ໄວໜຸ່ມ

  ຖ້າເພື່ອນໆ ຂວັນໃຈ ຈະຊອກຮ້ານອາຫານນັ່ງຫຼິ້ນນັ່ງຊຸມແຊວ ຫຼື ຕ້ອນຮັບໝູ່ເພື່ອນ ທີ່ມາຈາກຕ່າງແຂວງ ຫຼື ຕ່າງປະເທດ Kuanjai Delicious Guide ຂໍແນະນໍາເລີຍ! “ຮ້ານອາຫານຕໍາມິກ” ຮັບຮອງວ່າ ຕ້ອງເປັນອີກທາງເລືອກໜຶ່ງທີ່ຖືກໃຈສາຍຊຸມແຊວແນ່ນອນ ເພາະນອກຈາກເມນູອາຫານເດັດໆແລ້ວ ຮ້ານນີ້ມີວົງດົນຕີເສບສົດໆໃຫ້ໄດ້ຟັງຕະຫຼອດຄືນ ຕັ້ງແຕ່ເວລາ 20:30 ຈົນຮອດ 24:00 ໂມງ. ເໝາະກັບໄວລຸ້ນຂາເລາະ ຫຼື ພະນັກງານທີ່ເມື່ອຍກັບວຽກຫ້ອງການໝົດມື້ແລ້ວ ຢາກນັ່ງຟັງເພງເພື່ອຜ່ອນຄາຍຄວາມຕຶງຄຽດ ຈິບເບຍເຢັນໆ ພ້ອມເມນູຕຳທີ່ຫຼາກຫຼາຍໄວ້ພ້ອມເສີບ ການຕົບແຕ່ງຂອງຮ້ານ ຕໍາມິກ ຈະບໍ່ເນັ້ນມີ Style ແບບໃດແບບໜຶ່ງ ແຕ່ເນັ້ນເອົາໄມ້ພາເລດ (Pallet) ມາຕົບແຕ່ງເປັນໂຕະ, ຕັ່ງ, ເວທີ ແລະ ເຄົາເຕີ້ (Counter) ໃຫ້ເປັນແບບແນວຢ້ອນຍຸກເກົ່າໆ ເບິ່ງແລ້ວຮູ້ສຶກເປັນກັນເອງ ສາວຫຼ້ານ້ອຍເຈົ້າຂອງຮ້ານເພິ່ນກໍໄດ້ເລົ່າໃຫ້ຟັງວ່າ: ກ່ອນຈະຕົບແຕ່ງຮ້ານ ກໍໄດ້ລົມກັນກັບສາມີ ແລະໝູ່ຄູ່ ແຕ່ລະຄົນກໍລະດົມຄວາມຄິດ ຈາກປະສົບການທີ່ໄດ້ໄປເຫັນຮ້ານອື່ນໆ …

ຕ້າ ເອແພັກສ໌ ສິລະປິນນັກຮ້ອງຊື່ດັງ ໄດ້ຮ່ວມເຊັນສັນຍາເປັນ Official Supporter ຫຼື Presenter ໃຫ້ກັບ ອົງການ JICA (Japan International Cooperation Agency) ປະຈຳ ສ.ປ.ປ.ລາວ , ເຊິ່ງຈະໄດ້ເຮັດໜ້າທີ່ເປັນຕົວແທນເຜີຍແຜ່ວຽກງານຂອງອົງການ JICA ປະຈຳປະເທດລາວເປັນໄລຍະເວລາ 1 ປີເຕັມ ທັງເປັນສິລະປິນລາວຄົນທຳອິດ ທີ່ໄດ້ຮັບໜ້າທີ່ອັນຊົງກຽດນີ້. ນອກຈາກນັ້ນ ຕ້າ ເອແພັກສ໌ ຍັງໄດ້ແຕ່ງເພງໃຫ້ກັບອົງການ JICA ປະຈຳປະເທດລາວນຳດ້ວຍ ເຊິ່ງເພງດັ່ງກ່າວມີຊື່ວ່າ “ຫົວໃຈດຽວກັນ Love is all around” ທີ່ໄດ້ແຕ່ງ ເນື້ອຮ້ອງ ແລະ ທຳນອງ ເອງ, ແລະພິເສດໄປກວ່ານັ້ນ ເພງດັ່ງກ່າວ ເປັນເພງສອງພາສາ ລາວ ແລະ ຍີ່ປຸ່ນ ເຊິ່ງໜຸ່ມຕ້າ ເອແພັກສ໌ …

ຮູ້ຜົນກັນໄປແບບສົດໆຮ້ອນໆ ສຳລັບການປະກວດ “100 Mr & Ms SUPER MODEL” ຮອບຊິງຊະນະເລີດ ໃນວັນອາທິດ ວັນທີ 14 ມັງກອນ 2018 ທີ່ຜ່ານມາທີ່ ວຽງຈັນເຊັນເຕີ ເຊິ່ງມີ ນາຍແບບ ນາງແບບ ໜ້າໃໝ່ເຂົ້າປະກວດກັນເຖິງ 100 ຄົນ ແລະ ສຳລັບລາງງວັນໜຸ່ມທີ່ຊະນະເລີດກໍແມ່ນ ດວງສິວິໄລ ພິມມະສອນ (ເປ່ເລ້) ອາຍຸ 23 ປີ ໝຸ່ມສຸດເຈົ້າຊູ້ ຜູ້ມີບຸກຂະລິກດີ ອະດີດນັກກິລາທີມຊາດ ປະເພດ ເທຂວັນໂດ້ ໄດ້ຮັບຕຳແໜ່ງ ແລະ ເງິນລາງວັນໄປເຖິງ 3 ລ້ານກີບ (ຂໍສະແດງຄວາມຍິນດີນຳຫຼາຍໆເດີ້) ສໍາລັບ ເປ່ເລ້ ດວງສີວິໄລ ຂໍຮັບປະກັນວ່າບໍ່ໄດ້ມີດີແຕ່ໜ້າຕາ ເພາະເປັນເຖິງອະດີດນັກກິລາເທຄວັນໂດ້ ທີມຊາດລາວ ກວາດລາງວັນໃນລະດັບສາກົນມາແລ້ວຫຼາຍລາງວັນ ບໍ່ວ່າຈະເປັນ ຫຼຽນເງິນ, ຫຼຽນຄໍາ, …

ເຫດຜົນໃນການຄອງໂສດຂອງແມ່ຍິງແຕ່ລະຄົນ ອາດຈະແຕກຕ່າງກັນໄປ ບາງຄົນເລືອກທີ່ຈະໂສດ ບາງຄົນບໍ່ໄດ້ເລືອກແຕ່ມັນຈຳເປັນຕ້ອງໂສດ ບາງຄົນໂສດຍ້ອນເລື່ອງລາວໃນອາດີດ ໄດ້ສອນບົດຮຽນບາງຢ່າງ ສຳລັບສາວ ບິບີ່ ວິລິນທອນ ສັກລໍຄໍາ ອາຍຸ 35 ປີ ອາຊີບ ພະນັກງານອົງການສາກົນ ແລະ ຍັງເປັນນັກຮ້ອງນໍາ ວົງ Afternoon-Blossom ສາວຫວານ ໜ້າຮັກ ສຽງໃສໆ  ນາງບອກວ່າໂສດຍ້ອນ “ບໍ່ໄວ້ໃຈສະຖາບັນການແຕ່ງງານ” ປະສົບການຄວາມຮັກ ເຮັດໃຫ້ເຮົາລະມັດລະວັງຫຼາຍຂຶ້ນ ບິບີ່ເປີດໃຈວ່າ ຕອນເຮົາຍັງນ້ອຍອາດເລືອກຜູ້ຊາຍ ຫຼືແຟນຈາກລັກສະນະພາຍນອກ ເຊັ່ນ: ຄວາມເທ່ ຄວາມຫຼໍ່ ບຸກຄະລິກທ່າທາງທີ່ດຶງດູດໃຈເຮົາ ແຕ່ເມື່ອເປັນຜູ້ໃຫຍ່ຂຶ້ນ ຄວາມຄິດເຮົາກໍປ່ຽນໄປ ການເລືອກໃຜຜູ້ໜຶ່ງມາເປັນຄູ່ ສິ່ງສຳຄັນຄື ຕ້ອງຢູ່ນຳແລ້ວສະບາຍໃຈ ການເຂົ້າກັນໄດ້ດີ ບໍ່ຈຳເປັນວ່າຈະຮັ່ງມີ ໜ້າຕາດີ ຫຼືບຸກຄະລິກດີກໍໄດ້ ອີກຢ່າງ ປະສົບການຄວາມຮັກຜ່ານມາຂອງບິບີ່ ບັນຫາຮ້າຍແຮງຂອງຄວາມສຳພັນ ມາຈາກຄວາມບໍ່ຊື່ສັດ ຝ່າຍຊາຍລົມຫຼາຍຄົນ ລັກສະນະການໃຊ້ຊີວິດ ແນວຄິດ ການເບິ່ງໂລກ ແຕກຕ່າງກັນ …

ຫຼັງຈາກທີ່ ກາລະແມ ພິທີກອນຊື່ດັງຈາກປະເທດເພື່ອນບ້ານ ໄດ້ມີໂອກາດມາທ່ອງທ່ຽວ ແຂວງ ຫຼວງພະບາງ ໃນຊ່ວງອາທິດທີ່ຜ່ານມາ ນາງກໍໄດ້ມີໂອກາດທ່ອງທ່ຽວ, ຂີ່ເຮືອລ່ອງແມ່ນໍ້າ, ໃສ່ບາດເຮັດບຸນ, ແລ່ນອອກກຳລັງກາຍຮັບອາກາດບໍລິສຸດໃນຍາມເຊົ້າ, ໄປທ່ຽວຕາດກວາງຊີ ແລະ ທີ່ສຳຄັນແມ່ນເພິ່ນໄດ້ມີໂອກາດກິນອາຫານພື້ນເມືອງລາວບໍ່ວ່າຈະເປັນ ເຝີ, ເຂົ້າຫຼາມ, ແກງໜໍ່ໄມ້ສົ້ມ, ລາບປາຕອງ ແລະ ຕຳໝາກຫຸ່ງ… ກາລະແມ ເຖິງຂັ້ນອອກປາກຍ້ອງອາຫານບ້ານເຮົາວ່າ: “ມື້ນີ້ແຊບຫຼາຍເດີ້!!! ນ້ອງໆລ້ຽງອາຫານພວກເຮົາ ຕຳໝາກຫຸ່ງແຊບຫຼາຍ!!! ລາບປາຕອງແຊບນົວ!!! #ຫຼວງພະບາງ” ແລະ ຍັງບໍ່ໝົດພຽງເທົ່ານັ້ນ ກາລະແມ ຍັງຕິດໃຈໃນຣົດຊາດຂອງ ຕຳໝາກຫຸ່ງ ຈຶ່ງໄດ້ມີໂອກາດໄປກິນອີກຮອບ ແລະ ຍັງໄດ້ໂພສຄລິບ ຕຳໝາກຫຸ່ງ ລົງໃນອິນສະຕາແກຼມແລະຂຽນຄຳອະທິບາຍວ່າ “ແຊບບບບຫຼາຍ!!! No ແປ້ງນົວ” ພໍແຕ່ໂພສຄລິບຕຳໝາກຫຸ່ງຈາກຫຼວງພະບາງລົງໄປເຮັດໃຫ້ມີໝູ່ເພື່ອນໃນວົງການ ແລະ ແຟນໆຂອງ ສາວ ກາລະແມ ເຂົ້າມາຄອມເມັ້ນກັນຢ່າງຫຼວງຫຼາຍເລີຍ. แซบมากกกกกกกกกก เชื่อพี่!! No แป้งนัว!! …