົດແຊຣ ແລະ ຄອມເມັ້ນຍົກຍ້ອງສາວໆແກ້ງນີ້ວ່າທັງງາມ ແລະ ມີຈິດໃຈດີກັນເປັນຈຳນວນຫຼາຍ… ຢ່າງໃດ ຊະນີIndy ແລະ ແຟນໆກໍຂໍອະນຸໂມທາບຸນນໍາເດີ້ #ແຊຣໄປໃຫ້ໂລກຮູ້ວ່າສາວລາວທັງງາມທັງໃຈດີ ມາເບິ່ງຮູບພາບງາມໆຂອງສາວໆແກ້ງນີ້ກັນເລີຍ ຂໍຂອບໃຈຮູບພາບຈາກ: Minta Lardsavong ແລະ KY Ramangkoun  

  ໃນວັນທີ 4 ກຸມພາ 2017 ຢູ່ທີ່ສູນການຄ້າວຽງຈັນເຊັນເຕີ ໄດ້ມີງານກິດຈະກຳເປີດໂຕ Samsung Galaxy A 2017ໃນຫົວຂໍ້ “ຖ່າຍພາບໄດ້ໃຈ ລຸຍໄປທຸກບ່ອນ ແລະ ຄົ້ນຫາໄວລຸ້ນຍຸກໃໝ່ສະໄຕສເກລດ A ກັບ Grade A Young Talent Contest”ເຊິ່ງງານໄດ້ຈັດຂຶ້ນທັງໝົດ 2 ມື້ຄືວັນທີ 4 ແລະ 5 ກຸມພາ 2017, ທ່ານ ນາງ ສະຣັນຢາ ໄພບູນນຸກູນກິດ ຫົວໜ້າພະແນກ IT & Mobile Communication ບໍລີສັດລາວຊໍາຊຸງເອເລັກໂຕນິກ ຈໍາກັດ ຜູ້ດຽວ ໄດ້ຂຶ້ນກ່າວເປີດງານ ແລະ ຕ້ອນຮັບບັນດາແຂກ. ພາຍໃນງານຍັງມີການສະແດງ, ການເປີດຕົວພີເຊັນເຕີໜ້າໃໝ່ສໍາລັບມີຖືລຸ້ນນີ້ນັ້ນກໍຄືໄວໜຸ່ມໜ້າໃສທ້າວ ວົງພະຈັນ ກູ້, ທ້າວ ສຸກສົມຫວັງ …

  ມື້ນີ້ ຊະນີIndy ຈະພາໄປຮູ້ຈັກກັບສາວລາວຄົນງາມທີ່ແຈ້ງເກີດມາໄດ້ຍ້ອນການເປັນ Pretty ຕາມງານອີ່ເວັ້ນຕ່າງໆ ບໍ່ວ່າຈະມີງານໃຫ່ຍໆເປີດໂຕສິນຄ້າຕ່າງໆ ເປັນໄປບໍ່ໄດ້ເລີຍທີ່ຈະບໍ່ມີສາວຄົນນີ້ນັ້ນກໍຄື ກີ້ ທັດສະໄນ ລາມາງກຸນຣ ອາຍຸ 25 ປີ ຈົບການສຶກສາປະລິນຍາຕີ ສາຂາບໍລິຫານການໂຮງແຮມ-ທ່ອງທ່ຽວ, ເຊິ່ງສາວຄົນນີ້ນອກຈາກຈະເປັນ Pretty ສຸດ Hot ແລ້ວນາງຍັງເປັນທັງພີເຊັນເຕີ້, ນາງແບບ, ນາງເອກເອັມວີ ແລະ ສະແດງຮູບເງົາ (ໂອ້ຍ…ຈັ່ງແມ່ນວຽກຫຼາຍມາແບ່ງໃຫ້ ຊະນີIndy ແດ່ແມ້) ແລະ ຍັງບໍ່ພຽງແຕ່ເທົ່ານີ້ເດີ້ເພາະສາວກີ້ຄົນນີ້ຈະວ່າໄປນາງຍັງເປັນ Net Idol ອີກໄດເພາະມີຄົນຕິດຕາມນາງຫຼາຍ ແບບວ່ານາງຈະລົງຮູບໃດກໍມີຄົນກົດໄລ້ກົດແຊຣແບບລົວໆ. ຝອຍກັນຫຼາຍແລ້ວ ເພື່ອນໆລອງມາເບິ່ງເລີຍວ່າສາວ ກີ້ ຄົນນີ້ຈະງາມ ແລະ ເຊັກຊີ່ສົມກັບທີ່ ຊະນີIndy ເວົ້າໄວ້ແທ້ບໍ່…! #ແຊຣວົນໄປໃຫ້ໂລກຮູ້ວ່າສາວລາວງາມຫຼາຍ     ຂໍ້ມູນ ແລະ ຮູບພາບຈາກ: KY Ramangkoun

  ຖ້າຈະເວົ້າເຖິງສາວ ລູກນໍ້າ ທິດາລັດ ວົງສິຣິ ນາງສາວລາວປີ 2012 (MISS LAOS ) ຄົນນີ້ກໍຄົງຈະບໍ່ມີໃຜທີ່ບໍ່ຮູ້ຈັກນາງ ເພາະຫຼັງຈາກທີ່ໄດ້ຕຳແໜ່ງມາແລ້ວນາງກໍຖືວ່າກ້າວເຂົ້າສູ່ວົງການບັນເທິງຢ່າງເຕັມຕົວ ຜົນງານຂອງນາງກໍມີໃຫ້ເຫັນຢ່າງຫຼວງຫຼາຍທັງເດີນແບບ ສະແດງເອັມວີ ເປັນພີເຊັນເຕີ້ສິນຄ້າແບຼນດັງ ແລະ ການສະແດງຮູບເງົາ,​ ແຕ່ທີ່ເຮົາຈະເວົ້າເຖິງນາງໃນມື້ນີ້ກໍຄືພັດທະນາການຄວາມງາມຂອງນາງທີ່ນັບມື້ງາມຂຶ້ນ ຈົນເຮັດໃຫ້ຂາເມົ້າມີຄວາມສົງໃສວ່າສາວລູກນໍ້າຄົນງາມໄປກິນຫຍັງ ຫຼື ໄປເຮັດຫຍັງມານໍ…ຈຶ່ງໄດ້ງາມຂຶ້ນທຸກມື້ແບບນີ້ເພາະທຽບໃສ່ຮູບພາບເກົ່າໆທີ່ນາງໄດ້ໂພສໄວ້ໃນອິນສະຕາແກຼມຂອງນາງ ຖືວ່າແຕກຕ່າງກັນຫຼາຍ ປ່ຽນໄປເປັນຄົນລະຄົນຈົນຈະບໍ່ຈື່ກັນເລີຍ ຫຼືວ່າອາດຈະເປັນທີ່ນາງໃຫ່ຍຂຶ້ນເປັນສາວຂຶ້ນ ຈົນເຮັດໃຫ້ຮູບໜ້ານາງປ່ຽນ! ຖ້າລູກນໍ້າມີເຄັດລັບດີໆຊ່ວຍມາບອກ ຊະນີIndy ແລະ ແຟນໆແດ່ ຈະໄດ້ງາມໆຄືກັບສາວລູກນໍ້າ!!! #ແຊຣວົນໄປໃຫ້ໂລກຮູ້ວ່າສາວລາວງາມຫຼາຍ ມາເບິ່ງຮູບພາບເກົ່າໆຂອງສາວລູກນ້ຳ:   ຮູບພາບປັດຈຸບັນຂອງ ລູກນ້ຳ ທິດາລັດ ວົງສິຣິ ຂໍຂອບໃຈຮູບພາບຈາກ: louknum_misslaos