Kuanjai Life Stlye

ສົມແລ້ວທີ່ເປັນນາງງາມ ເຈນນີ່ ຕົ້ນຄຳ ພົນຈັນເຮືອງ ມິສເວີລາວ 2017 ແທັກທີມເພື່ອນພ້ອງ ພ້ອມທີມງາມລົງໃຕ້ ເພື່ອຊ່ວຍເຫຼືອຜູ້ປະສົບໄພເຂື່ອນແຕກ ນໍ້າຖ້ວມ ທີ່ ມ.ສະໝາມໄຊ ແຂວງ ອັດຕະປື ແລ້ວ ໃນເຊົ້າຂອງວັນທີ 27 ກໍລະກົດ 2018. ເຊິ່ງ ເຈນນີ່ ກໍ່ຍັງໄດ້ໂພສຂອບໃຈຕໍ່ທີມງານ ແລະ ພໍ່ແມ່ພີ່ນ້ອງທີ່ມີນໍ້າໃຈເຂົ້າມາຮ່ວມບໍລິຈາກດັ່ງນີ້: ຄົນລາວເຮົາເຖິງຍາມສຸກກໍ່ສຸກດ້ວຍກັນ ຮອດຍາມທຸກກໍ່ຕ້ອງຊ່ວຍເຫຼືອກັນ ຊ່ວຍກັນຄົນລະໄມ້ລະມື ເຮົາຈະຜ່ານໄພພິບັດຮ້າຍແຮງເທື່ອນີ້ໄປພ້ອມໆກັນ #prayforattapue #prayforlaos ຮູບພາບຈາກ: Tonkham Phonchanheuang . Saykeo Make

ໂຕ່ໂນ່ ພາຄິນ ນັກຮ້ອງ-ນັກສະແດງຊື່ດັງຈາກປະເທດເພື່ອນບ້ານ ກຽມລົງພື້ນທີ່ ພ້ອມທີມງານ ເພື່ອເຂົ້າຊ່ວຍເຫຼືອ ພໍ່ແມ່ພີ່ນ້ອງຊາວອັດຕະປືທີ່ປະສົບໄພນໍ້າຖ້ວມ ແລະ ຈະເດີນທາງລົງພື້ນທີ່ໃນວັນທີ 28 ກໍລະກົດ 2018 ນີ້, ເຊິ່ງ ໂຕ່ໂນ່ ໄດ້ໂພສຜ່ານ ອິນສະຕາແກຣມ ເພື່ອຂໍຮັບບໍລິຈາກເຄື່ອງຂອງດັ່ງນີ້ ເສື້ອຜ້າ ເຄື່ອງນຸ່ງຫົ່ມ, ຜ້າອານາໄມ-ແພມເພີດເດັກ, ຜ້າຫໍ່ສົບ, ນໍ້າດື່ມ ອາຫານແຫ້ງ ແລະ ໃນເທື່ອນີ້ແມ່ນບໍ່ຮັບເງິນສົດ ຮັບພຽງສິ່ງຂອງເທົ່ານັ້ນ. กลับกทม.ด่วน!!!!! เพื่อ บ้านพี่เมืองน้องของเรานะครับ ?? ผมกับทีมจะลงพื้นที่ช่วยผู้ประสบภัยในวันที่28นี้นะครับ เรามีเวลาเตรียมตัวแค่2วัน มันเป็นเรื่องเร่งด่วน สิ่งที่เราต้องการ คือ 1.เสื้อผ้า เครื่องนุ่งห่ม 2.ผ้าอนามัย + แพมเพิทเด็ก 3.ผ้าห่อศพ 4.น้ำดื่ม อาหารแห้ง นำสิ่งของมาบริจาคได้ตั้งแต่วันนี้นะครับ ที่จุดรับบริจาค”ห้างยงสงวน จ.อุบลราชธานี” ขอบคุณมากนะครับทุกคน #สปปลาว #เขื่อนแตก #laos ???? #ครั้งนี้ขอไม่รับเงินบริจาคนะครับ …

ຍາມທຸກແບບນີ້ເຮົາຕ້ອງຊ່ວຍກັນຄົນລະໄມ້ລະມື ຫຼ້າສຸດ ແອບເປີ້ນ ສີສະຫງຽນ ແລະ ຟຣຸກ ຈິຣະ ໄດ້ລະດົມທຶນເພື່ອຊ່ວຍເຫຼືອ ພໍ່ແມ່ພີ່ນ້ອງຊາວ ອັດຕະປື ຜ່ານການໄລ້ສົດ ລະດົມທຶນຈາກທັງສອງຝັ່ງ ລາວ ແລະ ໄທ ປັດຈຸບັນນີ້ ທະລຸຫຼາຍຮ້ອຍລ້ານ ແລະ ເງິນສ່ວນທຳອິດ 100 ລ້ານກີບແມ່ນນຳໄປຊື້ເຄື່ອງໃຊ້ທີ່ຈຳເປັນເຊັ່ນ: ໄຟສາຍ ຜ້າອານາໄມ ໂສ້ງ ຍາໄຕ້ຍຸງ ເກີບ ມຸ້ງ ສິ້ນແຕ້ມ ແລະ ອີກຈຳນວນຫຼວງຫຼາຍ ເຊິ່ງເຄື່ອງແລະເງິນຈະນຳໄປມອບໃຫ້ຜູ້ປະສົບໄພໃນມື້ອື່ນ. ປັດຈຸບັນຍອດບໍລິຈາກຂອງ ແອບເປີ້ນ ແລະ ຟຣຸກ ກໍ່ຍັງຈະມີຍອດເພີ່ມຂຶ້ນເລື້ອຍໆ… (ສາທຸ ສາທຸ)  ຢ່າງໃດກໍ່ຂໍເປັນກຳລັງໃຈໃຫ້ພໍ່ແມ່ພີ່ນ້ອງທີ່ກຳລັງປະສົບກັບເຫດ ໄພພິບັດສຸກເສີນລະດັບຊາດໃນຄັ້ງນີ້ດ້ວຍ ເຮົາຈະຜ່ານວິກິດນີ້ໄປພ້ອມໆກັນ  #PrayforAttapue ?????? ຂໍພາວະນາໃຫ້ທຸກຄົນປອດໄພ)  

ຮັບຮູ້ກັນໄປທົ່ວໂລກແລ້ວ ເນື່ອງຈາກເຫດເຄື່ອນແຕກ ທີ່ ມ.ສະໝາມໄຊ ແຂວງ ອັດຕະປື ໃນວັນທີ 24 ກໍລະກົດ 2018 ເຮັດໃຫ້ປະຊາຊົນຄົນໃນພື້ນທີ່ໄດ້ຮັບຜົນກະທົບຈາກໄພພິບັດໃນເທື່ອນີ້ຫຼາຍພັນຄົນ, ຫຼ້າສຸດ ກ້ອງ ຫ້ວຍໄລ່ ແລະ ເບີ້ນ ປະທຸມລາດ ນັກຮ້ອງດັງຈາກປະເທດເພື່ອນບ້ານ ກໍ່ໄດ້ອອກມາໂພສຜ່ານເຟສບຸກສ່ວນຕົວເພື່ອຕ້ອງການຮ່ວມຊ່ວຍເຫຼືອຜູ້ປະສົບໄພໃນເທື່ອນີ້… ເຊິ່ງ ເບີ້ນ ປະທຸມລາດ ແລະ ກ້ອງ ຫ້ວຍໄລ່ ຈະໄລ້ສົດຮ້ອງເພງຄູ່ກັນເພື່ອຮັບບໍລິຈາກ ຕາມສັດທາຈາກແຟນເພງ ເພື່ອຊ່ວຍພີ່ນ້ອງຊາວລາວທີ່ຖືກປະສົບໄພ ແລະ ເບີ້ນ ຍັງໄດ້ກ່າວອີກວ່າ ໃຈແທ້ຢາກເຮັດຄອນເສີດ ແຕ່ຄົງຈະຫຼ້າຊ້າໃນການກະກຽມງານ (ໃນວິກິດທີ່ເກີດຂຶ້ນໃນເທື່ອນີ້ ຈະຊ່ວຍໃຫ້ເຕັມທີ່ ແລະ ຊ່ວຍຢ່າງມີຄຸນນະທຳທີ່ສຸດ) ນັບວ່າເປັນນໍ້າໃຈອັນປະເສີດ ລະຫວ່າງ ປະເທດບ້ານໃກ້ເຮືອນຄຽງ (ລາວ-ໄທ) ທີ່ມີນໍ້າໃຈໃນຍາມທີ່ອີກຝ່າຍກຳລັງຕົກທຸກໄດ້ຍາກ. (ຢ່າງໃດກໍ່ຂໍເປັນກຳລັງໃຈໃຫ້ພໍ່ແມ່ພີ່ນ້ອງທີ່ກຳລັງປະສົບກັບເຫດ ໄພພິບັດສຸກເສີນລະດັບຊາດໃນຄັ້ງນີ້ດ້ວຍ ເຮົາຈະຜ່ານວິກິດນີ້ໄປພ້ອມໆກັນ  #PrayforAttapue ??????)

ດັ່ງທີ່ທຸກໆຄົນໄດ້ຮູ້ກັນແລ້ວວ່າ ໄດ້ເກີດໄພພິບັດສຸກເສີນລະດັບຊາດ ເນື່ອງຈາກເຫດເຄື່ອນແຕກ ທີ່ ມ.ສະໝາມໄຊ ແຂວງ ອັດຕະປື ໃນວັນທີ 24 ກໍລະກົດ 2018 ເຮັດໃຫ້ປະຊາຊົນຄົນໃນພື້ນທີ່ໄດ້ຮັບຜົນກະທົບຈາກໄພພິບັດໃນເທື່ອນີ້ຫຼາຍພັນຄົນ , ດັ່ງນັ້ນຄົນລາວເຮົາຈຶ່ງລວມເປັນຈິດໜຶ່ງໃຈດຽວກັນເພື່ອຊ່ວຍເຫຼືອຜູ້ປະສົບໄພໃຫ້ໄວທີ່ສຸດ ໜຶ່ງໃນນັ້ນ ອາທິສັກ ຣັຕະນະວົງ ຫຼື ອ້າຍ ສັກ ແຫ່ງວົງ (Cells) ກໍ່ບໍ່ນິ່ງນອນໃຈ ອອກມາໂພສປະກາດຂໍເອົາໂຕເຂົ້າແລກ ໂດຍການສະເໜີໃຫ້ ຈອງໂຊວ໌ ສັກ ເຊວສ໌ ແບບເຕັມວົງ ໃນລາຄາ 1 ຊົ່ວໂມງ ລາຄາ 5,000,000 ກີບ ຈາກປົກກະຕິ 8,000,000 ຈຳນວນ 3 ງານ. ໃຜສົນໃຈກະລຸນາຕິດຕໍ່ຫາ ອ້າຍ ສັກ ເພິ່ນໄດ້ເລີຍເດີ້ ເງິນທຸກກີບທີ່ໄດ້ຈາກຄ່າໂຕຂອງເພິ່ນ ຈະມອບເພື່ອຊ່ວຍເຫຼືອຜູ້ປະສົບໄພໃນເທື່ອນີ້. ນໍ້າໃຈຄົນລາວບໍ່ເຄີຍຖິ້ມກັນ ເຮົາຕ້ອງຮ່ວມເປັນຈິດໜຶ່ງໃຈດຽວກັນ ເພື່ອຜ່ານໄພພິບັດສຸກເສີນລະດັບຊາດເທື່ອນີ້ໄປໃຫ້ໄດ້ #PrayforAttapue ?????? ທີ່ມາ: fb/Sack Cells Intha …