News

ເພື່ອເປັນແຮງບັນດານໃຈໃຫ້ກັບທຸກໆຄົນມື້ນີ້ ຊະນີIndy ຂໍນຳບົດຄວາມດີໆຈາກ ວາລະສານ ຂວັນໃຈ ສະບັບເດືອນ ມັງກອນ 2017 ມາໃຫ້ແຟນໆໄດ້ອ່ານເພື່ອອາດຈະໄດ້ Idea ໄດ້ແຮງບັນດານໃຈ ໄດ້ຄວາມຄິດດີໆໃນການດຳລົງຊີວິດຕໍ່ໄປ  ຂໍແນະນຳ ອັກຈຸສັນ ຣາຊພົນ ອາຍຸ 34 ປີ ແມ່ຍິງເກັ່ງ ນິໃສດີ ອີກໜຶ່ງຄົນທີ່ມີດີກຼີ ເປັນເຖິງນັກສຶກສາຍິງລາວທີ່ສາມາດພິຊິດທຶນ ປະລິນຍາເອກ ຈາກມະຫາວິທະຍາໄລ Oxford #ແຊຣໄປໃຫ້ໂລກຮູ້ເຖິງຄວາມສາມາດຂອງແມ່ຍິງລາວ ເມື່ອເວົ້າເຖິງມະຫາວິທະຍາໄລ Oxford ແນ່ນອນວ່າ ບໍ່ມີໃຜທີ່ບໍ່ຮູ້ຈັກ ເພາະເປັນມະຫາວິທະຍາໄລເກົ່າແກ່ ຂອງປະເທດອັງກິດ ແລະມີຊື່ສຽງອັນດັບຕົ້ນໆຂອງໂລກ ຜູ້ທີ່ໄດ້ມີໂອກາດເຂົ້າຮຽນຢູ່ທີ່ນັ້ນ ກໍຕ້ອງບໍ່ທຳມະດາແນ່ນອນ ໂດຍສະເພາະ ຜູ້ທີ່ທີມງານຂວັນໃຈເຮົາ ມີຄວາມຕື່ນເຕັ້ນ ແລະ ຢາກແນະນຳໃຫ້ຮູ້ຈັກໃນມື້ນີ້ ນາງຊື່ ອັກຈຸສັນ ຣາຊພົນ ອາຍຸ 34 ປີ ເປັນສາວລາວຄົນທຳອິດ ທີ່ໄດ້ຮັບທຶນລະດັບປະລິນຍາເອກ ສາຂາສັດຕະສາດ (Zoology) …

ຄວາມໜ້າຮັກຂອງ ວິວ ວັນນະຣົດ ນັກສະແດງຍິງຈາກປະເທດໄທ ໃນບົດບາດ ເຈົ້າຍິງມ່ານແກ້ວ ກັບເຄື່ອງແຕ່ງກາຍຊຸດໄໝລາວ ທີ່ມີຄວາມປານີດ ເບິ່ງແລ້ວງາມຫຼາຍ ໃນລະຄອນເລື່ອງ “ແຕ່ປາງກ່ອນ” ທີ່ກຳລັງດຳເນີນໄປຢ່າງເຂັ້ມຂຸ້ນ, ສຳລັບຊຸດໄໝລາວແລ້ວ ເປັນຊຸດປະຈຳຊາດ ເປັນເອກະລັກປະເພນີລາວຂອງຊາດລາວເຮົາ ບໍ່ວ່າຈະເປັນຄົນລາວ ຫຼື ຕ່າງຊາດໄດ້ນຸ່ງ ຊຸດໄໝລາວນັ້ນກໍຍັງຊົງຄຸນຄ່າບົ່ງບອກເຖິງເອກະລັກຄວາມເປັນລາວທີ່ງົດງາມສືບທອດມາແຕ່ບູຮານນະການ. #ແຊຣໄປໃຫ້ໂລກຮູ້ເຖິງຄວມງົດງາມຂອງຊຸດໄໝລາວ ສຳລັບລະຄອນ “ແຕ່ປາງກ່ອນ” ແຟນໆສາມາດຕິດຕາມທຸກໆວັນ ພຸດ-ພະຫັດ ເວລາ 20:30 ທາງຊ່ອງ One (ປະເທດໄທ) ຂໍຂອບໃຈຮູບພາບຈາກ: google

ໃນວັນທີ 6 ເມສາ 2017 ອໍານາດການປົກຄອງແຂວງບໍ່ແກ້ວຢືນຢັນອາທິດນີ້ວ່າ: ຕົນເອງສາມາດທໍາລາຍ ແລະ ຖາງສ່ວນກ້ວຍຫອມຈໍານວນ 1.000 ເຮັກຕາ ພາຍຫລັງພົບວ່າມີນັກລົງທຶນຕ່າງປະເທດໄດ້ໃຊ້ສານເຄີມີບໍ່ຖືກຕ້ອງ, ການລົງທຶນບໍ່ໄດ້ຮັບອະນຸຍາດຈາກພາກລັດ ໂດຍສ່ວນໃຫຍ່ແມ່ນລົງທຶນກັບປະຊາຊົນເວົ້າກັນເອງ ແລະ ເກີດມີການໂອນການສໍາປະທານໃຫ້ຄົນອື່ນໆແບບເລື່ອນລອຍ. ປັດຈຸບັນນີ້ ທົ່ວແຂວງຍັງເຫລືອສວນກ້ວຍຫອມທີ່ສໍາປະທານໂດຍຄົນຕ່າງປະເທດປະມານ 20 ກວ່າບໍລິສັດ ເນື້ອທີ່ທັງໝົດ 5.000 ກວ່າເຮັກຕາ. ການປູກກ້ວຍໃນແຂວງບໍ່ແກ້ວເລີ່ມປີ 2010 ເປັນຕົ້ນມາ ໂດຍມີເນື້ອທີ່ທັງໝົດ 6.000 ເຮັກຕາ ແຕ່ປັດຈຸບັນນີ້ຍັງເຫລືອພຽງ 5.000 ເຮັກຕາ. ຂໍຂອບໃຈແຫຼ່ງທີ່ມາ: ຂປລ ແລະ ຮູບຈາກ: Biby Vilinthone.

ໃກ້ເຂົ້າມາແລ້ວສຳລັບເທສະການບຸນປີໃໝ່ລາວ ບຸນປະເພນີຂອງຊາດລາວເຮົາ ເຊິ່ງປີນີ້ກົງກັບວັນທີ 14,15,16 ເມສາ 2017 ແລະ ຍັງມີວັນພັກຊົດເຊີຍອີກ 2 ມື້ ຄືວັນທີ 13 ແລະ 17 ເມສາ 2017 ດັ້ງນັ້ນພໍ່ແມ່ພີ່ນ້ອງປະຊາຊົນລາວຖືວ່າມີມື້ພັກກັນແບບຍາວຢຽດກັນເລີຍ, ເທົ່າທີ່ທີມງາມ ເວັບໄຊ້ ຂວັນໃຈ ເຮົາໄດ້ລົງພື້ນທີ່ຕິດຕາມຂ່າວໃນເຂດ ແຄມຂອງ ຈຸດໃຈກາງເມືອງຂອງ ນະຄອນຫຼວງວຽງຈັນ ກໍເຫັນວ່າມີພໍ່ແມ່ປະຊາຊົນເລີ່ມອອກມາຈັບຈ່າຍຊື້ເຄື່ອງຂອງໃຊ້ ແລະ ເສື້ອຜ້າຕ້ອນຮັບປີໃໝ່ລາວກັນຢ່າງຄຶກຄັກ ບາງທ່ານກໍກະກຽມຊື້ໄວ້ໃສ່ໃນຊ່ວງເທສະການ ບາງທ່ານກໍກະກຽມຊື້ໄວ້ເປັນຂອງຕ້ອນຂອງຝາກໃຫ້ແກ່ຄອບຄົວ ເຊິ່ງລາຄາເສື້ອ “ສະບາຍດີປີໃໝ່ລາວ” ໃນປີນີ້ຕົກຢູ່ທີ່ລາຄາ 25,000-35,000 ກີບ (ສຳລັບຜູ້ໃຫ່ຍ) ແລະ 20,000 ກີບ (ສຳລັບເດັກນ້ອຍ) ກໍຖືວ່າຍັງຢູ່ໃນເກນປົກກະຕິທຽບເທົ່າກັບປີທີ່ຜ່ານມາ ແລະ ນອກຈາກນັ້ນກໍຍັງມີເສື້ອຜ້າ Fashion ລາຍດອກໄມ້ ລາຄາເລີມຕົ້ນກໍ 10,000 ກີບ-38,000 ກີບ ມີໃຫ້ເລືອກຫຼາຍແບບຫຼາຍ Style …

  ເມື່ອວັນທີ 30 ມີນາ 2017 ທີ່ຜ່ານມາ ໜ່ວຍງານຊ່ວຍເຫຼືອຜູ້ຖືກເຄາະຮ້າຍຈາກລະເບີດບໍ່ທັນແຕກ ຫ້ອງການຄະນະກຳມະການຄຸ້ມຄອງແຫ່ງຊາດເພື່ອການແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ (ຄຊກລ) ແລະ ອົງການເວີລດ໌ເອດຢູເຄຊັນ (World Education Laos) ພາຍໃຕ້ກອງທຶນປິ່ນປົວສຳລັບຜູ້ຖືກເຄາະຮ້າຍຈາກລະເບີດບໍ່ທັນແຕກ ໄດ້ໄປຢ້ຽມຢາມຄອບຄົວຂອງເອຍລີ ໜຶ່ງໃນເຫຍື່ອຜູ້ເຄາະຮ້າຍທີ່ເສຍຊີວິດກັບທີ່ໃນເວລາເກີດອຸບັດຕິເຫດຈາກລະເບີດບໍ່ທັນແຕກ. ທາງອົງການໄດ້ນຳເອົາການຊ່ວຍເຫຼືອທາງດ້ານການເງິນໄປໃຫ້ຄອບຄົວ ເພື່ອເປັນການປະກອບສ່ວນເຂົ້າໃນການຈັດງານຊາປານະກິດສົບ ແລະ ພິທີທາງສາດສະໜາ, ໂດຍຫວັງວ່າຈະເປັນການແບ່ງເບົາພາລະທີ່ຄອບຄົວກຳລັງແບກຫາບຢູ່ ໃນການສູນເສຍລູກສາວຜູ້ເປັນທີ່ຮັກ ແລະ ໃຫ້ກຳລັງໃຈຄອບຄົວເພື່ອບໍ່ໃຫ້ກັງວົນເລື່ອງຄ່າປິ່ນປົວສຳລັບລູກອີກສອງຄົນທີ່ໄດ້ຮັບບາດເຈັບ ແລະ ລອດຊີວິດຈາກອຸປະຕິເຫດໃນຄັ້ງດຽວກັນນັ້ນ ຊຶ່ງກອງທຶນປິ່ນປົວນີ້ຈະເປັນຜູ້ຮັບຜິດຊອບຄ່າປິ່ນປົວທັງໝົດຈົນກວ່າພວກເຂົາຈະຫາຍດີ. ແຫຼ່ງຂໍ້ມູນ ແລະ ພາບຈາກ: World Education Laos.