ປັດຈຸບັນບ້ານເຮົາໄດ້ຈັດການປະກວດນາງງາມຫຼາກຫຼາຍເວທີ ເພື່ອເປີດໂອກາດໃຫ້ແມ່ຍິງລາວເຮົາໄດ້ສະແດງຄວາມຮູ້ຄວາມສາມາດຂອງຕົນ ພ້ອມທັງບອກໃຫ້ໂລກຮູ້ວ່າ ແມ່ຍິງລາວເຮົາກໍມີດີບໍ່ແພ້ຊາດໃດໃນໂລກ. ຫຼ້າສຸດເມື່ອບໍ່ດົນມານີ້ເວທີການປະກວດນາງງາມລາວ Miss Laos 2020 ກໍໄດ້ຈັດການປະກວດຂຶ້ນອີກຄັ້ງ ແລະ ໄດ້ຄັດເລືອກສາວງາມທີ່ຜ່ານເຂົ້າຮອບທັງໝົດ 40 ຄົນ ເວົ້າໄດ້ວ່າແຕ່ລະຄົນບໍ່ທໍາມະດາອີຫຼີ!!! ມື້ນີ້ຂວັນໃຈຈະພາມາສ່ອງສາວງາມອີກໜຶ່ງຄົນທີ່ເປັນຕົວແທນຈາກແຂວງຊຽງຂວາງ ນັ້ນກໍຄືສາວ ແມັກກີ້ ມະນີວັນ ຜູ້ເຂົ້າປະກວດນາງສາວລາວໝາຍເລກ ML3 ສາວ ແມັກກີ້ ມະນີວັນ ຈົບການສຶກສາຈາກ ມະຫາວິທະຍາໄລແຫ່ງຊາດ, ຄະນະວິທະຍາສາດສິ່ງແວດລ້ອມ, ພາສາອັງກິດ ວິທະຍາໄລ ເຄວີນ ແລະ ຈົບຫລັກສູດພາສາອັງກິດ ຂອງທຶນການສຶກສາມູນລະນິທິ ເອເຊຍ(ອົດສະຕາລີ່) ລະບົບ 4 ປີ ແລະ ປັດຈຸບັນເປັນພະນັກງານຢູ່ ກົມປ່າໄມ້ ໂຄງການ ອະນຸລັກຊີວະນາໆພັນ ຕາມແລວເຊື່ອມຕໍ່ (biodiversity conservation corridors project) ຖີ່ນຖານບ້ານເກີດຂອງສາວ ແມັກກີ້ ມະນີວັນ ແມ່ນເປັນຄົນ …

ການທ້ອນເງິນສຳລັບໄວໜຸ່ມ ສ່ວນຫຼາຍແລ້ວເປັນເລື່ອງທີ່ບໍ່ງ່າຍປານໃດ ໃນການມີເງິນສະສົມໄວ້ ຫຼື ມີ ກໍອາດຈະມີໜ້ອຍຂວັນໃຈ ຂໍແນະນຳວິທີງ່າຍໆ ໃຫ້ກັບໄວໜຸ່ມຫຼາຍທ່ານລອງປະຕິບັດເພື່ອທ້ອນເງິນດັ່ງນີ້: ເປີດບັນຊີທະນາຄານໃຫ້ເໝາະສົມ; ວິທີນີ້ຊ່ວຍໃຫ້ນ້ອງໆທີ່ມາຈາກຕ່າງແຂວງທີ່ເຂົ້າມາຮຽນໃນນະຄອນຫຼວງ ຫຼື ໄປຮຽນຢູ່ບ່ອນອື່ນທີ່ບໍ່ແມ່ນບ້ານເກີດຂອງຕົນເອງ.ເຮັດບັນຊີລາຍຮັບ-ລາຍຈ່າຍ; ບໍ່ວ່າຈະເປັນຄ່າປຶ້ມ, ຄ່າສະບູ່, ຢາຖູແຂ້ວ ຈະຊື້ຫຍັງ ກໍຄວນຈົດບັນທຶກໄວ້ ແລະ ເຮົາຈະຮູ້ວ່າເຮົາໃຊ້ຈ່າຍໝົດໜ້ອຍຫລາຍປານໃດ.ຢູ່ຫ່າງຈາກໝູ່ເພື່ອນທີ່ໃຊ້ຈ່າຍເງິນຟູມເຟືອຍ; ວິທີນີ້ບໍ່ໄດ້ໝາຍຄວາມວ່າ ບໍ່ໃຫ້ມີໝູ່ເພື່ອນ ຫຼື ປະຕິເສດສັງຄົມແຕ່ປະການໃດ ແຕ່ຢາກໃຫ້ເລືອກກຸ່ມພົບປະສັງສັນ ເພາະຖ້າຢູ່ໃນກຸ່ມທີ່ໃຊ້ເງິນແບບບໍ່ຄິດ ພໍຮອດຕອນແລງຕ້ອງໄປສັງຄົມສ້າງສັນກິນນັ້ນກິນນີ້ທຸກມື້ ເງິນເດືອນທີ່ໄດ້ມາເທົ່າໃດກໍຄົງບໍ່ພໍ.ເລືອກໃຊ້ມືຖືໃຫ້ເໝາະສົມ; ຄ່າໃຊ້ຈ່າຍທີ່ຫຼາຍທີ່ສຸດຂອງໄວໜຸ່ມກໍຄືຄ່າໂທລະສັບມືຖື ໄວໜຸ່ມຫຼາຍຄົນຖື ຄະຕິທີ່ວ່າ “ ບໍ່ມີກິນບໍ່ວ່າ ຂໍມີເງິນຈ່າຍຄ່າໂທລະສັບມືຖືກໍພໍ ” ຮູ້ຈັກໃຊ້ໃຫ້ເໝາະສົມຈຶ່ງເປັນການດີ.ປະຢັດເງິນເປັນລາຍເດືອນ; ເຮົາຈະຕ້ອງແບ່ງ ເງິນເປັນສ່ວນໆ 5, 10, 15 ຫຼື 20% ຈາກເງິນເດືອນທີ່ໄດ້ມາ ແລ້ວແຕ່ຄວາມສາມາດຂອງແຕ່ລະຄົນ ເຂົ້າບັນຊີຝາກປະຈຳໄວ້ເລີຍ ແລະ ສິ່ງສຳຄັນຕ້ອງເຮັດທຸກເດືອນ ຄົບປີເຮົາຈະພູມອົກພູມໃຈກັບຍອດເງິນທີ່ເພິ່ມຂຶ້ນ ເຖິງຈະແບ່ງຝາກບໍ່ຫຼາຍກໍຢ່ານ້ອຍໃຈ ຢ່າງໜ້ອຍເຮົາກໍມີເງິນທ້ອນໄວ້ໃນຍາມສຸກເສີນ.

ຫຼາຍໆຄົນອາດຈະຍັງບໍ່ຮູ້ວ່າຂີງສາມາດຫຼຸດນໍ້າໜັກ ຫຼືບັນເທົາອາການຕ່າງໆຂອງຮ່າງກາຍໄດ້ ມື້ນີ້ຂວັນໃຈຈະພາແຟນໆໄປຮູ້ຈັກກັບຄຸນປະໂຫຍດຂອງຂີງ ໄປເບິ່ງນໍາກັນເລີຍວ່າຈະມີຫຍັງແນ່… ຂີງຊ່ວຍຫຼຸດນໍ້າໜັກ ເປັນສັບພະຄຸນທີ່ສາວໆຫຼາຍຄົນໃຫ້ຄວາມສົນໃຈ ພຽງແຕ່ດື່ມນໍ້າຂີງເປັນປະຈໍາມື້ລະ 1-3 ຈອກ ກໍຈະຊ່ວຍໃຫ້ນໍ້າໜັກເຮົາຫຼຸດລົງໄດ້ຢ່າງບໍ່ໜ້າເຊື່ອ ເພາະວ່ານໍ້າຂີງມີຄວາມຮ້ອນ ເມື່ອດື່ມເຂົ້າໄປແລ້ວຄວາມຮ້ອນຈະເຂົ້າໄປຊ່ວຍເຜົາຜານພະລັງງານໃນຮ່າງກາຍ ຊ່ວຍໃຫ້ຮ່າງກາຍເຜົາຜານ Glycogen ໄດ້ດີ ເມື່ອເຜົາຜານດີຈຶ່ງມີສ່ວນຊ່ວຍຫຼຸດຄວາມອ້ວນໄດ້ດີ. ຂີງຊ່ວຍຫຼຸດນໍ້າຕານໃນເລືອດ ຕ້ານໂລກເບົາຫວານ ຂີງມີສານທີ່ມີຄຸນນະສົມບັດກະຕຸ້ນການເຮັດວຽກຂອງອິນຊູລີນໃນຮ່າງກາຍເຮົາ ຊ່ວຍເພີ່ມອັດຕາຂອງນໍ້າຕານໃນຮ່າງກາຍໄປໃຊ້ໄດ້ດີ ຈຶ່ງມີຜົນເຮັດໃຫ້ລະດັບນໍ້າຕານໃນເລືອດຫຼຸດລົງ ແລະ ປອດໄພຫຼາຍກວ່າການໃຊ້ຍາຫຼຸດລະດັບນໍ້າຕານໃນເລືອດ ເພາະສາມາດກິນໄດ້ເປັນປະຈໍາຢ່າງຕໍ່ເນື່ອງ ໂດຍສາມາດກິນໄດ້ໃນຫຼາກຫຼາຍຮູບແບບ ແຕ່ແນະນໍາວ່າບໍ່ຄວນກິນກັບຂອງຫວານ ເພາະຈະຍິ່ງເພີ່ມລະດັບນໍ້າຕານເຂົ້າໄປອີກ. ຂີງຊ່ວຍໃຫ້ປະສິດທິພາບຂອງສະໝອງດີຂຶ້ນ ຜູ້ຊ່ຽວຊານດ້ານສຸຂະພາບຂອງອອສເຕເລີຍ Kathleen McFarlane ຄົ້ນພົບວ່າ ຜູ້ຍິງທີ່ມີອາຍຸຫຼາຍໃນຊ່ວງ 50-60 ປີ ທີ່ກິນນໍ້າຂີງເປັນປະຈໍາເຮັດໃຫ້ປະສິດທິພາບຂອງສະໝອງດີຂຶ້ນ ເພາະວ່າ ຂີງມີສ່ວນຊ່ວຍໃຫ້ລະບົບການປ້ອງກັນເຊວປະສາດ (Neuroprotective function) ດີຂຶ້ນ ໝາຍຄວາມວ່າ ຂີງມີສ່ວນຊ່ວຍໃນການຫຼຸດໂອກາດເປັນໂລກເອົ໋າໄຊເມີໄດ້. ຂີງເປັນຢາແກ້ປວດອາການອັກເສບ ນອກຈາກຈະຊ່ວຍບໍາລຸງສະໝອງແລ້ວ ຂີງຍັງເປັນຢາແກ້ປວດໄດ້ດີ ເຊິ່ງຂີງມີປະສິດທິພາບໃນການຢັບຢັ້ງອາການອັກເສບຂອງຂໍ້ຕໍ່ ແລະ ກ້າມເນື້ອ ການກິນອາຫານທີ່ປະກອບດ້ວຍຂີງຄວບຄູ່ກັບການກິນຢາຕ້ານເຊື້ອ …

ຫຼາຍໆຄົນໃນສັງຄົມມັກພົບເຈີປັນຫາໃນເລື່ອງຂອງການຢືມເງິນ ແລ້ວບໍສົ່ງຄືນ!!!ມື້ນີ້ຂວັນໃຈມີຫົວຂໍ້ການຢືມເງິນມາຝາກ….ໃຫເແຟນໆໄດ້ອ່ານ ບາງເທື່ອກໍອາດຈະເປັນເລື່ອງປົກກະຕິທີ່ບາງຄົນຈະມີການກູ້ຢືມຊັບສິນ ທັງໃນ ແລະ ນອກລະບົບ ແຕ່ມີຫຼາຍກໍລະນີທີ່ຢືມມາແລ້ວບໍ່ຍອມໃຊ້ຄືນ ຖ້າເຈີເຈົ້າໜີ້ໃຈບຸນກໍແຫ່ງໄດ້ໃຈ ບໍ່ຍອມຄືນມັກອ້າງເຫດຜົນຕ່າງໆ ບໍ່ມີເງິນແນ່ ຂໍໂອກາດແນ່ ບໍ່ໄດ້ລວຍຈະໃຫ້ເອົາເງິນໃສມາໃຊ້ໜີ້ ເຊິ່ງແທ້ໆແລ້ວເຖິງຈະບໍ່ລວຍກໍຄວນໃຊ້ຄືນຢ່າໃຫ້ເຈົ້າໜີ້ຕ້ອງມາທວງ ເຈົ້າຄວນຈະມີຈິດສໍານຶກ ແລະ ມາລະຍາດ. ເຈົ້າເຄີຍຢືມເງິນໃຜ ຫຼືບໍ ຢືມແລ້ວເຄີຍໃຊ້ຄືນບໍ? ອາດຈະເປັນຄໍາຖາມທີ່ເບິ່ງຄືດູຖູກ  ແຕ່ເຊື່ອບໍ່ວ່າເຮົາບໍ່ໄດ້ມີເຈດຕະນາແບບນັ້ນແຕ່ຢ່າງໃດ ແຕ່ຂ້ອຍຢາກໃຫ້ເຈົ້າຄິດໄຕ່ຕອງເບິ່ງຈັກໜ້ອຍຖ້າເຈົ້າຢືມເງິນໃຜແລ້ວບໍ່ຍອມຄືນ. ທີ່ຈິງເຈົ້າໜີ້ບາງຄົນບໍ່ໄດ້ທວງຖາມ ບໍ່ໄດ້ໂຫດຮ້າຍຄືກັບເຈົ້າໜີ້ບາງຄົນ ແຕ່ເຈົ້າຄວນຈະມີຈິດສໍານຶກວ່າເຂົາຊ່ວຍເຈົ້າໃນຕອນທີ່ເຈົ້າລໍາບາກ ການຄືນເງິນ ຫຼືສິ່ງຂອງທີ່ເອົາຂອງເຂົາມາໄປຄືນເຂົາ ອີກກໍລະນີໜຶ່ງ ທີ່ເຂົາມັກຈະທວງ ບໍ່ໄດ້ໝາຍຄວາມວ່າເຂົາບໍ່ໄດ້ລວຍແທ້ ຖ້າຄົນເຮົາຈະໃຫ້ໃຜຢືມເງິນບໍ່ຈໍາເປັນຕ້ອງລວຍກໍ່ໃຫ້ຢືມໄດ້. ສິ່ງສໍາຄັນແມ່ນຢູ່ທີ່ເຂົາມີຄວາມເມດຕາ ຫຼືຄວາມອີ່ຕົນກໍເລີຍໃຫ້ຢືມ ເຊັ່ນກັບຄົນທີ່ຢືມກໍຄວນຄິດໄດ້ວ່າເຖິງເຂົາຈະບໍ່ລວຍກໍຄວນໃຊ້ຄືນ ຢ່າໃຫ້ເຂົາຕ້ອງມາທວງ ແຕ່ແປກທີ່ກົດໝາຍເລືອກທີ່ຈະຄຸ້ມຄອງລູກໜີ້ຫຼາຍກວ່າເຈົ້າໜີ້ ໂດຍຖ້າຫາກລູກໜີ້ລວມຕົວກັນແຈ້ງຄວາມສິບຄົນຂຶ້ນໄປ ກໍຈະບໍ່ຕ້ອງໃຊ້ໜີ້. ເຊິ່ງກໍບໍ່ແນ່ໃຈວ່າແທ້ຊໍາໃດ ແຕ່ຖ້າວ່າແທ້ກໍຄົງຈະບໍ່ເໝາະສົມປານໃດ ເນື່ອງຈາກເຈົ້າໜີ້ຈະຕ້ອງເປັນຝ່າຍເສຍຫາຍແທ້ ແລ້ວປັນຫາມັນຢູ່ທີ່ຄົນຢືມ ຖ້າບໍ່ຢືມກໍບໍ່ເປັນໜີ້ ເຊິ່ງບາງຄົນກໍບໍ່ຍອມຄືນໜີ້ເກົ່າ ຍັງບໍພໍຂໍຢືມເພີ່ມອີກ ເຮັດຄືຄົນອື່ນຜະລິດເງິນເອງໄດ້ ຄົນແບບນີ້ບໍຄວນຈະຍຸ້ງກ່ຽວ ຍິ່ງເປັນຄົນຮູ້ຈັກທີ່ສະນິດ ຫຼືຍາດຕິພີ່ນ້ອງແຫ່ງໄດ້ໃຈ ມັກອ້າງນັ້ນອ້າງນີ້ເພື່ອຫຼີກລ້ຽງໃນການໃຊ້ໜີ້. …

9 ວິທີການເຮັດວຽກໃຫ້ປະສົບຜົນສໍາເລັດ… ເຊື່ອວ່າຫຼາຍໆຄົນເຈີປັນຫາເລື່ອງການເຮັດວຽກ!!! ມື້ນີ້ຂວັນໃຈຈະພາແຟນໆມາເບິ່ງວິທີການເຮັດວຽກໃຫ້ໄດ້ປະສິດທິພາບເພີ່ມຂຶ້ນ… ມາເບິ່ງກັນເລີຍວ່າຈະມີວິທີໃດແນ່… ເມື່ອໄດ້ຮັບມອບໝາຍວຽກ ລອງຢຸດຄິດກ່ອນວ່າ “ຄວນເຮັດຫຍັງ” ເລີ່ມຈາກການຈັດລໍາດັບຄວາມສໍາຄັນຂອງວຽກໂດຍຄິດວ່າສິ່ງໃດທີ່ເຮັດໃຫ້ຜົນງານເພີ່ມຂຶ້ນ ເພາະບໍ່ວ່າເຈົ້າຈະທຸ່ມເທເຮັດວຽກຫຼາຍຊໍາໃດ ທຸກຄົນກໍມີເວລາ 24 ຊົ່ວໂມງເທົ່າກັນ ບໍ່ມີທາງທີ່ເວລາຈະເພີ່ມຂຶ້ນ ສະນັ້ນ,  ເຮົາຈຶ່ງບໍ່ຈໍາເປັນທຸ່ມເທກັບວຽກທຸກອັນ. ຫາກຕ້ອງການເພີ່ມຜົນງານຕ້ອງຕັດສິນໃຈເລືອກ “ວຽກທີ່ບໍ່ຈໍາເປັນ” ບໍ່ວ່າການເຮັດວຽກສໍາເລັດທຸກອັນຈະເກີດຜົນງານສະເໜີໄປ ແລ້ວການເຮັດວຽກສໍາຄັນພຽງ “20%” ຕາມກົດ 20/80 ຊ່ວຍໃຫ້ມີຜົນງານພຽງພໍຕໍ່ຄວາມສໍາເລັດແລ້ວ ສະນັ້ນ,  “ການບໍ່ເຮັດ” ຈຶ່ງກາຍເປັນສິ່ງສໍາຄັນກວ່າ “ການລົງມືເຮັດ” ແລ້ວຍັງເຮັດໃຫ້ມີເວລາໄປເຮັດສິ່ງໃໝ່ອີກດ້ວຍ. ບໍ່ມີວຽກໃດທີ່ມີ “ໂອກາດຄວາມຜິດພາດເປັນສູນ” ຈຶ່ງແບ່ງຄວາມຜິດອອກເປັນ 2 ປະເພດຄື  ຄວາມຜິດທີ່ຍອມຮັບໄດ້ ເຊິ່ງສົ່ງຜົນກະທົບໃນລະດັບຕໍ່າ ກັບຄວາມຜິດທີ່ຍອມຮັບບໍ່ໄດ້ ເຊິ່ງສົ່ງຜົນກະທົບໃນລະດັບສູງ ສະນັ້ນ, ຈົ່ງຄໍານຶງເຖິງລະດັບຜົນກະທົບທີ່ໄດ້ຮັບຈາກຄວາມຜິດນັ້ນ ການຢຸດຄິດຈັກ 5 ວິນາທີ ກ່ອນລົງມືເຮັດອັນໃດຄື “ຄວາມຜິດທີ່ຍອມຮັບບໍ່ໄດ້” ຈະຊ່ວຍຫຼີກລ້ຽງປັນຫາທີ່ເກີດຂຶ້ນໄດ້. ການກວດສອບໃຫ້ດີກ່ອນຈະຊ່ວຍຫຼຸດອັດຕາການເກີດຄວາມຜິດພາດໄດ້ ເພື່ອໃຫ້ວຽກວ່ອງໄວຈຶ່ງຈໍາເປັນຕ້ອງກວດສອບລ່ວງໜ້າທຸກຂັ້ນຕອນ ແລະ ເອົາຄວາມຄິດທີ່ວ່າ …