Beauty

ການຮັບປະທານຄໍລາເຈນ (collagen) ໃຫ້ປອດໄພ ແລະ ເກີດປະໂຫຍດສູງສຸດ ສາວໆທ່ານໃດທີ່ຢາກງາມຜິວພັນສົດໃສ ໃຫ້ອ່ານທາງນີ້ ເພາະວາລະສານຂັວນໃຈ ໄດ້ນໍາເອົາວິທີການຮັບປະທານຄໍລາເຈນ(collagen) ຄວນຮັບປະທານແນວໃດໃຫ້ປອດໄປ ແລະ ເກີດປະໂຫຍດສູງສຸດ ດັ່ງນີ້ ຄວນຮັບປະທານຄໍລາເຈນ(collagen)ແບບຝຸ່ນຮ່ວມກັບເຄື່ອງດື່ມຢ່າງໜ້ອຍມື້ລະ 3-6 ກຼາມ ຫຼື ປະມານ 3,000-6,000 ມິນລີກຼາມຕໍ່ມື້ ເພື່ອໃຫ້ຄໍລາເຈນ(collagen)ເກີດປະໂຫຍດຢ່າງສູງສຸດ ເພາະວ່າໃນຄໍລາເຈນ(collagen)ຝຸ່ນນັ້ນມີລັກສະນະເປັນໂປຣຕີນ ແລະ ເມື່ອຮັບປະທານເຂົ້າໄປກົດໃນກະເພາະຈະເຮັດການຍ່ອຍສະລາຍກາຍເປັນກົດອະມິໂນ 17 ຊະນິດ ແລະ ຮ່າງກາຍຈະນໍາເອົາພະລັງງານທີ່ໄດ້ຈາກການຍ່ອຍສະລາຍໄປຫຼໍ່ລ້ຽງອະໄວຍະວະສ່ວນອື່ນໆຂອງຮ່າງກາຍ ຄວນຮັບປະທານຄໍລາເຈນ(collagen)ໄດ້ບໍ່ເກີນມື້ລະ 10 ກຼາມ ຫຼື 10,000 ມິນລີກຼາມຕໍ່ມື້. ຄວນຮັບປະທານຄໍລາເຈນ(collagen) ຮ່ວມກັບວິຕາມິນC ເພາະວ່າວິຕາມິນCມີຄຸນສົມບັດຊ່ວຍກະຕຸ້ນເຊວຜິວໜັງໃຫ້ເກີດການສ້າງຄໍລາເຈນ(collagen) ແລະ ຍັງເປັນການຊ່ວຍກະຕຸ້ນຮ່າງກາຍໃຫ້ນໍາເອົາກົດອະມິໂນທີ່ຖືກຍ່ອຍສະລາຍມາຈາກຄໍລາເຈນ(collagen)ແບບຝຸ່ນໄປໃຊ້ໃນການສ້າງຄໍລາເຈນ(collagen) ທີ່ກ້ອງຜິວໜັງອີກດ້ວຍ. ຄວນຮັບປະທານຄໍລາເຈນ(collagen) ກ່ອນໃນເວລາເຂົ້ານອນ ແລະ ຫຼັງຈາກການຕື່ນນອນ ເພາະເປັນເວລາທີ່ກະເພາະຍັງຫວ່າງຢູ່ ເຮັດໃຫ້ຫ່າງກາຍເກີດການດູດຊືມຄໍລາເຈນ(collagen) ເຂົ້າສູ່ຮ່າງກາຍໄດ້ເປັນຢ່າງດີ. ໄດ້ຮັບການຮັບຮອງຈາກອົງການອາຫານແລະຢາ ໂດຍສະເພາະແມ່ນອາຫານເສີມປະເພດທີ່ຕ້ອງໄດ້ຮັບປະທານເຂົ້າໄປໃນຮ່າງກາຍ ຕົວຢ່າງຄໍລາເຈນ(collagen)ແບບຝຸ່ນ …

ວິທີເລືອກຊື້ອາຫານເສີມໃຫ້ຄຸ້ມໃຫ້ເໝາະສົມ ສາວໆທ່ານໃດທີ່ຍັງບໍ່ຮູ້ວິທີເລືອກຊື້ອາຫານເສີມ ມື້ນີ້ ວາລະສານຂັວນໃຈ ຈະນໍາເອົາວິທີໃນການເລືອກຊື້ອາຫານເສີມມາແນະນໍາໃຫ້ສາວໆໄດ້ຮູ້ຈັກ ດັ່ງນີ້: ຮູ້ຄວາມຕ້ອງການຢ່າງແນ່ນອນ: ທ່ານຕ້ອງຮູ້ຄວາມຕ້ອງການຂອງຕົນເອງໄດ້ວ່າຄິດຈະກິນເພື່ອຫຍັງ ເພື່ອເປັນອາຫານເສີມບໍ່ວ່າຈະເລືອກກິນແຄວຊຽມໃນກຸ່ມກະດູກພ່ອຍ ຜູ້ຍິງທີ່ມີອາຍຸສູງທີ່ຜ່ານການມີລູກ ຫຼື ຜູ້ທີ່ຕ້ອງການຜິວຊຸ່ມຊື່ນກໍ່ສາມາດເລືອກອາຫານເສີມປະເພດນໍ້າມັນປາ. ຊອກຫາຂໍ້ມູນໃຫ້ດີ. ຖາມຂໍ້ມູນຈາກຜູ້ຊ່ຽວຊານວິຕາມິນ ຕ້ອງເລືອກຄົນທີ່ໜ້າເຊື່ອຖືຈະເປັນປະໂຫຍດທີ່ສຸດ. ຖາມຜູ້ເຮັດທຸລະກິດກ່ຽວກັບຢາເຊັ່ນ: ແພດການຢາ, ເຈົ້າຂອງຮ້ານຂາຍຢາ ເພາະເປັນອີກທາງໜຶ່ງທີ່ສາມາດໃຫ້ຂໍ້ມູນແກ່ທ່ານໄດ້. ຂໍ້ມູນຈາກເວັບໄຊທ໌(Website) ເພາະມີຫຼາຍເວັບໄຊທ໌(Website) ທີ່ມີຂໍ້ມູນກ່ຽວກັບວິຕາມິນ. ເລືອກຜະລິດຕະພັນທີ່ມີການຮັບຮອງ: ທຸກຢີ່ຫໍ້ມັກຈະບອກວ່າຜະລິດຕະພັນຂອງຕົນດີ ແຕ່ເຮົາຈະໄວ້ໃຈໄດ້ແນວໃດ ຄວນເລືອກທີ່ມີມາດຕະຖານ ອຢ ຮັບຮອງ. ຕ້ອງຮູ້ຈັກສ່ວນປະກອບສໍາຄັນ: ຄວນຮູ້ສ່ວນປະກອບທີ່ສໍາຄັນໃນການເລືອກເຊັ່ນ: ວິຕາມິນE ຕ້ອງເລືອກແບບສະກັດຈາກທໍາມະຊາດ(d-alpha tocopherol) ເຊິ່ງລາຄາຈະສູງກວ່າແບບສັງເຄາະ(dl-alpha tocopherol) ເພາະການດູດຊຶມເຂົ້າໄປໃຊ້ປະໂຫຍດໄດ້ໄວ ແລະ ປະສິດທິພາບຫຼາຍກວ່າ. ຢ່າຫຼົງເຊື່ອຕາມກະແສ: ຈະເຮັດໃຫ້ບໍ່ເປັນຜົນດີຕໍ່ສຸຂະພາບ ແລະ ຮ່າງກາຍຂອງທ່ານໄດ້.

5 ສັນຍາກໍາການເສີມຄວາມງາມທີ່ທ່ານໜຸ່ມໆ ແລະ ສາວໆ ຄວນລະວັງ ຖ້າໜຸ່ມໆ ແລະ ສາວໆທ່ານໃດທີ່ຄິດຈະສັນຍາກໍາປະເພດຕ່າງໆຄວນລະວັງ ແລະ ມື້ນີ້ ວາລະສານຂັວນໃຈ ໄດ້ນໍາເອົາສັນຍາກໍາປະເພດຕ່າງໆ ແລະ ສິ່ງທີ່ຄວນລະວັງມາແນະນໍາດັ່ງນີ້: ວິທີຫຼຸດຄວາມຕຸ້ຍດ້ວຍວິທີສັກສານ Lipodissolve ເພື່ອລະລາຍໄຂມັນສ່ວນຕ່າງໆຂອງຮ່າງກາຍ ເຊິ່ງແພດຜ່າຕັດ ແລະ ແພດຜິວໜັງສາມາດເວົ້າໄດ້ເລີຍວ່າຄວນຫຼີກເວັ້ນຫຼາຍທີ່ສຸດ ຍ້ອນວ່າບໍ່ມີການຮັບຮອງວ່າໄດ້ຜົນແທ້ ການເຮັດ Lipodissolve ນັ້ນຍັງບໍ່ໄດ້ຮັບການຮັບຮອງຈາກອົງການອາຫານ ແລະ ຢາຂອງລັດຖະບານອີກດ້ວຍ. ການສີດເສີມເຕົ້ານົມ: ໂດຍປົກກະຕິແລ້ວແພດຈະນໍາເອົາໄຂມັນຈາກພາກສ່ວນອື່ນໆຂອງຮ່າງກາຍມາສີດໃສ່ເພິ່ມ ຄວາມຈິງແລ້ວການສີດໄຂມັນເຂົ້າໄປຫາຈຸລັງບໍລິເວນໜ້າເອິກເປັນອັນຕະລາຍຫຼາຍ ເພາະໄຂມັນທີ່ສີດເຂົ້າໄປອາດແຂງຕົວເຮັດໃຫ້ກວດຫາມະເຮັງເຕົ້ານົມຍາກຂຶ້ນ. ສັກໜ້າ: ບໍ່ວ່າຈະເປັນສັກຄິ້ວ, ຂອບຕາ, ຂອບປາກ ເມື່ອເວລາຜ່ານໄປ ຫຼື ເມື່ອຮູ້ເບື່ອຂຶ້ນມາທ່ານຈະເຮັດແນວໃດ?. ແມ່ນຢູ່ວ່າຍຸກນີ້ລືບຮອຍສັກໄດ້ສະບາຍແຕ່ຮູ້ບໍ່ວ່າພື້ນທີ່ສ່ວນໃຫຍ່ເທິ່ງໃບໜ້າມັກເປັນຈຸລັງອ່ອນໆ ເຊິ່ງການໃຊ້ເລເຊີລົບຮອຍນັ້ນເຮັດໄດ້ຍາກ ແລະ ຜົນທີ່ໄດ້ນັ້ນອາດຈະບໍ່ດີເທົ່າທີ່ຄວນ. ສັນຍາກໍາໃບໜ້າ: ຕ້ອງດູດໄຂມັນຢູ່ແກ້ມເພື່ອໃຫ້ໃບໜ້ານ້ອຍລົງ, sexyຫຼາຍຂຶ້ນ ແຕ່ທ່ານອາດຈະໄດ້ໃບໜ້າທີ່ບຸ໋ມເປັນຂຸມ ຍ້ອນໄຂມັນຖືກດູດອອກໄປຫຼາຍເກີນໄປກໍ່ໄດ້ ແລະ ຍັງມີບັນຫາເລື່ອງຮອຍປະບາດຈາກການຜ່າຕັດອີກດ້ວຍ. ການຜ່າຕັດກະຊັບໜ້າເອິກ: ດ້ວຍວິທີການຕັດຜິວໜັງສ່ວນທີ່ເຫຼືອອອກ(mastopexy) …

5 ສຸດຍອດອາຫານທີ່ຄວນກິນທຸກມື້ ບໍ່ວ່າໃຜໆກໍ່ລ້ວນແຕ່ຢາກມີສຸຂະພາບທີ່ດີ ດັ່ງນັ້ນການເບິ່ງແຍງຕົວເອງດ້ວຍການອອກກໍາລັງກາຍ ແລະ ການກິນອາຫານທີ່ມີປະໂຫຍດຈຶ່ງເປັນວິທີງ່າຍໆທີ່ຫຼາຍໆຄົນເລືອກໃຊ້ ນອກຈາກຈະກິນອາຫານໃຫ້ຄົບ 5 ໝູ່ແລ້ວ ທາງວາລະສານຂັວນໃຈ ຍັງມີສຸດຍອດອາຫານທີ່ຄວນກິນທຸກມື້ມາແນະນຳດັ່ງນີ້: ໄຂ່ໄກ່: ໄຂ່ໄກ່ເປັນສຸດຍອດອາຫານທີ່ຫາໄດ້ງ່າຍ ແລະ ລາຄາຍັງຖືກອີກ ໄຂ່ໄກ່ນັ້ນເປັນແຫຼ່ງຂອງໂປຣຕິນທີ່ມີຄຸນນະພາບສູງ ທີ່ຈະເຮັດໃຫ້ທ່ານໄດ້ພະລັງງານແຕ່ບໍ່ຕຸ້ຍ ແລະ ຍັງມີປະໂຫຍດໃນການບຳລຸງສາຍຕາ, ຍັງມີລູທີນ(Lutein)ທີ່ຈະປ້ອງກັນຜິວຈາກການທຳລາຍຂອງແສງແດດອີກດ້ວຍ. ຖົ່ວ: ຖົ່ວເປັນແຫຼ່ງຂອງເຫຼັກ ເຊິ່ງເປັນສານອາຫານທີ່ຊ່ວຍໃນການສົ່ງຜ່ານ oxygen ຈາກປອດໄປຫາເຊວຕ່າງໆຂອງຮ່າງກາຍ ໃນຖົ່ວ 1 ຖ້ວຍ ຈະໃຫ້ທາດເຫຼັກປະມານ 16 ມິນລີກະກຼາມ ເຊິ່ງຖືວ່າເປັນປະລິມານທີ່ສູງ ນອກຈາກນີ້ຖົ່ວຍັງມີໄຟເບີຊ່ວຍໃຫ້ຮ່າງກາຍຂັບຖ່າຍໄດ້ງ່າຍອີກດ້ວຍ. ໝາກກ້ຽງ: ເປັນແຫຼ່ງວິຕາມິນ C ທີ່ມີປະໂຫຍດຕໍ່ການສ້າງເມັດເລືອດຂາວ, ຊ່ວຍສ້າງພູມຕ້ານທານພະຍາດ ແລະ ຍັງມີໄຟເບີສູງ ເປັນແຫຼ່ງຂອງແອນຕີ້ອ໋ອກຊີເດນ( anti oxidant )ທີ່ຈະຊ່ວຍປົກປ້ອງເຊວຜິວຈາກການຖືກທຳລາຍ ແລະ ເສີມສ້າງຄໍລາເຈນ(collagen)ໃນຜິວອີກດ້ວຍ. ຊາ: ແມ່ນວ່າຊາຈະເປັນເຄື່ອງດື່ມທີ່ບໍ່ໄດ້ໃຫ້ຜົນດີຕໍ່ສຸຂະພາບປານໃດແຕ່ຮູ້ບໍວ່າການດື່ມຊາໃນປະລິມານທີ່ພໍດີ ຈະຊ່ວຍຫຼຸດຄວາມສ່ຽງຕໍ່ການເປັນຄວາຈຳເຊື່ອມ, ມະເຮັງ, …

  ໝາກໄມ້ ແລະ ອາຫານດຳ 3 ຊະນິດເພື່ອສຸຂະພາບ ມື້ນີ້ Kuanjai Foodie ຂໍແນະນໍາກ່ຽວກັບເຄັດລັບໃນການກິນອານຫານເພື່ອສຸຂະພາບ ອາຫານ ຫຼື ໝາກໄມ້ທີ່ມີສີດໍາ ໝາກໄມ້ສີດຳ ຫຼື ອາຫານສີດຳນີ້ຈະມີຄຸນປະໂຫຍດທີ່ດີຕໍ່ສຸຂະພາບຢ່າງຫຼວງຫຼາຍເຊັ່ນ: ໝາກຣາແຊ່ງ: ຊ່ວຍປ້ອງກັນພະຍາດຫົວໃຈ, ຊ່ວຍຫຼຸດຄວາມດັນໃນເລືອດ ແລະ ຊ່ວຍຄວບຄຸມລະດັບຄໍເລດເຕີລອນ(cholesterol)ໃນຮ່າງກາຍ ແລະ ຍັງມີສານຕ້ານອະນຸມູນອິດສະລະທີ່ມີປະສິດທິພາບທີ່ດີ, ຊ່ວຍເຮັດໃຫ້ນານເຖົ້າ. ຖົ່ວດຳ: ໃນບັນດາຖົ່ວດໍາຖືໄດ້ວ່າເປັນຖົ່ວທີ່ມີສານຕ້ານອະນຸມູນອິດສະລະຫຼາຍທີ່ສຸດເປັນແຫຼ່ງໂປຣຕີນເສັ້ນໃຍອາຫານ ແລະ ແຮ່ທາດຕ່າງໆ ຖົ່ວດຳຊ່ວຍໃຫ້ລະບົບທາງເດີນອາຫານໄດ້ດີ, ຊ່ວຍສ້າງສານປ້ອງກັນນ້ຳຕານໃນເລືອດບໍ່ໃຫ້ເພິ່ມຂື້ນ ຫຼື ຫຼຸດລົງຢ່າງໄວວາ. ງາດຳ: ເຕັມໄປດ້ວຍວິຕາມິນB ທີ່ຊ່ວຍບຳລຸງປະສາດ ດັ່ງນັ້ນການກິນງາດຳເປັນປະຈຳຈະເຮັດໃຫ້ນອນຫຼັບສະບາຍບໍ່ອິດເມື່ອຍ ບໍ່ມີອາການປວດເສັ້ນຕາມແຂນຂາ ຊ່ວຍໃຫ້ກິນອາຫານແຊບ ແລະ ບໍ່ຖ່າຍຍາກ.