ຂ່າວພາຍໃນ

ສຳລັບໃຜ ສົນໃຈຢາກເຂົ້າຮ່ວມການເຝິກອົບຮົມໄລຍະສັ້ນ ເປັນເວລາປະມານ 2 ອາທິດ ໃນຫຼາຍຫົວຂໍ້ ທີ່ນະຄອນຫຼວງກົວລາລໍາເປີ ປະເທດມາເລເຊຍ ສາມາດສະມັກ ໄດ້ທາງນີ້ (Free ທຸກຢ່າງ): ມີຫຼາກຫຼາຍຫົວຂໍ້ ບໍ່ວ່າ ຈະເປັນ: ການເຝິກອົບຮົມ ດ້ານພາສາອັງກິດ, ສິງແວດລ້ອມ, ພົວພັນຕ່າງປະເທດ, ການທ່ອງທ່ຽວ, ການສື່ສານ, ໄພພິບັດ, ການພັດທະນາຊັບພະຍາກອນມະນຸດ, ອຸດສາຫະກໍາ, ການວາງແຜນການກໍ່ສ້າງ ແລະ ອື່ນໆ. ສະໝັກ ແລະ ຮູ້ລາຍລະອຽດໄດ້ທີ່: https://mtcpcoms.kln.gov.my/mtcpcoms/online/list_course ວັນປິດຮັບສະມັກແຕກຕ່າງກັນໄປ ຕາມແຕ່ລະຫົວຂໍ້ ແຫຼງທີ່ມາ: ຂ່າວສານປະເທດລາວ.

ໃນ​ວັນ​ທີ 3 ​ເມສາ 2017 ນີ້ ​ທີ່​ສະຖານທູດ​ ສະຫະພັນລັດ​ເຊຍ ປະ​ຈໍາ​ລາວ.  ຜູ້ຕາງ​ໜ້າລັດຖະບານ ສະຫະພັນລັດ​ເຊ​ຍ​ ທ່ານ ມີ​ຄາ​ອິນ ບາ​ຣານ​ນອ​ບ (Mikhail BARANOV) ​ເອກ​ອັກຄະ​ລັ​ດຖະທູດ​ວິສາມັນ​ ຜູ້​ມີ​ອໍານາດ​ເຕັມ​ແຫ່ງ ສະຫະພັນລັດ​ເຊຍ ປະ​ຈໍາ ສປປ ລາວ ​ໄດ້ປະດັບ​ຫຼູຽນ​ໄຊ​ມິດຕະພາບໃຫ້ ​ທ່ານ ນາງ​ ປານີ ຢາ​ທໍ່​ຕູ້ ປະທານ​ສະພາ​ແຫ່ງ​ຊາດ ແຫ່ງ ສປປ ລາວ. ​ເພື່ອເປັນ​ການປະກອບສ່ວນທີ່ສຳຄັນ​ເຂົ້າ​ ໃນ​ການພັດທະນາ​ເສີມ​ສ້າງ ສາ​ຍພົວພັນ​ມິດຕະພາບ ແລະ ການ​ຮ່ວມ​ມື ທີ່​ເປັນ​ມູນ​ເຊື້ອ​ ຂອງ​ປະຊາຊົນສອງ​ປະ​ເທດ ກໍ​ຄື ສອງ​ສະພາ​ແຫ່ງ​ຊາດ ລາວ-ລັດ​ເຊຍ ​ໃຫ້​ມີ​ບາດກ້າວ​ສູງ​ຍິ່ງໆ​ຂຶ້ນ. ແຫຼງທີມາ: ຂປລ. ຂ່າວ: ຂັນ​ໄຊ, ພາບ: ສະຫວາດ

  ໝຸ່ມລາວເຂົ້າໄປເຮັດວຽກທີ່ ຈັງຫວັດ ຊົນບຸລີ (ປະເທດໄທ) ກາຍເປັນເສດຖີໃໝ່ ເພາະດວງເຮັງຖືກເລກລາງວັນທີ 1 ໄດ້ຮັບເງິນມູນຄ່າ 6 ລ້ານບາດ ແລະ ກຽມພາເມຍກັບປະເທດລາວ ເພື່ອເຮັດອາຊີບກະເສດ ແລະ ໃຊ້ຊີວິດຢ່າງພໍພຽງທີ່ບ້ານເກີດ ວັນທີ 2 ເມສາ 2017 ຜູ້ສື່ຂ່າວຂອງປະເທດໄທລາຍງານວ່າ ຢູ່ທີ່ສະຖານນີຕຳຫຼວດພູທອນ ເມືອງ ຊົນບຸລີ ທ້າວ ບຸນທະວີ ຂຸ່ນວັນທອງ ອາຍຸ 41 ປີ ປະຊາຊົນເມືອງ ປາກເຊ ແຂວງ ຈຳປາສັກ ເຊິ່ງເດີນທາງໄປເຮັດວຽກຢູ່ທີ່ໂຮງງານຮັບອັດດອກຍາງລົດແຫ່ງໜຶ່ງ ມາດົນເກືອບ 10 ປີ, ໄດ້ເດີນທາງມາພ້ອມກັບໝູ່ ພ້ອມນຳພັດສະປອດ ແລະ ບິນເລກ ງວດປະຈຳວັນທີ 1 ເມສາ 2017 ເພາະຕົນເອງໄດ້ຖືກເລກລາງວັນທີ 1 ຈຳນວນ 1 …

ເນື່ອງໃນໂອກາດ ປີໃຫມ່ລາວ 2017 ໂຮງຫມໍສະໂຫສົດ ຮ່ວມກັບ ສະມາຄົມມະເຮັງເຕົ້ານົມລາວ (ABCD) ຂໍມອບຂອງຂວັນໃຫ້ແມ່ຍິງລາວ ທຸກຄົນທີ່ຕ້ອງການ ກວດຫາມະເຮັງເຕົານົມຂັ້ນເລີ່ມຕົນ. ສຳລັບ ແມ່ຍິງທີ່ອາຍຸ 45 ປີ ແມ່ນບໍ່ເສຍຄ່າໃຊ້ຈ່າຍ ສະຖານທີ່ຢູ່ຫ້ອງປະຊຸມໃຫຍ່ ໂຮງຫມໍສະໂຫສົດ ເວລາ 9:00-15:00 ໂມງ ໃນວັນທີ 13 ເມສາ 2017 ທີ່ຈະມາເຖິງນີ້. ສາມາດຕິດຕໍ່ລົງທະບຽນໄດ້ທີເບີ Whatapp ຫຼື Line 020 77110244, 020 29816209, 020 55618978 ຫຼື ສົ່ງອີເມວ [email protected]

ໃນວັນທີ 1 ເມສາ 2017 ທີ່ຜ່ານມາ, ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ໄດ້ຈັດໃຫ້ມີ ພິທີມອບ-ຮັບລາງວັນ ລະດັບປະເທດຈາກ ໂຄງການປະກວດແຕ້ມຮູບໃນຫົວຂໍ້ “ລົດໂຕໂຍຕ້າ ໃນຝັນຂອງຂ້ອຍ” ປະຈໍາປີ 2017 ຂຶ້ນ ເພື່ອເປັນການສົ່ງເສີມການສຶກສາໃຫ້ກັບເຍົາວະຊົນລາວ ໂດຍການເຂົ້າຮ່ວມເປັນປະທານຂອງ ທ່ານ ຮອງສາດສະດາຈານ ປະລິນຍາເອກ ຄຳຜ່າຍ ສີສະຫວັນ ຮອງລັດທະມົນຕີ ກະຊວງສຶກສາທິການ ແລະ ກິລາ,  ທ່ານ ປະກອນ ວົງວິທະຍາພິຣົມ ປະທານ ຝ່າຍປະຕິບັດການ ສາຍງານຍ່ອຍ ເຂດພູມມິພາກແມ່ນໍ້າຂອງ ບໍລິສັດ ໂຕໂຍຕ້າ ມໍເຕີ້ ປະເທດໄທ ຈຳກັດ ພ້ອມດ້ວຍຕົວແທນຈຳໜ່າຍໂຕໂຍຕ້າຢ່າງເປັນທາງການ ໃນ ສປປ ລາວ, ຄະນະກຳມະການຜູ້ຊົງຄຸນນະວຸດທິ, ພາກສ່ວນທີ່ກ່ຽວຂອງເຂົ້າຮ່ວມ ແລະ ສື່ມວນຊົນເປັນຈຳນວນຫຼວງຫຼາຍ. …