News

ສະແດງຄວາມຍິນດີນໍາ! ຄູ່ຮັກດາລາ ຄຣິສຕີນ່າ-ວິນລີ່ ຄວ້າລາງວັນ Asian International Super Model Contest 2019 ທີ່ມາເກົ໊າ. ຖືວ່າເປັນຄູ່ຮັກດາລາ ລະດັບແຖວໜ້າຂອງລາວທີ່ເໝາະສົມກັນທັງຄວາມສາມາດ, ຄວາມຫຼໍ່-ຄວາມງາມອີ່ຫຼີສໍາລັບຄູ່ຂອງ ໜຸ່ມ ວິນລີ່ ແລະ ສາວ ຄຣິສຕີນ່າ ແຖມຍັງເປັນຄູ່ຮັກທີ່ຫຼາຍໆຄົນກໍາລັງອິດສາຕາຮ້ອນຢູ່ໃນໄລຍະນີ້ ເພາະມີຮູບໂຊຄວາມຫວານອອກມາໃຫ້ແຟນຄຣັບໄດ້ຟີນກັນເປັນໄລຍະໄລຍະ ຈົນຫຼາຍຄົນລຸ້ນວ່າມື້ໃດຈະມີຂ່າວດີຈັກເທື່ອ… ແຕ່ກ່ອນທີ່ຈະມີຂ່າວດີຄື ການເຂົ້າສູ່ປະຕູວິວານັ້ນ ທັງສອງກໍໄດ້ມີຂ່າວດີກ່ອນນັ້ນມາໃຫ້ຄົນລາວ ແລະ ວົງການບັນເທີງລາວກ້າວຂຶ້ນໄປອີກຂຶ້ນຄື ທັງສອງໄດ້ໄປຄວ້າລາງວັນຈາກການເດີນແບບໃນງານ Silk Road International Fashion Week 2019 ທີ່ຈັດຂຶ້ນຢູ່ທີ່ປະເທດ ມາເກົ໊າ ໃນທ້າຍອາທິດທີ່ຜ່ານມານີ້ເອງ… ເຊິ່ງດ້ານຂອງ ສາວ ຄຣິສຕີນ່າ ແມ່ນໄດ້ຮັບລາງວັນ Excellent Model ຫຼື ລາງວັນນາງແບບດີເດັ່ນ ສ່ວນດ້ານ ໜຸ່ມວິນລີ່ ແຟນໜຸ່ມຂອງນາງກໍບໍ່ໄດ້ນ້ອຍໜ້າ ສາມາດຍາດລາງວັນ ນາຍແບບອັນດັບຕົ້ນໆຂອງ Asian …

ຊົມເຊີຍ!!! ASEAN ໃຫ້ຄວາມສໍາຄັນ ຍົກລະດັບ ສົ່ງເສີມປົກ​ປ້ອງ​ສິດທິເດັກນ້ອຍຜູ້​ດ້ອຍ​ໂອກາດ… ກອງ​ປະຊຸມ​ປຶກສາ​ຫາລື ລະຫວ່າງ ລັດຖະບານ ​ແລະ ​ອົງການຈັດ​ຕັ້ງ​ບໍ່​ສັງກັດ​ລັດຖະບານ ໃນ​ວຽກ​ງານ​ສະ​ຫວັດ​ດີ​ການ​ສັງ​ຄົມ ແລະ ການ​ພັດ​ທະ​ນາ ອາ​ຊຽນ ຄັ້ງ​ທີ 14 (14th ASEAN GO-NGO) ພາຍ​ໃຕ້​ຫົວ​ຂໍ້​ສ້າງ​ຄວາມ​ເຂັ້ມ​ແຂງ​ວຽກ​ງານ​ປົກ​ປ້ອງ​ທາງ​ສັງຄົມ​ສຳ​ລັບ​ເດັກ​ດ້ອຍ​​ໂອກາດ​ໃນ​ອາ​ຊຽນ ຈັດ​ຂຶ້ນ​ໃນ​ວັນ​ທີ 18 ພະຈິກ 2019, ​ເປັນ​ປະທານ​ຮ່ວມ​ຂອງ​ທ່ານ ວົງ​ຄຳ ພັນທາ​ນຸວົງ ຮອງ​ຫົວໜ້າ​ກົມ​ສັງຄົມ​ສົງ​ເຄາະ, ກະຊວງ​ແຮງ​ງານ ​ແລະ​ສະຫວັດດີ​ການ​ສັງຄົມ ທັງ​ເປັນຕາ​ງໜ້າ​ເຈົ້າໜ້າທີ່ອາວຸ​ໂສ​ຝ່າຍ​ລາວ ​ແລະ​ທ່ານ​ນາງ ນິນ​ປະ​ເສີດ ​ໄຊ​ຍະ​ພອນ​ສີ ຫົວໜ້າ​ກົມ​ພັດທະນາ​ແມ່ຍິງ​ລາວ ສູນ​ກາງສະຫະພັນ​ແມ່ຍິງ​ລາວ ຕາງໜ້າ​ອົງ​ການຈັດຕັ້ງ​ທີ່​ບໍ່​ສັງກັດ​ລັດຖະບານ, ພ້ອມ​ດ້ວຍ​ບັນດາ​ຜູ້ຕາງໜ້າ​ຈາກ​ພາກລັດ ​ແລະ​ອົງການ​ຈັດ​ຕັ້ງ​ທີ່​ບໍ່​ສັງກັດ​ລັດຖະບານ​ເຂົ້າຮ່ວມ. ທ່ານ ວົງ​ຄຳ ພັນ​ທາ​ນຸວົງ ກ່າວ​ວ່າ: ​ເພື່ອ​ເປັນ​ການ​ກະກຽມ​ເນື້ອ​ໃນ​ສະ​ເໜີ​ຕໍ່​ກອງ​ປະຊຸມ​ເຈົ້າໜ້າ​ທີ່​ອາວຸ​ໂສສ້າງ​ຄວາມ​ເຂັ້ມ​ແຂງ​ວຽກ​ງານ​ປົກ​ປ້ອງ​ທາງ​ສັງຄົມ​ສຳ​ລັບ​ເດັກ​ດ້ອຍ​​ໂອກາດ​ໃນ​ອາ​ຊຽນ ກໍ​ຄື ​ກອງ​ປະ​ຊຸມ​ລັດ ຖະມົນຕີ​ສະຫວັດດີ​ການ​ສັງຄົມ ​ແລະ​ການ​ພັດທະນາ​ອາ​ຊຽນ ຄັ້ງ​ທີ 10 …

ແມ່ຍິງລາວເກັ່ງບໍ່ແພ້ຊາດໃດໃນໂລກ!!! ຊົມເຊີຍສາວນ້ອຍຄົນເກັ່ງ ນ້ອງປານີພອນ ຕົວແທນເດັກນ້ອຍຈາກທົ່ວໂລກ ໃນກອງປະຊຸມລະດັບໂລກ ທີ່ນິວຢອກ… ເຫັນພາບແລ້ວພາກພູມໃຈຫຼາຍ ສໍາລັບ  ພາບຂອງສາວນ້ອຍ ນ້ອງ ປານີພອນ ວົງມາລາ ອາຍຸ 15 ປີ ນັກຮຽນຈາກ ໂຮງຮຽນ ມັດທະຍົມສົມບູນ ວຽງຈັນ ເປັນຕົວແທນເດັກນ້ອຍ ຈາກ ສປປ ລາວ ແລະ ເປັນຕົວແທນເດັກນ້ອຍຈາກທົ່ວໂລກ ຂຶ້ນນຳສະເໜີກ່ຽວກັບ ການສຶກສາ-ສິ່ງແວດລ້ອມ ແລະ ເປັນຜູ້ນຳທີມ ໃນການນຳສະເໜີ ໃນກອງປະຊຸມຂັ້ນສູງ Lao Generation 2030 ໃນກອງປະຊຸມໃຫຍ່ ໃນວັນເດັກໂລກ ທີ່ສຳນັກງານໃຫຍ່ອົງການສະຫະປະຊາຊາດທີ່ນິວຢອກ ສະຫະລັດອາເມລິກາ ໃນວັນທີ 20 ພະຈິກ ທີ່ຜ່ານມາ. ໂດຍ ນາງ ປານີພອນ ກ່າວວ່າ: ກ່ອນທີ່ຈະໄປເຂົ້າຮ່ວມກອງປະຊຸມຄັ້ງສຳຄັນນີ້ ຕ້ອງກຽມຕົວສົມຄວນທັງໃນເລື່ອງຂໍ້ມູນ, ຄວາມຮູ້ ແລະ …

ໃນຄໍ່າຄືນຂອງມື້ວານນີ້ ຢູ່ທີ່ຮ້ານ Hi-Five Restaurant and Bar, ນະຄອນຫຼວງວຽງຈັນ, ບໍລິສັດ Singha Asia ຈຳກັດ ໄດ້ຈັດງານລ້ຽງ Singha Next Gen ສະເຫຼີມສະຫຼອງເປີດໂຕຮູບໂສມໃໝ່ (Packaging)  ຂອງເບຍສິງ ທີ່ມີຄວາມລຽບຫຼູທັນສະໄໝມີລະດັບຍິ່ງຂຶ້ນ ແລະ ກໍເພື່ອຂອບໃຈລູກຄ້າ, ເພື່ອນຮ່ວມງານ ແລະ ຕົວແທນຈຳໜ່າຍໃນປະເທດລາວ. ບັນຍາກາດໃນການສະເຫຼີມສະຫຼອງດຳເນີນໄປດ້ວຍຄວາມອົບອຸ່ນ ແລະ ມ່ວນຊື່ນ ໂດຍ ທ່ານ ເທບ ນີລະນາດພູລີ ຜູ້ຈັດການພະແນກການຂາຍ ແລະ ການຕະຫຼາດ ປະຈຳປະເທດລາວ ໄດ້ເຊີນແຂກຜູ້ມີກຽດ ແລະ ສື່ມວນຊົນຍົກຈອກເພື່ອເປັນການເປີດໂຕຮູບໂສມໃໝ່ຂອງເບຍສິງຢ່າງເປັນທາງການ. ການປ່ຽນຮູບໂສມໃໝ່ຄັ້ງນີ້ ບໍ່ພຽງແຕ່ສ້າງສິ່ງໃໝ່ໃຫ້ກັບເບຍສິງໃນຕະຫຼາດເທົ່ານັ້ນ, ແຕ່ເປັນການບອກໃຫ້ທຸກຄົນຮູ້ວ່າ ການກ້າທີ່ຈະເລີ່ມເຮັດຫຍັງກ່ອນໃຜ ສິ່ງດີໆມັນຈະເກີດຂຶ້ນກັບຄົນນັ້ນສະເໝີ. ພາຍໃນງານໄດ້ມີແຂກຮັບເຊີນພິເສດ ເຊິ່ງເປັນຄົນລຸ້ນໃໝ່ຈາກຫຼາຍໆທຸລະກິດ ທີ່ມີຄວາມກ້າທີ່ຈະເລີ່ມເຮັດສິ່ງໃໝ່ໆເພື່ອຕົວເອງ ເປັນ New Generation ໃນຫຼາຍໆທຸລະກິດ …

ທັງງາມ ແລະ ໃຈບຸນ! ລູກນໍ້າ ທິລາລັດ ກັບສາຍາໃໝ່ “ດາລາໃຈບຸນ” ຫຼັງລະດົມເງິນທຶນສ້າງໂຮງຮຽນໃຫ້ເດັກນ້ອຍເຂດຫ່າງໄກ… ມີຂ່າວຄາວມາໃຫ້ອັບເດດບໍ່ເຄີຍຂາດສໍາລັບ ຊຸບເປີສະຕາລະດັບແຖວໜ້າຂອງລາວ ລູກນໍ້າ ທິດາລັດ ວົງສິລິ ທີ່ປັດຈຸບັນໄດ້ຮັບສາຍາໃໝ່ໄປເປັນທີ່ຮຽບຮ້ອຍ ນັ້ນກໍຄື “ດາລາໃຈບຸນ” ນັ້ນກໍເນື່ອງຈາກວ່າ ສາວລູກນໍ້າ ໄດ້ໂພສລົງເພຈ ເຟສບຸກສ່ວນຕົວ Louknum Thidalat Vongsili ວ່າເຈົ້າຕົວນັ້ນຕ້ອງການຄວາມຊ່ວຍເຫຼືອຈາກສັງຄົມ ແຕ່ບໍ່ແມ່ນເພື່ອໃຫ້ມາຊ່ວຍເຫຼືອຕົນເອງແຕ່ຢ່າງໃດ ແຕ່ເປັນການຮຽກຮ້ອງໃຫ້ສັງຄົມຮ່ວມກັນຄົນລະໄມ້ລະມື ເພື່ອລະດົມທືນສ້າງໂຮງຮຽນຫຼັງໃໝ່ໃຫ້ກັບເດັກນ້ອຍທີ່ຢູ່ເຂດຫ່າງໄກສອກຫຼີກ (ບ້ານ ໂພນຂາມ ເມືອງປາກງື່ມ ແຂວງວຽງຈັນ) ເຊິ່ງງານນີ້ສາວລູກນໍ້າກໍໄດ້ລົງພື້ນທີ່ໄດ້ເບິ່ງດ້ວຍຕົນເອງ ພ້ອມທັງໄດ້ເກັບກໍາລາຍລະອຽດທັງໝົດໄດ້ແລ້ວກ່ຽວກັບຄ່າໃຊ້ຈ່າຍ ແລະ ແຜນຜັງໂຮງຮຽນຫຼັງໃໝ່ຂອງນ້ອງໆ ແຕ່ເນື່ອງຈາກປັດຈຸບັນທຶນໃນການສ້າງໂຮງຮຽນຍັງບໍ່ພໍຈຶ່ງຮຽກຮ້ອງມາຍັງສັງຄົມເພື່ອໃຫ້ຊ່ວຍເຫຼືອໃນຈຸດນີ້… ຫຼັງຈາກໂພສດັ່ງກ່າວຖືກເຜີຍແຜ່ອອກມາກໍມີຊາວເນັດ ແລະ ແຟນຄຣັບຂອງ ສາວລູກນໍ້າ ເຂົ້າໄປໄລ້ນ໌, ແຊຣ ແລະ ຄອມເມັ້ນເປັນຈໍານວນຫຼວງຫຼາຍ ເຊິ່ງຄອມເມັ້ນສ່ວນຫຼາຍກໍຈະເປັນການຍົກຍ້ອງຊື່ນຊົມໃນຄວາມໃຈບຸນ ທີ່ຢາກຊ່ວຍເຫຼືອນ້ອງໆຂອງສາວລູກນໍ້າ ຈົນປັດຈຸບັນ ລູກນໍ້າ ໄດ້ສາຍາໃໝ່ຄືຶ ດາລາໃຈບຸນ ໄປເປັນທີ່ຮຽບຮ້ອຍແລ້ວ!!! ນອກຈາກການຊ່ວຍເຫຼືອນ້ອງໆໃນຄັ້ງນີ້ແລ້ວ ຜ່ານມາບໍ່ວ່າຈະເປັນໂຄງການຊ່ວຍເຫຼືອສັງຄົມໃດໆ ລູກນໍ້າກໍບໍ່ພາດທີ່ຈະເຂົ້າໄປຊ່ວຍເຫຼືອ …