Kuanjai Life Stlye

Hello ແຟນໆທຸກໆຄົນເລີ່ມຕົ້ນເດືອນ ຕຸລາ ປະຈຳປີ 2018 ໃນວັນຈັນ ຕົ້ນອາທິດ ແນ່ນອນແຟນໆຫຼາຍໆຄົນກໍ່ຄົງຈະມີພາລະກິດໃນການເຮັດວຽກ ການຮຽນ ຕ່າງໆນາໆກໍ່ວ່າກັນໄປ ແຕ່ຢ່າໄປຊີຣຽດຫຼາຍເດີ້ ເຮັດໃຈໃຫ້ສະບາຍແລ້ວມາອັບເດດຂ່າວສານກັບ ຊະນີIndy ຈະດີກວ່າ, ໃນມື້ນີ້ຈະພາແຟນໆມາອັບເດດຂ່າວສານເລື່ອງລາວຂອງວົງການນາງງາມ ໃນເວທີ ມິສແກຣນ ທີ່ປະເທດລາວເຮົາກໍ່ບໍ່ດ້ອຍໜ້າ ກຽມສົ່ງ ນ້ອງ ນົບພະລັດ ສີໄກພັກ (ມາລີ) Miss Grand Laos 2018 ໄປເປັນຕົວແທນແຂ່ງຂັນເອົາມົງກຸດອັນຊົງກຽດທີ່ເວທີລະດັບໂລກ Miss Grand International 2018. ນອກຈາກຈະມີສາວງາມຕົວແທນປະເທດລາວແລ້ວ ແນ່ນອນວ່າເຮົາກໍ່ຕ້ອງມີ ຊຸດທີ່ເປັນເອກະລັກຂອງປະເທດລາວໄປເຜີຍແຜ່ໃນເວລາດຽວກັນ ນັ້ນກໍ່ຄືຊຸດປະຈຳຊາດ ແລະ ຫຼ້າສຸດເພິ່ນກໍ່ໄດ້ເປີດເຜີຍມາແລ້ວວ່າຊຸດທີ່ສາວງາມຈະສວມໃສ່ໃນປີນີ້ກໍ່ຄື “ຊຸດນາງສັງຂານລາວ “ຊຸດນີ້ໄດ້ແຮງບັນດານໃຈມາຈາກປະເພນີວັນສຳຄັນ ກໍຄືວັນຂຶ້ນປີໃໝ່ລາວ, ເຊິ່ງເປັນປະເພນີທີ່ມີຊື່ສຽງໂດ່ງດັ່ງໄປທົ່ວໂລກ ທີ່ສາມາດດຶງດູດນັກທ່ອງທ່ຽວຈາກຫລາຍປະເທດໃຫ້ເຂົ້າມາຢ້ຽມຢາມປະເທດລາວ ໂດຍສະເພາະແມ່ນຢູ່ ນະຄອນຫລວງພະບາງ ທີ່ມີການປະກວດນາງສັງຂານໃນແຕ່ລະປີ. ດັ່ງນັ້ນ, ຊຸດນີ້ຈຶ່ງດຶງເອົາເອກະລັກຄວາມໂດດເດັ່ນຂອງ “ນາງ ມະໂຫທອນເທວີ” ມາດັດແປງເປັນຊຸດປະຈຳຊາດ, ດຶງເອົານົກຍູງທີ່ມີຄວາມສະຫງ່າງາມມາເປັນສ່ວນໜຶ່ງຂອງຊຸດ …

ໃນຜ່ານມາ, ສຽງຈົ່ມ ວ່າຈາກສັງຄົມແມ່ນບໍ່ໜ້ອຍຕໍ່ ຄວາມເຂົ້າໃຈຂອງເຂົາວ່າ: ເປັນຫຍັງແຮງງານຕ່າງດ້າວຈຶ່ງ ເຂົ້າມາຍາດອາຊີບຄົນລາວ ເຮົາຫຼາຍແທ້? ເພາະຫຼຽວໄປ ທາງ ໃດກໍເຫັນແຕ່ຊາວຕ່າງ ດ້າວມາເລາະເຮັດວຽກ, ທໍາມາ ຄ້າຂາຍຢູ່ທົ່ວທຸກບ່ອນນັບແຕ່ ຊ່າງຕັດຫຍິບໄປຈົນຮອດຊ່າງ ເຮັດເຮືອນ, ກໍ່ສ້າງອາຄານ, ການລົງທຶນຂຸດຄົ້ນບໍ່ແຮ່, ເຮັດເຂື່ອນໄຟຟ້າ, ຊຸບເປີ້ມາເກັດ ຂະໜາດໃຫຍ່ໆ ແລະ ອື່ນໆ ເຊິ່ງທັງໝົດເຫຼົ່ານີ້ ລ້ວນແລ້ວ ແຕ່ເປັນອາຊີບທີ່ມີບາງຢ່າງ ຄົນລາວເຮົາບໍ່ຢາກສົນໃຈພໍ ເທົ່າໃດ ໂດຍອ້າງເຫດຜົນຕ່າງໆ ນາໆ, ກໍດັ່ງຄໍາວ່າ: ຢ້ານແຮງ ງານຕ່າງດ້າວເຂົ້າມາຍາດວຽກເຮັດງານທໍາ, ແຕ່ໃນຕົວຈິງມັນ ບໍ່ແມ່ນແນວນັ້ນ, ແມ່ນຍ້ອນ ກະໂຕເຮົາເອງຂາດຄວາມດຸໝັ່ນ, ຄວາມອົດທົນພະຍາຍາມ ໃນການຮຽນຮູ້ວິຊາຊີບ ຕ່າງໆນໍາມາພັດທະນາຕົນເອງເຊັ່ນ: ຊ່າງຕັດຜົມ, ຊ່າງຈອດຢາງລົດ ແລະ ຫຼາຍວຽກ ໂດຍງ່າຍກວ່ານີ້ກໍຍັງເຮັດບໍ່ໄດ້, ຖ້າວຽກໃຫຍ່ກວ່ານັ້ນ, ດັ່ງການສ້າງຖະໜົນຫົນທາງ, ໂຮງຈັກໂຮງງານ, ຕຶກອາຄານ ລະດັບໃຫຍ່ຕ່າງໆ ຖ້າບໍ່ມີແຮງ …

ຈະພາແຟນໆມາສ່ອງ ຊຸດປະຈຳຊາດຂອງ ນິ້ງ ໂສພິດາ Miss Universe Thailand 2018 ທີ່ຫຼ້າສຸດທາງກອງປະກວດກໍ່ໄດ້ເປີດເຜີຍຊຸດປະຈຳຊາດທີ່ຈະໃຊ້ເຂົ້າໃນການປະກວດທີ່ໃນປີນີ້ ເຊິ່ງເປັນປີທີ່ພິເສດເພາະ ປະເທດໄທ ຈະໄດ້ເປັນເຈົ້າພາບຈັດການປະກວດ ນາງງາມຈັກກະວານ (Miss Universe 2018) ອີກດ້ວຍ. ເຊິ່ງແຕ່ລະປີ ປະເທດໄທ ເພິ່ນກໍ່ຖືໄດ້ວ່າ ຊຸດປະຈຳຊາດຂອງ Miss Universe Thailand ໃນແຕ່ລະປີກໍ່ຈະມີຄວາມອະລັງການບໍ່ແພ້ປະເທດອື່ນໃນໂລກ ແລະ ໃນປີນີ້ກໍ່ເຊັ່ນກັນ ເຊິ່ງໄດ້ມີການຈັດການປະກວດໃຫ້ນັກອອກແບບທົ່ວປະເທດໄດ້ອອກແບບ ແລະ ຊຸດທີ່ເອົາຊະນະໃຈກຳມະການກໍ່ຄືຊຸດ (Chang The Icon of Siam) ເຊິ່ງມີແຮງບັນດານໃຈມາຈາກ ຊ້າງ ຈຶ່ງໄດ້ອອກແບບ ແລະ ຄິດສ້າງສັນມາເປັນຊຸດປະຈຳຊາດໃນຮູບແບບທີ່ຮ່ວມສະໄໝ ແຕ່ບໍ່ຖິ້ມເອກະລັກໄທ ຊຸດດັ່ງກ່າວສື່ໃຫ້ເຫັນເຖິງຄວາມເຂັ້ມແຂງ ງົດງາມ ອ່ອນຫວານ ແລະ ທັນສະໄໝ ການອອກແບບຈຶ່ງນຳໂຄງສ້າງຊ້າງມາເປັນອົງປະກອບຫຼັກໃນການສ້າງຊຸດຊ້າງຄູ່ແຜ່ນດິນ ໂດຍປະສົມປະສານລະຫວ່າງຄວາມເປັນໄທ ແລະ ສາກົນເຂົ້າໃສ່ກັນ ໃນຊຸດມີການເກັບລາຍລະອຽດໂດຍການປັກລາຍໄທແບບ …

ຫຼັງຈາກອຳລາຕຳແໜ່ງຈາກ Miss World Laos 2017 ໄປແລ້ວ ຫຼ້າສຸດກໍ່ເອີ້້ນສຽງຮືຮາ ເຈນນີ່ ຕົ້ນຄຳ ພົນຈັນເຮືອງ ໄດ້ອອກມາໂພສໃຫ້ແຟນຄລັບໄດ້ຮູ້ວ່ານາງໄດ້ເດີນທາງໄປເປັນໜຶ່ງໃນງານເດີນແບບ Surabaya ທີ່ ປະເທດ ອິນໂດເນເຊຍ ເຊິ່ງງານນນີ້ ເຈນນີ້ ໄດ້ຖືກເຊີນໄປເດີນແບບ ໃນຖານະນາງແບບເອເຊຍ ຂອງປະເທດລາວ. (ໂອ້ວ້າວວວວ ບໍ່ທຳມະດາກັນເລີຍ!!!) ເມື່ອບໍ່ດົນມານີ້ ເຈນນີ້ ຫາກໍ່ຜ່ານພົ້ນຊ່ວງອຳລາຕຳແໜ່ງຈາກ Miss World Laos 2017 ແລະ ກໍ່ ໄດ້ສົ່ງຕໍ່ຕຳແໜ່ງອັນຊົງກຽດໃຫ້ ຕິກນໍ້າ ກະດຸມເພັດ Miss World Laos 2018 ຄົນໃໝ່. ຢ່າງໃດ!!! ກໍ່ຝາກເປັນເປັນກຳລັງໃຈໃຫ້ ສາວ ເຈນນີ້ ຕົ້ນຄຳພົນຈັນເຮືອງ Miss World Laos 2017 ກັນແດ່ເດີ້ແຟນໆ. ຮູບພາບ: Tonkham Phonchanheuang

“Satoyama” ພື້ນທີ່ສີຂຽວ ແຫຼ່ງທ່ອງທ່ຽວໃນຊົນນະບົດຂອງຍີ່ປຸ່ນ ເມື່ອເວົ້າເຖິງສະຖານທີ່ທ່ອງທ່ຽວໃນຍີ່ປຸ່ນ ຮ້ອຍທັງຮ້ອຍກໍມັກຈະຄິດຫາເມືອງໃຫຍ່ຢ່າງ ເມືອງໂຕກຽວ ແລະ ເມືອງ ໂອຊາກ້າ. ແຕ່ກໍມີນັກທ່ອງທ່ຽວຈໍານວນບໍ່ໜ້ອຍເລີຍ ທີ່ຫຼົງໄຫຼຄວາມງາມຂອງທໍາມະຊາດ ຫຼາຍກວ່າແສງສີ… ເຖິງວ່າປະເທດຍີ່ປຸ່ນຈະເປັນປະເທດທີ່ຂຶ້ນຊື່ເລື່ອງເຕັກໂນໂລຊີ ແລະ ນະວັດຕະກໍາທີ່ທັນສະໄໝ ແຕ່ຍັງມີຄົນອີກຈໍານວນຫຼາຍ ໃນເຂດຊົນນະບົດທີ່ຍັງຄົງຢູ່ກັບ ວັດທະນະທໍາດັ້ງເດີມ ແລະ ອາໄສການເຮັດກະສິກໍາເພື່ອລ້ຽງຊີບພວກເຂົາເອີ້ນວິຖີວິດແບບນີ້ວ່າ ຊາໂຕຍາມະ (Satoyama) ເຊິ່ງມື້ນີ້ ຂວັນໃຈເຮົາກໍຢາກຈະນໍາພາສາວໆສາຍທ່ອງທ່ຽວທໍາມະຊາດ ໄປສໍາພັດກັບ Satoyama ພື້ນທີ່ປູກຝັງເຂດຊົນນະບົດຂອງຍີ່ປຸ່ນ… ຈະເປັນແນວໃດນັ້ນໄປເບິ່ງເລີຍ! Satoyama ເປັນພື້ນທີ່ປູກຝັງບໍລິເວນຕີນພູ, ໂອບອ້ອມດ້ວຍທົ່ງນາ, ປ່າໄມ້ ແລະ ພູຜາສະລັບຊັບຊ້ອນ ເຮັດໃຫ້ເຂດຊົນນະບົດແຫ່ງນີ້ ມີສີຂຽວອຸ່ມທຸ່ມຕະຫຼອດປີ ແລະ ສ້າງລະບົບນີເວດໃຫ້ເປັນທີ່ຢູ່ຂອງສັດ, ມວນແມງໄມ້ ແລະ ພຶກສານາໆຊະນິດ. ຮູບສະທ້ອນພື້ນນໍ້າຂອງຍອດພູເຂົາຟູຈິ ທີ່ສາມາດເບິ່ງເຫັນໄດ້ ພ້ອມກັບທິວທັດທີ່ປ່ຽນໄປຕາມແຕ່ລະເວລາຕ່າງໆໃນແຕ່ລະມື້. ແຕ່ໜ້າເສຍດາຍທີ່ປັດຈຸບັນພື້ນທີ່ Satoyama ກໍາລັງຕົກຢູ່ໃນສະພາບທີ່ຊຸດໂຊມ ເນື່ອງຈາກສ່ວນໜຶ່ງເປັນຍ້ອນຄວາມທັນສະໄໝ ເຊິ່ງເກີດຈາກນະວັດຕະກໍາຂອງ ເທັກໂນໂລຍີ່. …