Entertainment Lao

ຂ່າວຄາວການສູນເສຍນັກຮ້ອງລູກທົ່ງຊື່ດັງ ອາຈານ ກິດາວເພັດ ໜູຫ່ວງ ຍັງບໍ່ຊາ ຄອບຄົວກໍຍັງທໍາໃຈບໍ່ໄດ້ ໂດຍສະເພະຜູ້ເປັນເມຍ ຄືເອຶ້ອຍ ຄໍາພຸດ ໜູຫ່ວງ ທີ່ແອັດຫາກໍນໍາສະເໜີໄປວ່າງອາທິດແລ້ວນີ້ ກ່ຽວກັບສະພາບຈິດໃຈແມ່ນ ຍັງໜັກໜ່ວງພໍສົມຄວນ… ແຕ່ຫຼ້າສຸດມື້ວານນີ້ກໍເຫັນມີການໂພສເສົ້າອີກຮອບ ຫຼັງຈາກນ້ອງ ບອຍ ສິນາວຸດ ໜູຫ່ວງ ລູກຊາຍກົກປ່ວຍກະທັບຫັນ (ຍັງບໍ່ແນ່ໃຈອາການປ່ວຍ) ຈົນຕ້ອງໄດ້ເຂົ້າຮັບການຜ່າຕັດ ເຊິ່ງຫຼັງຈາກໂພສດັ່ງກ່າວເຜີຍແຜ່ອອກມາ ແຟນເພງ ແລະ ຊາວເນັດກໍໄດ້ເຂົ້າໄປຄອມເມັ້ນໃຫ້ກໍາລັງເປັນຈໍານວນຫຼວງຫຼາຍ ລວມທັງແອັດມິ້ນເອງທີ່ອ່ານ ຂໍ້ຄວາມຂອງເອຶ້ອຍເພິ່ນແລ້ວ ທັງຮູ້ສຶກເສົ້າໂສກ ສົງສານ ແບບບອກບໍ່ຖືກ ເຂົ້າໃຈເຖິງຫົວອົກຄວາມເປັນເມຍທີ່ຫາກໍສູນເສຍສາມີອັນເປັນທີ່ຮັກໄປບໍ່ດົນ ຫົວອົກຄວາມເປັນແມ່ທີ່ເປັນຫ່ວງລູກສຸດຫົວໃຈ… ຈັ່ງໃດ ຂວັນໃຈ ກໍຂໍເປັນອີກໜຶ່ງກໍາລັງໃຈສົ່ງໄປໃຫ້ເອຶ້ອຍຈົ່ງເຂັ້ມແຂງຕໍ່ສູ້ກັບອຸປະສັກຕ່າງໆ ເປັນກໍາລັງໃຈໃຫ້ ນ້ອງບອຍ ເຊົາໄວໆກັບມາເປັນກໍາລັງໃຈໃຫ້ແມ່ເດີ້!!! ໂພສເສົ້າ… ຂໍໃຫ້ປອດໄພ ກັບມາເປັນກໍາລັງໃຈໃຫ້ແມ່ເດີ້ນ້ອງບອຍ ຮູບພາບຈາກ: Boyz Sinavoth Nouhuang

ເນື່ອງຈາກເຫດການ ການລະບາດພະຍາດໂຄວິດ-19 ເຮັດໃຫ້ຫຼາຍໆຢ່າງມີການປ່ຽນແປງໄປ ບໍ່ສາມາດດໍາເນີນການໄດ້ເປັນປົກກະຕິ ລວມໄປເຖິງວົງການ ນາງງາມ ເອງກໍໄດ້ຮັບຜົນກະທົບ ຫຼາຍໆເວທີທັງລະດັບສາກົນ ແລະ ພາກພື້ນຕ້ອງຍຸຕິການປະກວດລົງ ແລ້ວລົງນາມກັນແຕ່ງຕັ້ງສາວງາມຂຶ້ນມາຮັບຕໍາແໜ່ງ ບາງເວທີກໍໃຫ້ຜູ້ເກົ່າຮັບຕໍາແໜ່ງໄປແບບ 2 ປີຊ້ອນກັນເລີຍ… ຫຼ້າສຸດ ເວທີນາງງາມລາວທີ່ຫາກໍຈັດຂຶ້ນເປັນປີທໍາອິດໃນປີກາຍຄື ເວທີ Miss Teen Laos ມີສທີນລາວ ກໍໄດ້ອອກມາແຈ້ງຢ່າງເປັນທາງການແລ້ວວ່າ ບໍ່ສາມາດຈັດການປະກວດໃນປີ 2020 ນີ້ໄດ້ ດັ່ງນັ້ນ ຈຶ່ງໄດ້ອອກມາແຈ້ງການຢ່າງເປັນທາງການວ່າ ທາງກອງປະກວດ ຈະແຕ່ງຕັ້ງໃຫ້ ນາງ ມະຍຸລີ ຊູຕັນນຸວົງ ຮອງອັນດັບ 1 Miss Teen Laos 2019 ເປັນ Miss Teen Laos 2020 ແທນ ໂດຍມີລາຍລະອຽດດັ່ງນີ້: ຮູບພາບຈາກ: Angie Soutannouvong Angie Soutannouvong

ລະດູການ ນາງງາມ ກໍາລັງເລີ່ມຕົ້ນ… ທຸກໆປີຈະມີລະດູການ ນາງງາມ (ແອັດຕັ້ງເອງ 555+) ເພາະຫຼາຍເວທີຈະເລີ່ມເປີດຮັບສະໝັກໃຫ້ນ້ອງໆທີ່ມີຄວາມງາມ ແລະ ຄວາມສາມາດໄດ້ເຂົ້າຮ່ວມແຂ່ງຂັນ ລວມໄປເຖິງເວທີ Miss Teen Laos ທີ່ຈັດຂຶ້ນເປັນປີທໍາອິດໃນປີ 2019 ເຊິ່ງຜູ້ທີ່ໄດ້ຮັບຕໍາແໜ່ງເປັນ Miss Teen Laos ນັ້ນກໍຄື ນ້ອງ ໂສລະຍາ ຄອນດີ ພ້ອມທັງເປັນ​ສາວງາມຄົນ​ທຳ​ອິດ​ຂອງ​ປະ​ເທດ​ລາວ ທີ່ໄດ້ໄປປະກວດເວ​ທີນາງງາມລະດັບສາກົນຄື Miss Teen International 2019 ທີ່ປະເທດ ອິນເດຍ ໃນເດືອນ ທັນວາ 2019. ແລະ ກໍຕິດ​ທ໋ອບ Top 7 Miss Teen International 2019 ​ພ້ອມທັງໄດ້ຮັບລາງວັນ ​ຂວັນ​ໃຈ​ຊ່າງ​ພາບ​ ມາຄອງ ເປັນໜ້າຕາໃຫ້ກັບປະເທດລາວນັ້ນເອງ… ປັດ​ຈຸ​ບັນ ໂສລະຍາ ກໍ​ໄດ້​ຮັບບົດບາດຫຼາກຫຼາຍໃນວົງການບັນເທີງລາວ ທັງເປັນ​ນັກ​ສະ​ແດງ, ນາງ​ແບບ …

ໜ້າຮັກຂຶ້ນທຸກມື້ ຈົນອົດຫຼົງຮັກບໍ່ໄດ້ ສໍາລັບລູກສາວສຸດທີ່ຮັກຂອງ ພໍ່ຟຣຸກ-ແມ່ແອັບເປິ່ນ ຄື ນ້ອງຈູນີ່ ທີ່ປັດຈຸບັນມີແຟນຄຣັບລໍ້າໜ້າພໍ່-ແມ່ໄປແລ້ວ… ຍ້ອນຄວາມໜ້າຮັກສົດໄສ ຍິ້ມເກັ່ງ ເຮັດໃຫ້ບັນດາປ້າໆນ້າໆ ທັງໄທ-ລາວ ຄັ່ງໄຄ້ຫຼົງໄຫຼກັນແບບສຸດໆ ແລະ ພໍ່ຟຣຸກ-ແມ່ເປິ່ນ ກໍ່ແສນຈະໜ້າຮັກ ຄອຍອັບເດດພັດທະນາການຂອງນ້ອງ ໃຫ້ໄດ້ເຫັນກັນເປັນປະຈໍາໃນທຸກໆມື້ ເພື່ອແຈກຮອຍຍິ້ມໃຫ້ກັບແຟນຄຣັບທັງຫຼາຍ… ມື້ນີ້ ຂວັນໃຈ ກໍຈະພາມາອັບເດດພັດທະນາການຂອງ ນ້ອງຈູນີ່ ວ່າໜ້າຮັກຂະໜາດໃດແລ້ວ (ຕາມທີ່ແອັດມິ້ນໄປສ່ອງມານີ້ ເຂົ້າໃຈແຟນຄຣັບເລີຍວ່າ ບໍ່ໃຫ້ຫຼົງຊິໄປໃສ) ເຊິ່ງຕອນນີ້ຍິ່ງກໍາລັງໜ້າຮັກ-ໜ້າຊັງ ເພາະເລີ່ມມີແຂ້ວຂຶ້ນມາ 2 ເຫຼັ້ມແລ້ວ!! ເຊິ່ງວ່າ ນ້ອງຈູນີ່ ຈະໜ້າຮັກຂະໜາດໃດນັ້ນ ມາເບິ່ງພ້ອມກັນເລີຍ… ຮອຍຍິ້ມອັນສົດໄສ ພໍ່ແມ່ລູກ ຍິ້ມຫວານນນນ ໜ້າຮັກທັງຄອບຄົວ ຕາ… ລູກກກກ ເຢັນສະບາຍ… party Family ແລບລີ້ນໂຊເລີຍ ທີ່ສວນຫຼັງບ້ານຂອງຈູນີ່ເອງ ຈູນີ່ເປັນສາວແດນຈໍາປາເດີ້!! ຍິ້ມເຫັນແຂ້ວວວ ແຂ້ວຂຶ້ນແລ້ວ ໂຊຕະຫຼອດ… ຮູບພາບຈາກ: Appleple …

ຖືເປັນການສູນເສຍຄັ້ງຍິ່ງໃຫຍ່ຂອງວົງການເພງລູກທົ່ງບ້ານນາ ກັບການຈາກໄປຢ່າງບໍ່ຫວນກັບມາຂອງ ອາຈານ ກິດາວເພັດ ໜູຫ່ວງ ລາຊາເພງອໍາມະຕະຂອງວົງ ໜຸ່ມໂກສິນ ໃນເດືອນທີ່ຜ່ານມາ. ແຟນເພງທົ່ວປະເທດກໍຮ່ວມສະແດງຄວາມໄວ້ອາໄລກັບການສູນເສຍ ນັກຮ້ອງທີ່ມີຄຸນນະພາບທີ່ສຸດຂອງລາວໃນຄັ້ງນີ້ ແລະ ຈະຂໍຈົດຈໍາຄຸນງາມຄວາມດີຂອງ ອາຈານ ກິດາວເພັດ ຕະຫຼອດໄປ… ນອກຈາກແຟນເພງທົ່ວປະເທດທີ່ເສຍໃຈກັບການຈາກໄປຂອງທ່ານແລ້ວ ທີ່ເສົ້າທີ່ສຸດກໍຄົງຈະເປັນຄອບຄົວທີ່ແສນຮັກຄື ຜູ້ເປັນເມຍ ແລະ ລູກ ທີ່ບໍ່ວ່າເວລາຈະຜ່ານໄປດົນປານໃດ ແຕ່ກໍບໍ່ສາມາດລົບເລື່ອນຄວາມໂສກເສົ້າ-ຄວາມຄິດຮອດບຸກຄົນອັນເປັນທີ່ຮັກ ທັງເປັນເສົາຫຼັກຂອງຄອບຄົວໄປໄດ້. ໂດຍຫຼ້າສຸດ ໄດ້ໄປສ່ອງ Facebook: Khamphoud Nouhouang ເມຍຂອງ ກິດາວເພັດ ໜູຫ່ວງ ກໍພົບເຫັນແຕ່ຂໍ້ຄວາມສຸດເສົ້າ ຍ້ອນຄິດຮອດສາມີຜູ້ຈາກໄປ ຍິ່ງໃນວັນເດັກນ້ອຍທີ່ຜ່ານມາ ທີ່ທຸກປີຄອບຄົວຈະມີການສະເຫຼີມສະຫຼອງແບບພ້ອມໜ້າພ້ອມຕາ ແຕ່ມາປີນີ້ບໍ່ມີຮອດເງົາຜູ້ເປັນພໍ່ ເຊິ່ງອ່ານແລ້ວກໍຮູ້ສຶກເສົາ ແລະ ນໍ້າຕາຈະໄຫຼໄປຕາມເອຶ້ອຍເພິ່ນ!! ແນວໃດ ຂວັນໃຈ ກໍຂໍເປັນກໍາລັງໃຈໃຫ້ຄອບຄົວ ໜູຫ່ວງ ໃຫ້ເຂັ້ມແຂງ ພ່ານຜ່າຄວາມທຸກນີ້ໄປໃນໄດ້ໂດຍໄວ…