ໄວໜຸ່ມ

ເຊື່ອວ່າໝູ່ເພື່ອນທຸກຄົນຄົງກຳລັງໃຈຈົດໃຈຈໍ່ ລໍຖ້າລຸ້ນ ຖ້າເບິ່ງຜົນການສອບເສັງເຂົ້າ ມະຫາວິທະຍາໄລແຫ່ງຊາດ, ເຊິ່ງຜົນຂອງການສອບເສັງຄາດວ່າຈະປະກາດໃຫ້ຮູ້ໃນທ້າຍເດືອນກັນຍາ ທີ່ຈະມາເຖິງນີ້. ສໍາລັບການສອບເສັງຄັດເລືອກເອົານັກສຶກສາເຂົ້າຮຽນ ມະຫາວິທະຍາໄລແຫ່ງຊາດໃນສົກສຶກສາ 2018-2019 ນີ້, ທາງມະຫາວິທະຍາໄລແຫ່ງຊາດ ໄດ້ຈັດການສອບເສັງເປັນເວລາ 1 ວັນ ແລະໄດ້ແບ່ງອອກເປັນ 03 ສາຍ ຄື ສາຍ A, B ແລະ C ຕາມຊັດສ່ວນການເລືອກໝາຍຂອງຜູ້ມາລົງທະບຽນສະໝັກສອບເສັງ ແລະໄດ້ແບ່ງອອກເປັນຫຼາຍສູນການສອບເສັງ ຄື: ສູນວິທະຍາເຂດດົງໂດກ, ສູນໂສກປ່າຫຼວງ, ໂຮງຮຽນມິດຕະພາບວຽງຈັນ-ໂຮ່ຈິມິນ, ມສ ໜອງບອນ, ມສ ຕານມີໄຊ ແລະ ມສ ວຽງຈັນ; ເຊິ່ງສູນບັນຊາການຫຼັກແມ່ນສູນ ວິທະຍາເຂດດົງໂດກ. ມີຜູ້ສະໝັກລົງທະບຽນສອບເສັງທັງໝົດ 18 ພັນກວ່າຄົນ, ມີໜ້າສອບເສັງຕົວຈິງ ລວມທັງ 03 ສາຍ A, B ແລະສາຍC ແມ່ນ 14,490 …

ມື້ເປີດສົກຮຽນໃໝ່ ມັນກໍ່ຈະ Cute2 ແດ່ ມາເບິ່ງພາບບັນຍາກາດ ຄວາມໜ້າຮັກຂອງນ້ອງໆນັກຮຽນຊັ້ນອະນຸບານ ໂຮງຮຽນ ນານາຊາດປັນຍາທິບ (Panyathip Kindergarten) ໃນມື້ເປີດສົກຮຽນໃໝ່.   ເຫັນແລ້ວກໍ່ຕ້ອງຍິ້ມໄປກັບຄວາມໜ້າຮັກຂອງນ້ອງໆກັນເລີຍແມ່ນບໍ່ແຟນໆ ຂໍບອກເລີຍວ່ານ້ອງໆແຕ່ລະຄົນໜ້າຮັກແທ້ໆ, ຢ່າງໃດກໍ່ຈົ່ງຕັ້ງໃຈຮໍ່າຮຽນເດີ້ນ້ອງໆ ເພາະພວກເຈົ້າຄືອະນາຄົດຂອງຊາດ. ຮູບພາບ: Panyathip International School Nonsavanh Campus

ນັກສຶກສາຈົບໃໝ່ ຫຼືຜູ້ທີ່ກຳລັງຢູ່ໃນໄລຍະທົດລອງວຽກງານ ຄວນຮູ້ໄວ້ເດີ້ວ່າ ເງື່ອນໄຂໃນກນທົດລອງວຽກງານ ທີ່ກ່າວໄວ້ໃນ ກົດໝາຍວ່າດ້ວຍແຮງງານ ສະບັບປັບປຸງ (2004) ມາດຕາ 79 (ປັບປຸງ) ການທົດລອງວຽກຂອງຜູ້ອອກແຮງງານ ເພິ່ນວ່າແນວໃດແດ່ ເພື່ອປ້ອງກັນການຖືກເອົາປຽບ ໄປອ່ານພ້ອມກັນເລີຍ: ພາຍຫຼັງໄດ້ເຊັນສັນຍາແຮງງານ ກັບຜູ້ໃຊ້ແຮງງານແລ້ວ ຜູ້ອອກແຮງງານ ອາດຍັງໄດ້ຮັບການທົດລອງວຽກຈາກຜູ້ໃຊ້ແຮງງານ ເພື່ອຮູ້ວ່າຜູ້ກ່ຽວມີ ຫຼືບໍ່ມີຄວາມສາມາດເຮັດວຽກ ສຳລັບວຽກທີ່ບໍ່ຮຽກຮ້ອງຄວາມຊຳນານງານນັ້ນ ກຳນົດເວລາທົດລອງ ບໍ່ໃຫ້ເກີນ 30 ວັນ, ສ່ວນວຽກທີ່ຮຽກຮ້ອງຄວາມຊຳນານ ທາງດ້ານວິຊາການນັ້ນ ບໍ່ໃຫ້ເກີນ 60 ວັນ ໃນໄລຍະການທົດລອງວຽກນັ້ນ ຖ້າຜູ້ອອກແຮງງານຫາກຂາດວຽກ ຍ້ອນການເຈັບເປັນ ຫຼືຍ້ອນເຫດຜົນອື່ນທີ່ຈຳເປັນ ເວລາທີ່ຂາດວຽກນັ້ນ ບໍ່ໃຫ້ນັບ ເຂົ້າໃນໄລຍະເວລາການທົດລອງ ແຕ່ເວລາການຂາດວຽກນັ້ນ ສູງສຸດບໍ່ໃຫ້ເກີນ 10 ວັນ ຖ້າບໍ່ດັ່ງນັ້ນ ຜູ້ໃຊ້ແຮງງານ ມີສິດຍົກເລີກສັນຍາແຮງງານ. ຜູ້ໃຊ້ແຮງງານ ຈະຕ້ອງແຈ້ງເປັນລາຍລັກອັກສອນວ່າ ຈະຮັບ ຫຼືບໍ່ຮັບເອົາ ຜູ້ອອກແຮງງານ …

ຫວານ…ຫວານເວີ້ໆໆໆ ໜ້າຮັກໄປອີກ ສຳລັບ ແອບເປີ້ນ ສີສະຫງຽນ ແລະ ຟຣຸກ ຈິຣະ ຄູ່ຮັກສາວລາວ-ບ່າວໄທ ຫຼັງຈາກແຕ່ງດອງກັນໄປໄລຍະໜຶ່ງ ແຕ່ຄວາມຫວານຂອງທັງສອງກໍ່ຍັງມີໃຫ້ເຫັນກັນຢູ່ບໍ່ຂາດ, ຫຼ້າສຸດໂພສຮູບພາບການໄປຫຼິ້ນທະເລໃຫ້ແຟນໆໄດ້ອັບເດດ ແຖມຍັງບໍ່ໝົດແຕ່ເທົ່ານັ້ນ ເພາະທັງສອງຍັງໝັ່ນໂຊຄວາມຫວານມາໃນໂໝດເສື້ອຄູ່ ຈັບມືສະຫວີດຫວານ ແຖມຍັງມີໂມເມັ້ນຮ້ອງເພງຄູ່ກັນອີກ ໂອ້ຍໆໆໆຂ້າຄົນໂສດແບບບໍ່ທັນຕັ້ງຕົວກັນເລີຍ. ແຖມ ໜຸ່ມ ຟຣຸກ ເຂີຍລາວ ຍັງໂພສຮູບພ້ອມແຄັບຊັ່ນໜ້າຮັກໆ ຍອກ ສາວ ແອັບເປີ້ນ ອີກວ່າ: “ຈັດເສື້ອມາຄ້າຍກັນ ຢາກໃສ່ເສື້ອຄູ່ກັນແມ່ນບໍ່ “  ເຮັດໃຫ້ມີແຟນໆເຂົ້າໄປກົດໄລ້ຢ່າງລົວໆ ເພາະເບິ່ງແນວໃດກໍ່ໜ້າຮັກຫຼາຍໆ. (ຮູບນີ້ຂ້າຄົນໂສດໄປອີກໆໆໆ 555) (ວ້າວວ!! ເຜັດໆໆໆຂະໜາດ) (ຕາກ້ອງສ່ວນຕົວຂອງ ແອັບເປີ້ນ) ເປັນຄູ່ທີ່ເໝາະສົມ ແລະ ໜ້າຮັກຫຼາຍໆວ່າບໍ່…ແຟນໆ Story: ຊະນີIndy ຮູບພາບ: Fluke Jira , Appleminiberry

ລັດວິສາຫະກິດນໍ້າປະປາ ນະຄອນຫຼວງວຽງຈັນ ໄດ້ອອກແຈ້ງການ ສະບັບເລກທີ 0982 ໃນວັນທີ 3 ກັນຍາ 2018 ທີ່ຜ່ານມາ ເຊິ່ງລາຍລະອຽດມີດັ່ງຕໍ່ໄປນີ້: “ລັດວິສາຫະກິດນໍ້າປະປາ ນະຄອນຫຼວງວຽງຈັນ ຂໍຖືເປັນກຽດຢ່າງສູງມາຍັງ ພະນັກງານ, ທະຫານ, ຕຳຫຼວດ, ພໍ່ແມ່ປະຊາຊົນ ແລະ ທົ່ວທຸກຫົວໜ່ວຍທຸລະກິດທຸກພາກສ່ວນ ຢູ່ນະຄອນຫຼວງວຽງຈັນຊາບວ່າ: ການສະໜອງນໍ້າປະປາຈະບໍ່ເປັນປົກກະຕິຍ້ອນສະພາບນໍ້າຂອງມີຄວາມຂຸ່ນສູງເກີນມາດຕະຖານການຜະລິດ ຂອງໂຮງງານຜະລິດນໍ້າປະປາ ເຊິ່ງອາດຈະສົ່ງຜົນຕໍ່ການຜະລິດ-ສະໜອງນໍ້າປະປາຢູ່ບາງເຂດ ບໍ່ປົກກະຕິ ແລະ ພຽງພໍຕໍ່ການຊົມໃຊ້ພາຍໃນ ນະຄອນຫຼວງວຽງຈັນ ໃນໄລຍະລະດູຝົນນີ້, ສະນັ້ນ ຈຶ່ງແຈ້ງມາຍັງທ່ານເພື່ອກະກຽມໂຕ່ງນໍ້າໄວ້ຊົມໃຊ້ໃຫ້ພຽງພໍ ຈົນກວ່າການຜະລິດ-ສະໜອງນໍ້າ ຈະເຂົ້າສູ່ສະພາບປົກກະຕິ” ດັ່ງນັ້ນ, ຈຶ່ງແຈ້ງມາຍັງທ່ານເພື່ອຮັບຊາບ ແລະ ຂໍອະໄພໃນຄວາມບໍ່ສະດວກ ຂອງການບໍລິການນໍ້າປະປາ ໃນໄລຍະນີ້ດ້ວຍ. ທີ່ມາ: Support Prime Minister Thongloun Sisoulith