Home

ເວທີການປະກວດ ນາງສາວນະຄອນຫຼວງວຽງຈັນຖືໄດ້ວ່າ ເປັນອີກໜື່ງເວທີທີ່ເປີດໂອກາດໃຫ້ແມ່ຍິງລາວ ໄດ້ສະແດງຄວາມຮູ້ ຄວາມສາມາດ ສະແດງສັກກະຍະພາບຂອງຕົນເອງ ພ້ອມທັງເປັນການສົ່ງເສີມ ແລະ ເຜີຍແຜ່ວັດທະນະທໍາລາວໃຫ້ຄົນທັງພາຍໃນ ແລະ ຕ່າງປະເທດໄດ້ຮັບຮູ້ ວ່າແມ່ຍິງລາວເຮົາ ກໍເກັ່ງບໍ່ແພ້ໃຜໃນໂລກນີ້ຄືກັນ   ສໍາລັບການປະກວດ ນາງສາວນະຄອນຫຼວງ ໃນຮອບຄັດເລືອກ ໄດ້ເລີ່ມຕົ້ນຂຶ້ນ  ໃນວັນເສົາ-ອາທິດ ທີ່ 8-9 ກຸມພາ 2020 ທີ່ຜ່ານມາ ເຊິ່ງເປັນຮອບຄັດເລືອກຈາກນາງສາວ 50 ນາງສາວ  ເຫຼືອພຽງ 30 ນາງສາວ ເພື່ອເຂົ້າສູ່ຮອບຕໍ່ໄປ ເວົ້າໄດ້ວ່າແຕ່ລະນາງສາວ ທັງງາມ ທັງເກັ່ງ ແລະ ມີຄວາມສາມາດທີ່ແຕກຕ່າງກັນ ເອີ້ນໄດ້ວ່າບໍ່ທໍາມະດາອີຫຼີ !!!!  ຕອນນີ້ເອົາເປັນວ່າເຮົາມາຮ່ວມໂຫວດ ຮ່ວມເຊຍ ໃຫ້ກໍາລັງໃຈ ສາວໆທັງ 30​ ຄົນ ແລະ ມາລຸ້ນນໍາກັນວ່າໃຜຈະໄດ້ຄອງຕໍາແໜ່ງ ນາງສາວນະຄອນຫຼວງປະຈໍາປີ 2020 ນີ້!!!   ແຟນໆຄົນໃດມີຄົນທີ່ຮັກມັກເຊຍຢູ່ແລ້ວກໍຄອມເມັ້ນມາບອກກັນແດ່ເດີ້… ຂອບໃຈຮູບພາບຈາກເພສ:  …

ປັດຈຸບັນ ການສົ່ງເສີມເລື່ອງສິດສະເໝີພາບ ແລະ ການເຄົາລົບສິດທິທາງເພດຢູ່ໃນສັງຄົມລາວ ແມ່ນເປັນທີ່ຍອມຮັບຫຼາຍຂຶ້ນ ບຸກຄົນທີ່ມີຄວາມຫຼາກຫຼາຍທາງເພດສາມາດອອກມາສະແດງສັກກາຍາພາບ ຄວາມສາມາດຂອງຕົນເອງໃຫ້ສັງຄົມໃຫ້ຮັບຮູ້ຫຼາຍຂຶ້ນ… ເຊິ່ງເມື່ອບໍ່ດົນມານີ້ ປະເທດລາວເຮົາກໍໄດ້ໃຫ້ມີການປະກວດສາວງາມ (ສາວປະເພດສອງ) ເວທີ Miss Power Queen Laos ຂຶ້ນ ເຊິ່ງກໍໄດ້ຮັບຄວາມສົນໃຈຈາກສັງຄົມຢ່າງກວ້າງຂວາງ. ນອກຈາກນັ້ນ ເຮົາຍັງສັງເກດເຫັນວ່າ ບັນດາກຸ່ມຄົນທີ່ມີຄວາມຫຼາກຫຼາຍທາງເພດກ້າທີ່ຈະອອກມາປະກາດເຖິງຕົວຕົນຂອງຕົນເອງຫຼາຍຂຶ້ນ ລວມໄປເຖິງເວທີນາງງາມຕ່າງໆທີ່ເກີດຂຶ້ນຢູ່ໃນລະດັບສາກົນ ສາວງາມປະເພດສອງຂອງລາວເຮົາກໍໄດ້ໂອກາດໄປຮ່ວມສະແດງຄວາມສາມາດເຊັ່ນກັນ… ຄືດັ່ງສາວງາມຄົນນີ້ ອາລີຢາ ສີຣິໂສພາ ຫຼື (ລີຍາ)  Miss Queen Laos 2020 ທີ່ປັດຈຸບັນກໍາລັງກຽມຕົວເດີນທາງໄປປະກວດເວທີ Miss international Queen 2020 ທີ່ຈະຈັດຂຶ້ນ ໃນວັນທີ 7 ມີນາ 2020 ນີ້ ທີ່ບາງກອກ ປະເທດໄທ ແນວໃດຄົນລາວເຮົາກໍຢ່າລືມສົ່ງກໍາລັງໃ ແລະ ແຮງເຊຍໃຫ້ສາວງາມຕົວແທນປະເທດລາວໄດ້ເຂົ້າໄປເຖິງຮອບເລິກໆ ເພື່ອສະແດງເອກະລັກຄວາມເປັນລາວໃຫ້ກັບຕ່າງຊາດໃຫ້ຮັບຮູ້ນໍາກັນຫຼາຍໆເດີ້!!!   ທຸກຄົນສາມາດ ຮ່ວມສົ່ງໃຈໄປເຊຍ ແລະ ຊ່ວຍໂຫວດ …

ໜັງສືພິມ ນິວຢອກໂພສ (New York Post) ລາຍງານກ່ຽວກັບ ອົງການທ່ອງທ່ຽວໂລກ (United National World Tourism Organization, UNWTO) ວ່າຫຼ້າສຸດ ໄດ້ມີປະກາດລາຍຊື່ 20 ປະເທດ ພັດທະນາ ການທ່ອງທ່ຽວໄວທີ່ສຸດ ໃນໂລກ ປະຈໍາປີ 2019 ໂດຍໃນນັ້ນ ສປປ ລາວ ເຮົາແມ່ນຕິດອັນດັບທີ 16 ຂອງ Top 20 ປະເທດທີ່ມີລາຍຊື່.​.. ອີງຕາມການລາຍງານທາງສະຖິຕິ ຂອງ UNWTO ໃນປີ 2019 ມີນັກທ່ອງທ່ຽວ ເດີນທາງໄປຕ່າງປະເທດ ລວມທັງໝົດ 1.5 ຕື້ ຖ້ຽວ, ໂດຍເພີ່ມ ຂຶ້ນ 4% ເມື່ອທຽບໃສ່ ສະຖິຕິ ການເດີນທາງ ໃນປີ 2018. …

ຄວາມສຸກ ເປັນສິ່ງທຸກຄົນປາຖະໜາ ບໍ່ວ່າຈະເປັນໃນແງ່ມຸມຂອງຊີວິດສ່ວນຕົວ ຄອບຄົວ ຫຼືການເຮັດວຽກ ຄົນທີ່ມີຄວາມສຸກ ຄືຄົນທີ່ມີທັດສະນະຄະຕິທີ່ດີ ຄິດບວກ ຢູ່ສະເໝີ  ເຊິ່ງໂດຍທົ່ວໄປແລ້ວຄົນໄປເຮັດວຽກໃຊ້ເວລາບໍ່ຕໍ່າກວ່າໜື່ງສ່ວນສາມຂອງແຕ່ລະມື້ ໃຊ້ຊີວິດ ຢູ່ບ່ອນເຮັດວຽກ ແລະ ປຽບສະເໝືອນບ້ານຫຼັງທີ່ສອງ ດັ່ງນັ້ນ, ຖ້າບ່ອນເຮັດວຽກນ່າຢູ່ ຄົນທີ່ເຮັດວຽກກໍຢາກໄປເຮັດວຽກ ແລະ ຢາກສະແດງຜົນງານໃຫ້ດີທຸກມື້ ສະນັ້ນ, ຈະເຫັນໄດ້ວ່າບ່ອນເຮັດວຽກມີບົດບາດສໍາຄັນຕໍ່ຄວາມສຸກຂອງບຸກຄົນຫຼາຍ ຖ້າບ່ອນເຮັດວຽກນ່າຢູ່ ຄົນກໍຈະແຂງແຮງ ແລະ ມີຄວາມສຸກ ພະນັກງານກໍຈະມີປະສິດທິຜົນໃນໄລຍະຍາວ ການສ້າງຄວາມສຸກໃນການເຮັດວຽກຈື່ງເປັນສິ່ງຈໍາເປັນຫຼາຍໃນການປະຕິບັດວຽກງານໃນອົງກອນ ເຮົາມາດສ້າງຄວາມສຸກໃນການເຮັດວຽກໄດ້ດ້ວຍວິທີນີ້: 1. ການແກ້ໄຂບັນຫາຢ່າງຖືກວິທີ:  ການເຮັດວຽກລ້ວນແຕ່ມີບັນຫາເປັນເລື່ອງທໍາມະດາ  ຢ່າແກ້ໄຂບັນຫາໂດຍການໃຊ້ອາລົມ ຈະເຮັດໃຫ້ເຮົາຄຽດຂຶ້ນ ທຸກບັນຫາລ້ວນແຕ່ມີທາງອອກ ຈົ່ງຫາຄົນຊ່ວຍ ເຝິກການຖາມ ແກ້ໄຂບັນຫາໄດ້ ກໍຈະສະບາຍໃຈ ຫາຍຄຽດ 2. ພັດທະນາທັກສະໃນການເຮັດວຽກ:  ບາງຄົນເຮັດວຽກບໍ່ຖະນັດ ວຽກທີ່ຍາກ ບໍ່ກົງກັບຄວາມສາມາດຂອງຕົນເອງ ຈົນເຮັດໃຫ້ວຽກອອກມາບໍ່ດີ ໝົດກຳລັງໃຈໃນການເຮັດວຽກ ການພັດທະນາຕົວເອງຈະປະສົບຜົນສໍາເລັດກັບວຽກຫຼາຍຂຶ້ນ  ໄດ້ຮັບການຍອມຮັບຈາກຫມູ່ຮ່ວມງານ ແລະ ຫົວໜ້າ …

ສົງຄາມຍັງບໍ່ຈົບຢ່າຟ້າວນັບສົບທະຫານ… ສົງຄາມນາງງາມຈາກເວທີດັງ power queen – power queen laos ເວທີການປະກວດນາງສາວງາມ ສາວປະເພດສອງ ທີ່ຫາກໍຈັດຂຶ້ນເປັນປີທໍາອິດ ປີ 2019 ທີ່ຫາກໍຈົບລົງໄປເມື່ອບໍ່ດົນມານີ້ ແລະ ກໍມີກະແສດຣາມ່າເກີດຂຶ້ນຢ່າງດຸເດືອດ ລະຫວ່າງຜູ້ທີ່ຊະນະການປະກວດ ແລະ ຜູ້ໄດ້ຮັບຕໍາແໜ່ງຮອງ ເມື່ອບໍ່ດົນມານີ້ເຊັ່ນກັນ… ເຊິ່ງຈຸດເລີ່ມຕົ້ນຂອງດຣາມ່າເລື່ອງນີ້ແມ່ນ ມາຈາກການຖ່າຍແບບຂອງ ນາງສາວຜູ້ທີ່ຮັບຕໍາແໜ່ງຮອງອັນດັບໜຶ່ງ ທີ່ໄດ້ນໍາເອົາມົງກຸດຂອງຜູ້ຊະນະໄປໃສ່ ຫຼັງຈາກນັ້ນຈຶ່ງເກີດມີການປະຈານທັງຜູ້ທີ່ໃສ່ ແລະ ທາງກອງປະກວດເອງ!! ຫຼັງຈາກເກີດມີກະແສດຣາມ່າດັ່ງກ່າວ ກໍເຮັດໃຫ້ຊາວເນັດ ແລະ ແຟນນາງງາມໃຫ້ຄວາມສົນໃຈຫຼາຍພໍສົມຄວນ ແຕ່ທາງກອງປະກວດກໍໄດ້ອອກມາແຈ້ງການແລ້ວວ່າ ຈະມີການຊີ້ແຈງຜ່ານທາງເພຈຫຼັກຂອງກອງປະກວດນັ້ນກໍຄື power queen – power queen laos ເຊິ່ງຫຼາຍຄົນກໍຖ້າຕິດຕາມຢູ່ ແຕ່ມາຈົນຮອດປັດຈຸບັນກໍຍັງບໍ່ມີວີ່ແວວການຊີ້ແຈງເພື່ອຄວາມກະຈ່າງແຈ້ງຕໍ່ມວນຊົນໃດໆ ແຖມຍັງເກີດດຣາມ່າໜັກຂຶ້ນກວ່າເກົ່າ ບໍ່ວ່າຈະເປັນການໂພສປະຈານກັນໄປມາຂອງທັງ 2ຝ່າຍ ແລະ ທາງເພຈຫຼັກຂອງກອງປະກວດເອງກໍໄດ້ທໍາການປ່ຽນຊື່ເພຈມາເປັນ JoJo TTChannel – MC JoJo Laos ພ້ອມທັງລົບຮູບພາບນາງງາມທີ່ໄດ້ຕໍາແໜ່ງອອກ …