ຂ່າວພາຍໃນ

ສໍາລັບສາວໆຄົນໃດທີ່ກໍາລັງເບິ່ງຫາ Smart Phone ດີໆ, ແບັດທົນໆ, ຊາດເຂົ້າໄວ, ຫຼິ້ນບໍ່ມີສະດຸດ, ແຖມໜ້າຈໍໃຫຍ່ໆເໝາະກັບການໃຊ້ງານທຸກສະຖານະການ ແອັດຂໍແນະນໍາເລີຍ Huawei Mate 20 ແລະ Huawei Mate 20 pro; ຈາກບໍລິສັດຫົວເຫວີຍ ເຊິ່ງໄດ້ເປີດຕົວຢູ່ລາວຢ່າງເປັນທາງການແລ້ວໃນວັນທີ 23 ຕຸລາ ທີ່ຜ່ານມາ ທີ່ຫ້ອງການຫົວເຫວີຍ ປະຈໍາປະເທດລາວ. ເຊິ່ງແອັດກໍໄດ້ໄປສໍາພັດມາເອງກັບມື ກໍໄດ້ຮູ້ເຖິງຄວາມສຸດຍອດຂອງທັງສອງລຸ້ນນີ້ ຈົນເກີດມີຄວາມຢາກໄດ້ຂຶ້ນມາແບບຫ້າມບໍ່ຢູ່ເລີຍ… ພາຍໃນງານມື້ນັ້ນ… ທ່ານ ວັນກົງ ສີສະຫວັດ ຜູ້ຈັດການຝ່າຍຂາຍ ທຸລະກິດຜະລິດຕະພັນ ເພື່ອຜູ້ບໍລິໂພກ ຫົວເຫວີຍປະຈໍາລາວ ໄດ້ແນະນໍາໃຫ້ຮູ້ເຖິງຄຸນສົມບັດໃນການໃຊ້ງານ ແລະ ຄວາມແຕກຕ່າງຈາກ Smart Phone ອື່ນທີ່ວາງຂາຍຕາມທ້ອງຕະຫຼາດ; ມັນຍິ່ງເຮັດໃຫ້ຢາກໄດ້ມາເປັນເຈົ້າຂອງຍິ່ງຂຶ້ນ ບໍ່ວ່າຈະເປັນລະບົບການຖ່າຍຮູບທີ່ເໜືອກວ່າ, ສາມາດຈັດພາບໄດ້ເຖິງ 25 ໂໝດ, ແບັດເຕີຣີ່ທີ່ກິນໄຟໜ້ອຍກວ່າພຽງ 7 ນາໂມແມັດ (ລຸ້ນທົ່ວໄປແມ່ນ …

ຕາງໜ້າ ສປປລາວ ແລະ ເຜົ່າມົ້ງ ທ່ານ ອາຈານ ເຕີ້ (ຊື່ເຜົ່າມົ້ງ ແມ່ນ TawbKoj TsisTxawj Dhuav)  ສາມາດຄວ້າແຊ້ມ ການແຂ່ງຂັນກິລາ ZhengZhou international Shaolin wushu festival (ລາຍການແຂ່ງຂັນກັງຟູ ເຊົ້າຫຼິນ ບໍ່ວ່າຈະເປັນ ມວຍວູຊູ ແລະ ໄທຈິ ທີ່ເປັນມວຍລະດັບຕົ້ນໆຂອງ ສປ ຈີນ) ໃນປະເພດດ່ຽວ ໃນລາຍການທີ 1 ເຮັດໃຫ້ຄວ້າຫຼຽນຄຳໄປຄອງ ເມື່ອວັນທີ 21 ຕຸລາ ທີ່ຜ່ານມາ ທີ່ ສປ ຈີນ. (ຂໍສະແດງຄວາມຍິນດີນຳຫຼາຍໆ) ສໍາລັບ ລາຍການດັ່ງກ່າວ ມີ 65 ປະເທດເຂົ້າຮ່ວມຈັດຂຶ້ນໃນລະຫວ່າງວັນທີ 20-24 ຕຸລາ 2018 ທີ່ວັດເຊົ້າຫຼິນ ໃນ …

ອີງຕາມແຈ້ງການສະບັບເລກທີ395/ປກສ.ນວ, ລົງວັນທີ 15 ຕຸລາ 2018 ເພື່ອແຈ້ງການ ການເພິ່ມທະວີປ້ອງກັນຮັກສາຄວາມສະຫງົບ ແລະ ຄວາມ ເປັນລະບຽບຮຽບຮ້ອຍຂອງສັງຄົມ ໃນໄລຍະງານບຸນອອກພັນສາປະວໍລະນາ, ບຸນຊ່ວງເຮືອປະເພນີ ທ່າວັດຈັນປະຈຳປີ ພ.ສ 2561. ຂໍ້ຫ້າມຕ່າງໆມີລາຍລະອຽດດັ່ງລຸ່ມນີ້: 1. ເຂົ້າຮ່ວມປະຕິບັດກົດລະບຽບຂອງພະແນກອຸດສະຫະກຳ-ການຄ້າ ນະຄອນຫລວງວຽງຈັນ, ກ່ຽວກັບການຫ້າມນຳເຂົ້າ, ບໍລິການ-ຂາຍ, ຈູດໂຄມໄຟລອຍຟ້າ, ຈູດໝາກກະໂພກທຸກຊະນິດ, ທຸກລະດັບ 2. ຫ້າມນຳໃຊ້ທາດລະເບີດ, ທາດແຕກ, ທາດເບື່ອ, ເຄມີ, ທາດກຳມະລັງສີ ແລະ ວັດຖຸອອກລິດຕໍ່ສຸຂະພາບຈິດ, ເປັນຜົນລົບຕໍ່ຄວາມສະຫງົບ, ຄວາມເປັນລະບຽບຮຽບຮ້ອຍທາງສັງຄົມ  3. ຫ້າມຖືອາວຸດທຸກຊະນິດເຂົ້າໄປໃນງານບຸນ ຍົກເວັ້ນເຈົ້າໜ້າທີ່ປ້ອງກັນຄວາມສະຫງົບທີ່ກຳລັງປະຕິບັດໜ້າທີ່ໃນການປ້ອງກັນງານບຸນດັ່ງກ່າວ 4. ບຸກຄົນໃດຢູ່ໃນສະພາບມຶນເມົາຫ້າມຂັບຂີ່ລົດສັນຈອນຕາມເສັ້ນທາງຫຼວງ, ຫ້າມຂີ່ລົດເປັນພຶງເປັນແພ,ຂີ່ລົດແຂ່ງກັນ, ຂີ່ລົດກວນເມືອງ, ຂັບຂີ່ລົດທີ່ເປັນພຶດຕິກຳລະເມີດກົດລະບຽບການສັນຈອນຕາມເສັ້ນທາງຫຼວງ 5. ຫ້າມກໍ່ອາລະວາດຜິດຖຽງກັນ, ຕີກັນ, ສ້າງຄວາມບໍ່ສະຫງົບ ໃນບຸນເດັດຂາດ 6. ຫ້າມຈອດລົດຊະຊາຍຕາມຖະໜົນຫົນທາງຕ່າງໆເຊັ່ນ: ຖະໜົນສຸພານຸວົງ ນັບແຕ່ໄຟແດງບ້ານອາກາດ …

ກະຊວງໂຍທາທິການ ແລະ ຂົນສົ່ງ ພະແນກ ຍທຂ ນະຄອນຫລວງວຽງຈັນ ໄດ້ອອກແຈ້ງການເລື່ອງ: ການປິດເສັ້ນທາງການສັນຈອນພາຫະນະທຸກປະເພດ ໃນຊ່ວງບຸນອອກພັນສາປະວໍລະນາ ແລະ ບຸນຊ່ວງເຮືອ ປະຈຳປີ 2018 ທີ່ທ່າວັດຈັນ ເມືອງ ຈັນທະບູລີ ນະຄອນຫລວງວຽງຈັນ ໃນລະຫວ່າງວັນທີ 22-27 ຕຸລາ 2018. ເລີ່ມຕັ້ງແຕ່ວັນທີ 22 ຫາ 27 ຕຸລາ 2018 ເປັນຕົ້ນໄປ ໃຫ້ງົດການສັນຈອນທຸກປະເພດຊົ່ວຄາວ ເປັນບາງເວລາ ຕາມຖະໜົນດັ່ງລຸ່ມນີ້: – ຖະໜົນ ດອນຈັນ (ແຄມຂອງ) ແຕ່ສາມແຍກປາກປາສັກ ຫາ ອານຸສາວະລີເຈົ້າອານຸວົງ – ຖະໜົນ ເຈົ້າຟ່າງຸ່ມ (ແຕ່ສາມແຍກປາກປາສັກ ຫາ ຫໍພະແຫ້ວ) (ຂໍຂອບໃຈສຳລັບຮູບພາບ)  

8 ນິດໃສ ທີ່ຈະເຮັດໃຫ້ກາຍເປັນຄົນທຸກ…ໂດຍບໍ່ຕັ້ງໃຈ ນັ່ງຖ້າໂຊກຊະຕາ ແຕ່ບໍ່ຄິດທີ່ຈະລົງມືເຮັດ ສາວໆຟັງທາງນີ້ ຄົນທີ່ຈະຮັ່ງມີນັ້ນ ໂຊກຊະຕາບໍ່ໄດ້ຈະຊ່ວຍຕະຫຼອດເວລາດອກເດີ້ ເພາະສ່ວນຫຼາຍຄົນທີ່ເຂົາປະສົບຜົນສຳເລັດແມ່ນມັກຈະໄດ້ມາຈາກເຫື່ອແຮງ ແລະ ສະໝອງເທົ່ານັ້ນ ໝາຍຄວາມວ່າ ຖ້າສາວໆຢາກເປັນຄົນຮັ່ງມີກໍຕ້ອງເລີ່ມທ້ອນໂຮມ ຕ້ອງຮູ້ຈັກຄິດ ແລະ ຊອກຫາຊ່ອງທາງ ວາງແຜນການເງິນໃຫ້ຕົນເອງ ດີກວ່ານັ່ງລໍຖ້າວາດສະໜາແລ້ວໃຊ້ເງິນໄປເລື້ອຍໆ. ເງິນເດືອນຫຼາຍຂຶ້ນ ຍິ່ງໃຊ້ຈ່າຍຟຸມເຟືອຍ ເງິນເດືອນເພີ່ມຂຶ້ນທຸກປີແມ່ນບໍ່ສາວໆ ແຕ່ພວກເພິ່ນຍັງໃຊ້ຈ່າຍຟຸມເຟືອຍ ຫາກເປັນເຊັ່ນນີ້ຄົງຈະບໍ່ມີເງິນທ້ອນແນ່ນອນ ສະນັ້ນພະຍາຍາມບໍລິຫານລາຍຮັບໃຫ້ເໝາະສົມກັບຄ່າໃຊ້ຈ່າຍທີ່ຈຳເປັນຈະດີກວ່າ ບໍ່ດັ່ງນັ້ນ ແລ້ວຢ່າຫາວ່າບໍ່ເຕືອນເດີ້ ໃຊ້ເງິນໂດຍບໍ່ຄຳນຶງເຖິງອະນາຄົດ ຫືມ…ບາງຄົນໃຊ້ຊີວິດຄືກັບວ່າ ມັນເປັນມື້ສຸດທ້າຍຂອງຊີວິດ ໃຊ້ຈ່າຍເງິນແບບລືມນຶກຄິດເຖິງອະນາຄົດ ມັນບໍ່ຄ່ອຍດີປານໃດເດີ້ເພິ່ນ ເພາະຫາກມີເລື່ອງສຸກເສີນ ເຮົາຈະຊ່ອຍຕົນເອງບໍ່ໄດ້ ເລື່ອງຊິຮັ່ງຊິມີຍິ່ງບໍ່ຕ້ອງເວົ້າເຖິງເລີຍ ລອງປັບປ່ຽນແນວຄິດໃໝ່ດີກວ່າເນາະ ໃຫ້ສາວໆລອງແບ່ງລາຍຮັບສ່ວນໜຶ່ງເກັບໄວ້ເພື່ອອະນາຄົດແດ່ເດີ້. ກັບຄວາມຄິດທີ່ວ່າ “ມື້ໜ້າຄ່ອຍທ້ອນກໍໄດ້” “ມື້ໜ້າຄ່ອຍທ້ອນກໍໄດ້” ແນະ!!! ຄຸ້ນໆກັບປະໂຫຍກນີ້ແນ່ບໍ່ສາວໆ, ຕໍ່ໃຫ້ເຮັດວຽກເມື່ອຍເກືອບຕາຍ ຫຼື ຈະມີເງິນເດືອນສູງປານໃດ ບອກເລີຍວ່າຍາກທີ່ຈະຮັ່ງມີ ເພາະຫາກມີເງິນເທົ່າໃດກໍໃຊ້ຈົນໝົດ ບໍ່ເຫຼືອໄວ້ທ້ອນເຮົາກໍຈະບໍ່ມີທາງທີ່ຈະມີເງິນເປັນກ້ອນ ໄດ້ຈັກເທື່ອເດີ້ສາວໆ. ບັນຊີລາຍຮັບ-ລາຍຈ່າຍ ຖືວ່າມີຄວາມສຳຄັນຫຼາຍກັບວິທີການໃຊ້ເງິນ …