ສາວໆທີ່ມັກເລື່ອງ ຄວາມງາມ ທັງຫຼາຍຖ້າບໍ່ຢາກຕົກ Trend   ຄວນຮູ້ໄວ້  ມື້ນີ້ຂວັນໃຈຈະນໍາເອົາ  Trend ເຄື່ອງສໍາອາງ ແລະ Skin care ເຄຶ່ອງເຊຣໍ່າບໍາລົງຜິວ ທີ່ກຳລັງມາແຮງໃນປີ 2020 ມາຝາກສາວໆກັນ ຈະເປັນແນວໃດນັ້ນ ເຮົາໄປເບິ່ງນໍາກັນເລີຍ!!! Color Trend 2020  ໃນປີ 2020 ນີ້ ໂທນສີແຕ່ງໜ້າທີ່ມາແຮງທີ່ສຸດກໍຄື ໂທນສີສົ້ມ, ສີນູດ ແລະກິດເຕີທີ່ໄດ້ຮັບຄວາມນິຍົມຢ່າງຕໍ່ເນື່ອງ ເຮົາຈະເຫັນຕາມເຄື່ອງສໍາອາງແບຣນເຄື່ອງສໍາອາງລຸ້ນໃຫມ່ທີ່ມີກິດເຕີສໍາຫຼັບໜ້າ ຮີມຝີປາກ ແລະ ດວງຕາ Organic Product  ສໍາຫຼັບຜະລິດຕະພັນ Organic ເຕີບໃຫຍ່ຈາກຕົວເລກປະມານ 8. 20 ພັນລ້ານໂດລາສະຫະລັດ ໃນປີ 2556 ລວມມູນຄ່າປະມານ 15. 98 ພັນລ້ານໂດລາສະຫະລັດ ໃນປີ 2563 ເຊິ່ງສະແດງໃຫ້ເຫັນເຖິງອັດຕາການຂະຫຍາຍຕົວ ລະຫວ່າງປີຕໍ່ປີ 9% – 10% …

ຖ້າເວົ້າເຖິງວົງການບັນເທີງລາວ ແລະ ວົງການນັກອອກແບບແລ້ວ ເຊື່ອວ່າຄົງຈະບໍ່ມີໃຜບໍ່ຮູ້ຈັກກັບ Designer ຄົນນີ້ ອ້າຍ ຄໍາເພົ້າ ບົວພັນ ຫຼືທີ່ຫຼາຍຄົນຮູ້ຈັກກັນໃນນາມ ຄໍາເພົ້າ ສັ່ງໄດ້ ເພາະຖືວ່າເປັນ Designer ທີ່ມີຄວາມສາມາດພິເສດໃນການອອກແບບຊຸດ ແລະ ຕັດຊຸດໃຫ້ອອກມາໄດ້ແບບບໍ່ຊໍ້າໃຜ (ແຕ່ບໍ່ໄດ້ຈົບອອກແບບມາເລີຍ) ຖ້າໃຜທີ່ເຄີຍຮູ້ຈັກອ້າຍຄໍາເພົ້າ ຫຼືເຄີຍໄດ້ຍິນເລື່ອງລາວຂອງເພິ່ນ ຈະຮູ້ດີວ່າຊີວິດຂອງອ້າຍເພິ່ນກ່ອນທີ່ຈະກ້າວມາເປັນ Designer ຊື່ດັງລະດັບປະເທດ ທີ່ທຸກຄົນຮູ້ຈັກກັນໃນທຸກມື້ນີ້ບໍ່ແມ່ນເລື່ອງງ່າຍເລີຍ… ໃນຊ່ວງທ້າຍປີທີ່ຜ່ານມາ ອ້າຍເພິ່ນກໍໄດ້ເດີນທາງໄປຮັບລາງວັນ ຜູ້ຜ່ານຜ່າອຸປະສັກ ຢູ່ທີ່ປະເທດໄທມາແລ້ວ… ແລະເມື່ອວັນອາທິດທີ 26 ມັງກອນຜ່ານມາ ອ້າຍ ຄໍາເພົ້າ ກໍໄດ້ເດີນທາງໄປຮັບລາງວັນ Thailand Digital Award 2020 ໃນສາຂາ ນັກອອກແບບເສື້ອຜ້າດີເດັນ ຜູ້ສ້າງແຮງບັນດານໃຈໃນຍຸກ Digital ຢູ່ທີ່ປະເທດໄທອີກ (ມີຄົນດັງຈາກປະເທດລາວໄດ້ຮັບລາງວັນທັງໝົດ 9 ຄົນ) ແລະ ງານນີ້ນອກຈາກຈະໄປຮັບລາງວັນມາໃຫ້ຄົນລາວໄດ້ດີໃຈນໍາແລ້ວ ອ້າຍເພິ່ນຍັງຄວງພັນລະຍາສຸດທີ່ຮັກໄປຮັບລາງວັນນໍາ ເພື່ອເປັນສະແດງໃຫ້ເຫັນວ່າ ບໍ່ແມ່ນແຕ່ດ້ານວຽກງານທີ່ປະສົບຜົນສໍາເລັດ ແຕ່ດ້ານຄວາມຮັກ ກໍຫວານບໍ່ແພ້ກັນ… ແນວໃດກໍຕ້ອງຂໍສະແດງຄວາມຍິນດີນໍາອ້າຍຄໍາເພົ້າຫຼາຍໆເດີ້!!

ທາງພຸດທະສາສະໜາ ໄດ້ເວົ້າເລື່ອງບັນຫາ ແລະ ວິທີແກ້ໄຂບັນຫາໄວ້ວ່າ  ຄົນເຮົາຈໍາເປັນຕ້ອງໃຊ້ສະຕິເມື່ອເວລາພົບບັນຫາ ເພາະບໍ່ມີໃຜໜີບັນຫາ ແລະ ຄວາມທຸກທີ່ເຂົ້າມາໄດ້ ມີວິທີດຽວທີ່ເຮົາຈະເຮັດໄດ້ ກໍຄືໃຊ້ສະຕິ ເພື່ອພິຈາລະນາບັນຫາທີ່ເຂົ້າມາ ແລະ ຫາທາງແກ້ໄຂຢ່າງມີເຫດຜົນ ຖ້າແກ້ໄຂໄດ້ ກໍຄ່ອຍໆໃຊ້ສະຕິປັນຍາແກ້ໄຂໄປ ໃນກໍລະນີທີ່ຍັງແກ້ໄຂບໍ່ໄດ້ ກໍບໍ່ຈໍາເປັນຕ້ອງທົນທຸກ ຫຼືຈົມຢູ່ກັບບັນຫາເຫຼົ່ານັ້ນຕະຫຼອດເວລາ  ແຕ່ໃຫ້ຢຸດຄິດໄວ້ກ່ອນ ເຊິ່ງການຢຸດຄິດບໍ່ໄດ້ໝາຍຄວາມວ່າໃຫ້ເຊົາຄິດ ແຕ່ເປັນການຢຸດຄິດເພື່ອໃຊ້ສະຕິ ໃຫ້ເບິ່ງເຫັນບັນຫານັ້ນ ແລະ ຄົ້ນຄິດດ້ວຍປັນຍາ ບັນຫາທຸກຢ່າງບໍ່ວ່າຈະນ້ອຍ ຫຼືໃຫຍ່ ຍ່ອມມີທາງແກ້ໄຂໄດ້ ຖ້າຮູ້ຈັກຄິດໃຫ້ດີ ປະຕິບັດໃຫ້ຖືກ ການຄິດໄດ້ດີນັ້ນບໍ່ແມ່ນການຄິດແບບໃຊ້ເລ່ຫຼ່ຽມ ເພາະໂລກເຮົາໃນປັດຈຸບັນຈະພັດທະນາໄປຫຼາຍພຽງໃດກໍຕາມ  ແຕ່ຍັງບໍ່ມີເຄື່ອງມືຊະນິດໃດທີ່ຈະວິເສດ ຈົນສາມາດຄິດແກ້ໄຂບັນຫາຕ່າງໆໄດ້ຢ່າງສົມບູນເທື່ອ ສະນັ້ນ ການຄົ້ນຄິດແກ້ໄຂບັນຫາຈື່ງຕ້ອງໃຊ້ສະຕິປັນຍາ ຄືຄິດດ້ວຍສະຕິ  ເພື່ອຢຸດຢັ້ງຄວາມຜິດພາດ ແລະ ອັກຄະຕິຕ່າງໆ ບໍ່ໃຫ້ເກີດຂຶ້ນ ຊ່ວຍເຮັດໃຫ້ປັນຍາແກ້ໄຂບັນຫາຕ່າງໆໄດ້ ເຮັດໃຫ້ເຫັນຜົນທີ່ກ່ຽວຂ້ອງກັນຢ່າງຕໍ່ເນື່ອງ “ສະຕິ” ສໍາຄັນຫຼາຍເມື່ອເວລາທີ່ເຮົາພົບບັນຫາ ເມື່ອໃດກໍຕາມທີ່ເຮົາມີສະຕິພິຈາລະນາ ບັນຫາຕ່າງໆ ໄດ້ຢ່າງມີເຫດຜົນ ເຂົ້າໃຈບັນຫາທີ່ສໍາຄັນ ເຮົາຈະຜ່ານບັນຫາເຫຼົ່ານັ້ນໄປໄດ້ແນ່ນອນ ສໍາຫຼັບບາງຄົນຖືວ່າການຕັ້ງສະຕິເປັນເລື່ອງທີ່ຍາກ  …

ໃນສະພາບທີ່ປະເທດພວມປະເຊີນກັບບັນຫາ ຫຼືວິກິດການທີ່ສົ່ງຜົນກະທົບໂດຍກົງຕໍ່ປະຊາຊົນ ມັນສົ່ງຜົນກະທົບຕໍ່ສະພາບຈິດໃຈຢ່າງໜັກໜ່ວງ ໂດຍສະເພາະປະຊາຊົນຊາວຈີນ ທີ່ກໍາລັງພົບກັບການລະບາດຂອງພະຍາດຮ້າຍ ໄວຣັສໂຄໂຣນາ ຢູ່ຕອນນີ້ ແຕ່ການໄດ້ຮັບຄວາມໃສ່ໃຈ, ຄວາມເປັນຫ່ວງເປັນໃຍຂອງຜູ້ທີ່ຂຶ້ນຊື່ວ່າເປັນຜູ້ນໍາຂອງປະເທດ ນັ້ນເປັນກໍາລັງໃຈອັນສໍາຄັນທີ່ເຮັດໃຫ້ເຂົາເຈົ້າມີຄວາມຫວັງໃຊ້ຊີວິດຕໍ່ໄດ້. ສໍານັກຂ່າວຊິນຫົວລາຍງານເມື່ອວັນທີ 25 ມັງກອນ 2020 ວ່າ: ຄະນະກໍາມະການກົມການເມືອງປະຈໍາຄະນະກໍາມະການກາງພັກຄອມມູນິດຈີນ (CPC) ຈັດການປະຊຸມດ້ານການປ້ອງ ແລະ ການຄວບຄຸມການແຜ່ລະບາດຂອງໂລກປອດອັກເສບຈາກເຊື້ອໄວຣັສ ໂຄໂຣນາສາຍພັນໃໝ່ ທ່ານ ສີຈິ້ນຜິງ ປະທານາທິບໍດີແຫ່ງ ສປ.ຈີນ ເປັນປະທານໃນກອງປະຊຸມດັ່ງກ່າວ ຕັດສິນໃຈຈັດຕັ້ງຄະນະເຮັດວຽກພິເສດປະຈໍາຄະນະກໍາມະການກາງພັກ ເພື່ອກໍາກັບດູແລການປະຕິບັດງານປ້ອງກັນ ແລະ ຄວບຄຸມເຊື້ອພະຍາດໄວຣັສ ໂຄໂຣນາ ສາຍພັນໃໝ່. ນອກຈາກນັ້ນ ກອງປະຊຸມຍັງດໍາເນີນການສຶກສາ ແລະ ການກຽມການໃນປະເດັນຕ່າງໆໂດຍສະເພາະທີ່ກ່ຽວຂ້ອງກັບການຮັກສາຜູ້ປ່ວຍ ແລະ ຈະສົ່ງຄະນະເຮັດວຽກພິເສດໄປຍັງມົນທົນຫູເປີ່ຍທາງພາກກາງຂອງປະເທດເພື່ອຊີ້ແນວທາງການປະຕິບັດງານໃນພື້ນທີ່ ພ້ອມອອກຄໍາສັ່ງໃນການປ້ອງກັນ ແລະ ການຄວບຄຸມເຊື້ອໄວຣັສ ເປັນພັນທະກິດອັນດັບໜຶ່ງຂອງຄະນະກໍາມະການພັກ ແລະ ລັດຖະບານທຸກລະດັບ. ທ່ານ ສີຈິ້ນຜິງ ຍັງຍໍ້າວ່າ ຊີວິດຄືສິ່ງສໍາຄັນທີ່ສຸດ ຄວາມຮັບຜິດຊອບຂອງເຮົາຄືການປ້ອງກັນ ແລະ …

ແຕ່ກ່ອນ ເຮົາຈະເຫັນໄດ້ວ່າການມີຄອບຄົວນັ້ນ ຜູ້ຊາຍຈະຕ້ອງເປັນຄົນເບິ່ງແຍງຄອບຄົວ ເຮັດໜ້າທີ່ເປັນຜູ້ນໍາຄອບຄົວ ເຮັດວຽກ – ຫາເງິນເພື່ອນໍາເອົາມາໃຊ້ຈ່າຍພາຍໃນຄອບຄົວ ເພາະຄິດວ່າຜູ້ຊາຍເກັ່ງກວ່າ ສ່ວນແມ່ຍິງນັ້ນກໍລ້ຽງລູກ – ເຮັດວຽກຢູ່ເຮືອນ ແຕ່ໃນປັດຈຸບັນນີ້ຫຼາຍໆຢ່າງໄດ້ປ່ຽນແປງໄປແລ້ວ ການທີ່ເກີດມາເປັນແມ່ຍິງບໍ່ແມ່ນວ່າຈະເຮັດວຽກບໍ່ໄດ້ ບໍ່ແມ່ນວ່າຈະສະຫຼາດໜ້ອຍກວ່າຜູ້ຊາຍ ແມ່ຍິງສະໄໝນີ້ຫຼາຍໆຄົນຍັງເຮັດວຽກເກັ່ງກວ່າຜູ້ຊາຍ ທັງວຽກນອກບ້ານ ແລະ ວຽກໃນພາຍໃນບ້ານ ແມ່ຍິງບໍ່ວ່າຈະໂສດ ຫຼືຈະມີແຟນແລ້ວກໍຕາມ ຈື່ເອົາໄວ້ເລີຍວ່າຢ່າຢຸດເຮັດວຽກ ຢ່າຢຸດຫາເງິນເອງ ເພາະບໍ່ມີຜູ້ຊາຍຄົນໃດທີ່ຈະມັກຜູ້ຍິງທີ່ບໍ່ເຮັດວຽກ ນັ່ງໆ ນອນໆ ໄປແຕ່ລະມື້ ໂດຍບໍ່ເຮັດຫຍັງເລີຍ ບໍ່ວ່າເຈົ້າຈະໂສດ, ​ມີແຟນ ຫຼືແຕ່ງງານແລ້ວ ບໍ່ວ່າແຟນຂອງເຮົາຈະສາມາດເບິ່ງແຍງເຮົາໄດ້ ຫຼືສະໜັບສະໜູນເຮົາໄດ້ດີພຽງໃດກໍຕາມ ສິ່ງທີ່ສໍາຄັນທີ່ສຸດນັ້ນຄື ຢ່າຢຸດຫາເງິນເອງ ແມ່ຍິງທີ່ຫາເງິນເອງໄດ້ ເປັນຄົນທີ່ມີກຽດ ແລະ ສັງຄົມຄົນອ້ອມຂ້າງຈະຍອມຮັບ. ການທີ່ເຮົາເປັນແມ່ຍິງທີ່ບໍ່ຕ້ອງເພິ່ງພາຄົນອື່ນນັ້ນມັນເທ່ຫຼາຍ, ຄລູກວ່າ, ດູດີກວ່າ, ສະບາຍໃຈກວ່າ ສິ່ງໃດທັງໝົດ ການທີ່ເຮົາໃຊ້ເງິນທີ່ເຮົາຫາມາດ້ວຍຕົນເອງເຮົາຈະຈ່າຍເທົ່າໃດກໍໄດ້ ແລະ ຊື້ຫຍັງກໍໄດ້ໂດຍບໍ່ຕ້ອງມານັ່ງຄິດກັງວົນຫຍັງເລີຍ ແລະ ການທີ່ມີຊີວິດຢູ່ດ້ວຍການໃຊ້ຈ່າຍເງິນຂອງຄົນອື່ນນັ້ນ  ຈະເຮັດໃຫ້ເຮົາເຄົາລົບຕົນເອງໜ້ອຍລົງ ດົນໆໄປເຮົາກໍຈະບໍ່ຮູ້ເຖິງຄວາມພູມໃຈຂອງເຮົາ …