Entertainment Lao

ໄກ່ ໂອເວີແດນ (Overdance) ປ່ອຍເພງໃໝ່ “ສາຍນໍ້າຕາ” ລົງໃນຊ່ອງຢູທູບທາງການ Kai Overdance ໃນວັນທີ 6 ສິງຫາ 2019 ທີ່ຜ່ານມາ.  ເຊິ່ງມີເນື້ອໃນທີ່ສຸດເສົ້າ ສະທ້ອນຄວາມສູນເສຍຄົນໃນຄອບຄົວຈາກເຫດການທີ່ບໍ່ຄາດຄິດ ພ້ອມທັງເປັນກຳລັງໃຈໃຫ້ກັບຜູ້ທີ່ປະສົບໄພພິບັດນໍ້າຖ້ວມ ແລະ ດິນເຈື່ອນຖະລົ້ມທັບເຮືອນ. ເພງນີ້ ແຕ່ງໂດຍ ໄກ່ ໂອເວີແດນ ເຊິ່ງເບິ່ງຄວາມໝາຍຈາກເນື້ອເພງແລ້ວ ເຫັນໄດ້ວ່າຕ້ອງການສື່ເຖິງຄວາມສູນເສຍບຸກຄົນອັນເປັນທີ່ຮັກໃນຄອບຄົວໄປ ຍ້ອນໄພພິບັດ ໂດຍບໍ່ມີວັນທີ່ຈະຫວນຄືນກັບມາໄດ້ ເຫຼືອໄວ້ພຽງແຕ່ຄວາມຊົງຈຳ ຂະນະທີ່ປະເທດລາວກຳລັງປະສົບກັບໄພນໍ້າຖ້ວມ ແລະ ດິນເຈື່ອນໃນຫຼາຍເຂດຂອງແຂວງພາກເໜືອ ທີ່ກະທົບຕໍ່ຊີວິດ ແລະ ຊັບສິນຂອງຄົນໃນພື້ນທີ່ “ສາຍນໍ້າຕາ”ເປັນຜົນງານເພງ ແລະ ເອັມວີຫຼ້າສຸດຖັດຈາກ “ນາງພະຍາ” ທີ່ໄດ້ຮັບການຕອບຮັບຈາກຜູ້ຟັງເປັນຈຳນວນຫຼາຍ ແລະ ຍັງມີຂ່າວອອກມາອີກວ່າ ຈະມີການສ້າງເພງຕໍ່ຂອງ ນາງພະຍາ ອອກມາອີກດ້ວຍ.  ??ລອງສຳພັດຄວາມເສົ້າແບບລຶກຊຶ້ງເຖິງໃຈໄດ້ທີ່ເພງນີ້ ຂອບໃຈຂໍ້ມູນ ແລະ ຮູບພາບ: KaiOverdance Fanpage

ໃນວັນທີ 3 ສິງຫາ 2019, ທີ່ນະຄອນຫຼວງວຽງຈັນ ໄດ້ຈັດງານຖະແຫຼງຂ່າວ ເປີດຕົວໂສມໜ້ານາງສາວຜູ້ເຂົ້າຮອບ 30 ຄົນສຸດທ້າຍ ໃນເວທີ Miss Universe Laos 2019. ຈາກການເປີດຮັບສະໝັກຕັ້ງແຕ່ເດືອນມິຖຸນາ ແລະ ມີການຄັດເລືອກຜູ້ເຂົ້າຮອບ 30 ຄົນສຸດທ້າຍໃວັນທີ 29-30 ກໍລະກົດ 2019 ທີ່ຜ່ານມາ. ຫ​ຈາກ​ນີ້​ສາວ​ງາມ​ 30 ຄົນຈະ​ໄດ້ເກັບໂຕ​ເຝິກຝົນຮຽນ​ຮູ້​ທັກສະຕ່າງໆ​ເພື່ອ​ເພີ່ມ​ຄວາມໝັ້ນໃຈ ເອົາສິ່ງທີ່ຕົນເອງມີອອກສະແດງໃຫ້ຄະນະກຳມະການໄດ້ຮູ້ໄດ້ເຫັນ ແລະ ເປັນນາງງາມກໍຕ້ອງໃຫ້ງາມ ແລະ ເກັ່ງ​ຮອບ​ດ້ານ​ທີ່​ນາງ​ງາມ​ຍຸກ​ນີ້​ຕ້ອງ​ມີ. ເຊິ່ງທັງ 30 ນາງສາວ ຈະໄດ້ເຂົ້າ​ຮ່ວມ​ກິດຈະກຳ​ເກັບ​ຕົວ​ກັບ​ກອງ​ປະ​ກວດຈົນຮອດວັນທີ 17 ສິງຫາ 2019 ນີ້,  ກ່ອນທີ່ຈະປະກວດຮອບ​ຕັດ​ສິນ (Final) ເຊິ່ງ​ຈະ​ມີ​ຂຶ້ນ​ໃນ​ຄ່ຳ​ຄືນ​ວັນທີ 24 ສິງຫາ 2019 ທີ່ ໂຮງແຮມແລນມາກ ນະຄອນຫຼວງວຽງຈັນ. ມາຊົມຄວາມງາມທັງ 30 …

ຈື່ໄດ້ບໍ່ ສາວນັກແລ່ນຊື່ດັງທີ່ສາມາດຄວ້າລາງວັນການແຂ່ງຂັນໃນຫຼາຍໆລາຍການທັງໃນປະເທດລາວເຮົາເອງ ແລະ ອາຊຽນ ພ້ອມຍັງເປັນສາວທີ່ມັກແລ່ນ ແລະ ເຮັດກິດຈະກຳເພື່ອສັງຄົມ, ເພື່ອການກຸສົນເລື້ອຍໆ. ສາວງາມຄົນນີ້ກໍຄື ສາວລົດແກ້ວ ອິນທະກຸມມານ ນັກແລ່ນສາວລາວທີ່ຄວ້າຫຼຽນ ແລະ ລາງວັນມາໄດ້ຫຼາຍລາຍການ ທັງສາມາດສ້າງສື່ສຽງໃຫ້ກັບຄົນລາວ ແລະ ເປັນທີ່ຮູ້ຈັກກັນດີແລ້ວ ເພາະຈະເຫັນຂ່າວເພິ່ນເລື້ອຍໆ ເທື່ອນີ້ເພິ່ນຖືກເນລະມິດຈາກສ່າງແຕ່ງໜ້າ ຊື່ດັງ  Saykeo Make  ແປກໃຈແມ່ນບໍ່? ເພາະປົກກະຕິເຮົາຈະເຫັນແຕ່ ສາວຄົນນີ້ ລົດແກ້ວ ໃນຮູບແບບ ຊຸດກິລາ, ຮູບແລ່ນ  ຍືນຮັບລາງວັນຢູ່ເວທີການແຂ່ງຂັນເລື້ອຍໆ ແຕ່ມາບາດນີ້… ຈັດເຕັມ…ງາມແຮງຈົນແອັດຈື່ບໍ່ໄດ້ ເພິ່ນແຕ່ງນຸ່ງຊຸດງາມໆແບບນີ້ເພື່ອງານຫຍັງນໍ້… ຂໍອຸບໄວ້ກ່ອນ ແລະ ທຸກຄົນສາມາດໄປຕິດຕາມການເຄື່ອນໄຫວ ທາງເຟສບຸກສ່ວນຕົວເພິ່ນໄດ້ Lodkeo Inthakoumman         “ລົດແກ້ວ” ກວາດ 4 ຫຼຽນ ຈາກການແຂ່ງຂັນມະຫະກຳກີລາມະຫາວິທະຍາໄລທົ່ວປະເທດໄທ ຄັ້ງທີ 46 ຂອບໃຈຮູບພາບຈາກເຟສບຸກ: Saykeo Make ແລະ Lodkeo …

ອີດ ໂປງລາງສະອອນ ນັກສະແດງຕະຫຼົກປະເທດເພື່ອນບ້ານ ກໍບໍ່ພາດທີ່ຈະມາທ່ອງທ່ຽວລາວ ພ້ອມຖ່າຍທຳລາຍການ ແລະ  ກິນອາຫານທີ່ຍ້ອງວ່າເປັນຂອງດີ ນະຄອນຫຼວງວຽງຈັນ ບໍ່ວ່າຈະເປັນ ປິ້ງເປັດ-ເລືອດແປງເປັດ, ປີ້ງແບ້-ເລືອດແປງແບ້ ເຊິ່ງເພິ່ນຍັງໄດ້ບອກອີກວ່າການທ່ຽວກິນໃນເທື່ອນີ້ ແມ່ນໄດ້ຈ່າຍເງິນໄປທັງໝົດ 2 ມື້ລວມເປັນ 195,000 ກີບ ພ້ອມທັງປ່ອຍລາຍການທາງຊ່ອງຍູທູບໃຫ້ແຟນໆໄດ້ເບິ່ງໃນຕົ້ນເດືອນ ພະຈິກ ທີ່ຜ່ານມາ ແລະ ມີຍອດວິວເກືອບ 4 ແສນວິວ. (ມີຄລິບລາຍການ) ເບິ່ງແລ້ວເປັນແນວໃດກັບອາຫານທີ່ ອີດ ໂປງລາງສະອອນ ໄດ້ກ່າວຍ້ອງວ່າເປັນຂອງດີ ນະຄອນຫຼວງວຽງຈັນ???, ເອົ້າ!!! ຢ່າງໃດກໍຂໍຕ້ອນຮັບເຂົ້າສູ່ປະເທດລາວ (Welcome to Laos) ຄລິບຈາກ: โปงลางสะออน CHANNEL

ຢຸ້ຍ ສັນທະນີ ໃສມະນີວັນ Miss Supranational​ Laos​ 2018 ໄດ້ມີໂອກາດໄປຮ່ວມໃຫ້ສຳພາດແບບເປີດໃຈກັບລາຍການ “ປະເດັນດັງ” ທາງໂທລະພາບຊ່ອງມາຍາເຊເນວຂອງປະເທດເພື່ອນບ້ານແບບນີ້… (ເບິ່ງຄລິບ)   ການສຳພາດຂອງ ຢຸ້ຍ ສັນທະນີ ໃນຄັ້ງນີ້ແມ່ນໄດ້ສຳພາດແບບເປີດໃຈ ແລະ ບອກເລົ່າປະຫວັດການເຮັດວຽກ ການປະກວດເວທີຕ່າງໆ ກ່ອນທີ່ຈະມາເປັນ Miss Supranational​ Laos​ 2018 ແລະ ຍັງໄດ້ເປັນຕົວແທນສາວງາມປະເທດລາວເພື່ອໄປປະກວດໃນເວທີໂລກ Miss Supranational 2018 ທີ່ ປະເທດ ໂປແລນ ອີກດ້ວຍ. ສຳລັບການປະກວດ Miss Supranational 2018 ທີ່ ປະເທດ ໂປແລນ  ຈະມີຮອບຕັດສິນໃນວັນທີ 7 ເດືອນ ທັນວາ 2018 ນີ້, ຢ່າງໃດເຮົາຄົນລາວກໍຢ່າລືມເຊຍ ແລະ ເປັນກຳລັງໃຈໃຫ້ຄົນລາວນຳກັນແດ່ເດີ້ #ຮັກລາວເຊຍລາວ ?? #ແຊຣໄປໃຫ້ໂລກຮູ້ນີ້ຄືສາວງາມຈາກປະເທດລາວ ?????? Story: ຊະນີIndy