“ຟ້າອຸ້ມລູກຕິດເອິກ ມືໜຶ່ງຂັບລົດ ໄປເຮັດວຽກ ໄປລົມລູກຄ້າ ໄປທຸກໆບ່ອນ ເອີ້ນໄດ້ວ່າ ບ່ອນໃດມີແມ່ຟ້າ ບ່ອນນັ້ນຕ້ອງເຫັນນ້ອງເອກ” ແມ່ລ້ຽງດ່ຽວຄົນຕໍ່ໄປ ທີ່ທີມງານ ຂວັນໃຈ ນຳເອົາເລື່ອງລາວມາແນະນຳ ຊື່ວ່າ ຟ້າລຸ້ງທິບ ໄຊສະຫວັດ (ຟ້າ) ອາຍຸ 32 ປີ ນາງບອກວ່າ ການມີລູກ (ນ້ອງ ເອກ) ເຮັດໃຫ້ ຟ້າ ຮູ້ຈັກຕົນເອງຫຼາຍຂຶ້ນ ມີຄວາມສຸກຂຶ້ນ ຮູ້ສຶກວ່າຊີວິດມີຄຸນຄ່າຂຶ້ນ ເຖິງວ່າຈະບໍ່ໄດ້ຜ່ານການແຕ່ງງານກໍຕາມ ເລື່ອງລາວຄວາມຮັກຂອງ ຟ້າ ກໍອາດຄ້າຍໆກັບແມ່ຍິງຫຼາຍຄົນໃນສັງຄົມ ເລີ່ມຕົ້ນດ້ວຍຄວາມຮັກທີ່ແສນຫວານ ແຕ່ເມື່ອມາຮອດຈຸດທີ່ນາງຖືພາ ກໍມີເຫດໃຫ້ຕ້ອງຈົບຄວາມສຳພັນກັບຄົນຮັກໄປ ເຫຼືອໄວ້ແຕ່ລູກໃນທ້ອງ ເຊິ່ງຕອນນັ້ນ ໃນຖານະແມ່ຍິງລາວ ຍອມຮັບວ່າ ຟ້າ ເຈັບປວດ ແລະສັບສົນທີ່ສຸດ ຄອບຄົວພໍ່ແມ່ກໍເສຍໃຈ ແຕ່ແທນທີ່ ຟ້າ ຈະຈົມຢູ່ກັບຄວາມໂສກເສົ້າ ນາງພັັດລຸກຂຶ້ນ ປະກາດຕົນວ່າ ນາງຂໍລ້ຽງລູກຜູ້ນີ້ໃຫ້ດີທີ່ສຸດ ເມື່ອຈຳເປັນຕ້ອງເປັນ “ແມ່” …

ທັງງາມ ທັງເກັ່ງ! ປຸ້ຍ ເກດມະນີ ນາງສາວນະຄອນຫຼວງ 2019 ຮັບໃບປະກາດກຽດນິຍົມ ຄະນະເສດຖະສາດ… ເຜີຍ “ເຄັດລັບຮຽນແນວໃດໃຫ້ເກັ່ງ” ປຸ້ຍ ເກດມະນີ ວົງປະເສີດ ສາວນ້ອຍໜ້າໃສ ທີ່ທຸກຄົນຮູ້ຈັກກັນດີໃນຖານະ ນາງສາວ ນະຄອນຫຼວງ 2019  ທີ່ໃຜເຫັນກໍຕ້ອງຕົກຂຸມຮັກໃນຄວາມໜ້າຮັກ, ສົດໄສ ແລະ ຕ້ອງຍົກໃຫ້ກັບຄວາມສາມາດຂອງນາງ ຈົນສາມາດຄວ້າຕໍາແໜ່ງນີ້ໄປຄອງ ແຕ່ຍັງບໍ່ໝົດເທົ່ານັ້ນ ເພາະຄວາມສາມາດຂອງ ນ້ອງ ປຸ້ຍ ຍັງບໍ່ຈົບທີ່ກອງປະກວດ ນາງສາວນະຄອນຫຼວງເທົ່ານັ້ນ ເພາະວ່າ ເມື່ອບໍ່ດົນມານີ້ ປຸ້ຍ ໄດ້ໂພສຮູບພາບຜ່ານເຟສບຸກສ່ວນຕົວ ໂດຍສະແດງໃຫ້ເຫັນວ່າ ຕົນເອງນັ້ນໄດ້ຮຽນຈົບໃນລະດັບປະລິນຕີແລ້ວ ຈາກຄະນະເສດຖະສາດ ມະຫາວິທະຍາໄລແຫ່ງຊາດ. ເຊິ່ງກໍເປັນເລື່ອງທີ່ໜ້າຍິນດີຫຼາຍ ແຕ່ສິ່ງທີ່ໜ້າຍິນດີໄປກວ່ານັ້ນຄື ໃນຮູບຈະເຫັນວ່າ ນ້ອງ ປຸ້ຍ ຖືໃບປະກາສະນີຍະບັດສີແດງ ນັ້ນກໍຄືໃບປະກາດກຽດຍົມນັ້ນເອງ ເຊິ່ງຜູ້ທີ່ຈະໄດ້ຮັບໃບປະກາດກຽດນິຍົມນັ້ນບໍ່ແມ່ນເລື່ອງທີ່ນັກສຶກສາທຸກຄົນເຮັດໄດ້ ຍິ່ງເປັນສະຖາບັນການສຶກສາລະດັບ ມະຫາວິທະຍາໄລແຫ່ງຊາດແລ້ວ ປີໜຶ່ງມີນັກສຶກສາທີ່ໄດ້ຮັບໃບປະກາດກຽມນິຍົມໜ້ອຍຫຼາຍຖ້າທຽບກັບຈໍານວນນັກສຶກສາແລ້ວ… ເອີ້ນໄດ້ວ່າ ນ້ອງ …

ສຸດຍອດໄປເລີຍ!!! ນາງງາມລາວ ຄວ້າອັນອັບ 3 ຊຸດປະຈໍາຊາດດີເດັ່ນ ຈາກເວທີ Miss Tourism World 2019 ທີ່ປະເທດ ຈີນ ຈົບລົງໄປເປັນທີ່ຮຽບຮ້ອຍແລ້ວ ສໍາລັບການປະກວດ Miss Tourism World 2019 ທີ່ປະເທດຈີນ ເປັນເຈົ້າພາບຈັດງານ, ສໍາລັບຮອບຕັດສິນແມ່ນໄດ້ຈັດຂຶ້ນໃນວັນທີ 6 ຕຸລາ 2019 ທີ່ຜ່ານ. ເຊິ່ງນາງງາມຜູ້ທີ່ຄວ້າຕໍາແໜ່ງ Miss Tourism World ປະຈໍາປີ 2019 ກໍໄດ້ແກ່ Miss Tourism World Mexico ສາວງາມ ທີ່ມາພ້ອມຄວາມສາມາດຈັດເຕັມເໝາະສົມກັບຕໍາແໜ່ງຫຼາຍ… ສ່ວນ Miss Tourism World Laos ຄື ນ້ອງ ແອນນີ້ ນິດາກອນ ຈັນດາລາສານ ທີ່ເປັນຕົວແທນປະເທດລາວໃນການໄປເຜີຍແຜ່ວັດທະນະທໍາຄັ້ງນີ້ ເຖິງຈະບໍ່ສາມາດຄວ້າຕໍາແໜ່ງ Miss Tourism World 2019 ມາໄດ້ ແຕ່ກໍບໍ່ເຮັດໃຫ້ເສຍກໍາລັງໃຈ …

ສາວໆ ເມື່ອເວົ້າເຖິງໂລກໂຊຊ່ຽວ ຫຼືສື່ສັງຄົມ Social Media ນັ້ນ ເປັນສິ່ງທີ່ຄົນຍຸກປັດຈຸບັນຮູ້ຈັກ ແລະ ໃຊ້ກັນທົ່ວໄປໃນສັງຄົມ. ເຊິ່ງຄົນສ່ວນຫຼາຍມັກຈະຄິດວ່າໂຊຊ່ຽວນັ້ນຄືກັບໂລກນ້ອຍໆຂອງຕົວເອງ ທີ່ຈະໂພສ, ຈະເວົ້າ, ຈະສະແດງຄວາມຄິດເຫັນຫຍັງກໍຍ່ອມໄດ້ ໂດຍສະເພາະ Facebook ທີ່ເຮົາຈະເຫັນເປັນປະຈໍາຄື ທຸກຄົນຈະອັບເດດເລື່ອງລາວການໃຊ້ຊີວິດຂອງຕົວເອງລົງເປັນປະຈໍາ (ລວມທັງຕົວແອັດມິ້ນເອງ) ຫຼັງຈາກໂພສລົງໄປແລ້ວກໍຈະມີການຄອມເມັ້ນກັນໄປມາ ທັງຄົນທີ່ຮູ້ຈັກໃນຊີວິດປະຈໍາວັນ ຫຼືຄົນທີ່ຮູ້ຈັກກັນທາງໂຊຊ່ຽວ (ບໍ່ເຄີຍເຫັນໜ້າກັນ) ກໍເຂົ້າມາໂອ້ລົມກັນຢ່າງສະນິດສະໜົມ ອັນນີ້ແມ່ນເລື່ອງປົກກະຕິ. ແຕ່ເລື່ອງທີ່ບໍ່ປົກກະຕິທີ່ແອັດຈະນໍາມາຕ້ອນໃນມື້ນີ້ກໍຄື ການຮັບຂວັນຫຼານ ທີ່ຖືກເຜີຍແຜ່ມາທາງໂຊຊ່ຽວແລ້ວກາຍເປັນກະແສ ທ໊ອກອ໊ອຟເດິທາວ ໃນຕອນນີ້!! ເຊິ່ງເຫດແມ່ນເກີດຈາກຜູ້ໃຊ້ເຟສບຸກຊື່ Viluna Tou ໄດ້ໂພສຮູບແມ່ອຸ້ມລູກນ້ອຍນອນຢູ່ເທິງຕຽງໂຮງໝໍ ພ້ອມກັບພໍ່ເຖົ້າຖືກັບເຄື່ອງປະດັບທີ່ເຮັດດ້ວຍ ເພັດ ແລະ ຄໍາ ພ້ອມດ້ວຍແຄັບຊັ່ນວ່າ “ຮັບຂວັນລູກສາວນ້ອງພິງເຂົ້າສູ່ອ້ອມກອດແລກຂອງພໍ່ຕູ່ແມ່ກຸ້ງ” ເບິ່ງແລ້ວກໍເປັນໂພສທີ່ແສນຈະທໍາມະດາຂອງຄົນເປັນພໍ່ທີ່ດີໃຈ ຮັບເອົາລູກສາວເຂົ້າສູ່ອ້ອມເອິກຂອງພໍ່ແມ່ ຄືກັບຄົນທົ່ວໄປໂພສ ແຕ່ເມື່ອໂພສນີ້ຖືກເຜີຍແຜ່ອອກທາງໂຊຊ່ຽວໄດ້ບໍ່ດົນ ກໍມີຊາວເນັດແຫ່ກັນເຂົ້າມາໄລ້, ຄອມເມັ້ນ ແລະ ແຊຣ ເປັນຈໍານວນຫຼວງຫຼາຍ ເພາະຂອງຂວັນຮັບລູກສາວນັ້ນມູນຄ່າບໍ່ທໍາມມະດາ “ນີ້ແຫຼະເຂົາວ່າເກີດມາເທິງກອງເງິນກອງຄໍາ” …

ສະແດງຄວາມຍິນດີ!!! ໃບເຕີຍ ນັກຮ້ອງຄ່າຍດັງ (ປະເທດໄທ) ເຂົ້າພິທີແຕ່ງດອງກັບ ດີເຈແມນ ຫຼັງຄົບກັນເປັນແຟນ 7 ປີ. ກັບງານແຕ່ງສຸດອາລັງການ!!! ສະບາຍດີວັນຈັນ ກັບແອັດມິ້ນເພຈຂວັນໃຈຄົນເກົ່າຄົນເດີມ ເລີ່ມຕົ້ນອາທິດດ້ວຍຂ່າວໜ້າຍິນດີຂອງນັກຮ້ອງສາວສຸດເຊັກຊີ່ (ປະເທດໄທ) ໃບເຕີຍ ອາສະຫຍາມ ທີ່ຕັດສິນໃຈສະຫຼະຄວາມໂສດ (ແຕ່ບໍ່ຖີ້ມຄວາມແຊ໋ບ) ກັບແຟນໜຸ່ມຫວານໃຈ ດີເຈແມນ ຫຼັງຈາກທີ່ທັງສອງຖືສະຖານະແຟນ ສຶກສາເບິ່ງໃຈກັນເປັນເວລາດົນເຖິງ 7 ປີ. ແລະ ໄດ້ຈູງມືກັນເຂົ້າປະຕູວິວາໄປເມື່ອວັນເສົາທີ 5 ຕຸລາ ທີ່ຜ່ານມານີ້ ດ້ວຍງານແຕ່ງທີ່ຫຼູຫຼາອະລັງການສົມກຽດ ຄ່າດອງລວມໆ 45 ລ້ານບາດ ແລະ ຄ່າໃຊ້ຈ່າຍຈັດງານປະມານ 10 ລ້ານບາດ (ເງິນກີບຄຸນເອົາເອງເດີ່ ແອັດບໍ່ໄດ້ເຊັກເລດ 555) ພ້ອມເຊີນແຂກທັງໃນ ແລະ ນອກວົງການນັບ 1000 ຄົນມາຮ່ວມສະແດງຄວາມຍິນດີ. ຟັງກໍຮູ້ແລ້ວວ່າຕ້ອງອາລັງການງານສ້າງແຮງແນ່ນອນເລີຍ ມື້ນີ້ແອັດໄດ້ນໍາເອົາພາບບັນຍາກາດມາໃຫ້ເບິ່ງນໍາກັນ!!! ໄປເບິ່ງວ່າ ຊຸດເຈົ້າສາວແຕ່ລະຊຸດຂອງ ໃບເຕີຍ …