Li Ying ມືຂວາຂອງ Jack Ma ກາຍເປັນໜຶ່ງໃນຜູ້ຍິງທີ່ຮັ່ງມີທີ່ສຸດຂອງຈີນ, ປັດຈຸບັນ ລາວເປັນທີ່ຮູ້ຈັກຫຼາຍຂື້ນໃນເວທີໂລກ. ຄັ້ງໜຶ່ງ ລາວເຄີຍແຂ່ງຂັນກັບນັກພັດທະນາຊັບສິນ Yang Huiyan ສຳລັບ ແມ່ຍິງທີ່ຮັ່ງມີທີ່ສຸດໃນປະເທດຈີນ ໂດຍມູນຄ່າຊັບສິນສຸດທິທີ່ແນ່ນອນຂອງລາວບໍ່ເຄີຍຖືກເປີດເຜີຍ, ແຕ່ມີລາຍງານຈາກສື່ຂອງຈີນຊີ້ໃຫ້ເຫັນວ່າ ຊັບສິນທັງໝົດຂອງລາວມີຫຼາຍກວ່າ 10 ຕື້ຢວນ (1,4 ຕື້ໂດລາສະຫະລັດ) ພ້ອມທັງເປັນເຈົ້າຂອງລົດລາຄາແພງເຊັ່ນ:​ Bentley, Mercedes-Maybach ແລະ ລົດປ້າຍແດງ Rolls-Royce Phantom. ນີ້ແມ່ນສິ່ງທີ່ເຮັດໃຫ້ລາວກາຍເປັນໜຶ່ງໃນຜູ້ຍິງທີ່ລວຍທີ່ສຸດໃນປະເທດຈີນ. ລາວອາໄສຢູ່ ເມືອງ Shenzhen, ປະເທດຈີນ, ຈົນຮອດ ມໍ 2 ພໍ່ແມ່ຂອງລາວສົ່ງລາວໄປຮຽນຕໍ່ຢູ່ສະຫະລັດອາເມລິກາ. ໃນເບື້ອງຕົ້ນລາວບໍ່ມັກແນວຄິດທີ່ຈະຍົກຍ້າຍຖິ່ນຖານ, ແຕ່ຫລັງຈາກໄດ້ຕົກລົງກັບພໍ່ແມ່ໃຫ້ຂ້າມຊັ້ນຮຽນ (ຮຽນມັດທະຍົມປາຍເລີຍ), ລາວຈຶ່ງຕົກລົງທີ່ຈະຍ້າຍໄປຮຽນຢູ່ສະຫະລັດອາເມລິກາ. ສິ່ງດັ່ງກ່າວເຮັດໃຫ້ລາວມີຄວາມກ້າວໜ້າ ຫຼາຍກ່ວາໝູ່ຂອງລາວ ແລະ ໄດ້ຮັບການຍອມຮັບຈາກ MIT, Yale ແລະ Stanford ຕອນລາວມີອາຍຸ …

ພາບບັນຍາກາດ ງານເດີນແບບການກຸສົນ FashionShow Charityo 2020 ຮ່ວມປັນຮັກ Better Togetherເພື່ອສົມທົບທືນສ້າງໂຮງຮຽນໃນເຂດເມືອງກາສີ ຈັດຂຶ້ນໃນ ວັນທີ 29 -30 ສິງຫາ 2020 ທີ່ໂຮງແຮມ Laotel Hotel & Resort Vientiane ໂດຍມີທ່ານເຈົ້າເມືອງກາສີ, ແຂກຮັບເຊີນຈາກຫຼາຍພາກສ່ວນ, ນັກທຸລະກິດ, ຫ້ອງເສື້ອຜ້າໄໝລາວ, ດາລານັກສະແດງ, ສື່ມວນຊົນ ແລະ ບັນດາພໍ່ແມ່ປະຊາຊົນເຂົ້າຮ່ວມ.

ມື້ນີ້ແອັດມິນ ນຳເອົາດວງທາງດ້ານວຽກງານ, ການເງິນ ແລະ ຄວາມຮັກ ມາໃຫ້ທຸກຄົນເບິ່ງ ມີຄົບທຸກວັນເກີດຕັ້ງແຕ່ ວັນຈັນ-ວັນອາທິດ ມາເບິ່ງນຳກັນວ່າດວງຂອງວັນທີ 2 ກັນຍາ ປີ 2020 ດວງແຕ່ລະຄົນຈະເປັນແນວໃດ ດວງສຳລັບຄົນເກີດວັນອາທິດ ວຽກງານ: ຈະພົບອຸປະສັກ ຫຼືມີບັນຫາທາງດ້ານ ທຸລະກິດ ການເງິນ:​ ຢູ່ໃນເກນໝັ້ນຄົງ ບໍ່ມີຄວວາມກັງວົນໃຈເລື່ອງເງິນ ຄວາມຮັກ: ຈະພົບກັບຄົນລັກສະນະໃຈດີ ແລະ ມີສະເໜ່ທີ່ສຸດ ດວງສຳລັບຄົນເກີດວັນຈັນ ວຽກງານ: ມີຂໍ້ຕົກລົງທີ່ດີຮ່ວມກັນໃນການເຮັດທຸລະກິດ ການເງິນ:​ ບໍ່ທັນມີຄວາມເດືອດຮ້ອນ,​ ເງິນທີ່ທ້ອນສະສົມມາມີພຽງພໍສຳລັບການໃຊ້ຈ່າຍ ຄວາມຮັກ: ເກີດມີບັນຫາດ້ານຄວາມສຳພັນລະຫວ່າວທ່ານກັບລາວ ເນື່ອງຈາກຄວາມໃຈຮ້ອນ,​ ງຸດຫງິດງ່າຍ ດວງສຳລັບຄົນເກີດວັນອັງຄານ ວຽກງານ: ອາດເກີດການປ່ຽນແປງທາງດ້ານວຽກງານເຊັ່ນ: ການຍ້າຍໜ້າທີ່ຕຳແໜ່ງ ຫຼືໜ້າທີ່ວຽກງານ ການເງິນ:​ ຕ້ອງລະວັງເພາະອາດຈະມີເລື່ອງທີ່ເຮັດໃຫ້ທ່ານເສຍເງິນແບບບໍ່ຄາດຄິດ ຄວາມຮັກ: ຫາກມີການເດີນທາງໄກ ມີໂອກາດທີ່ທ່ານຈະໄດ້ພົບກັບຄົນຮັກໃໝ່ ດວງສຳລັບຄົນເກີດວັນພຸດ ວຽກງານ: ການເຮັດທຸລະກິດຈະປະສົບຜົນສົມເລັດ ແລະ ໄດ້ກຳໄລດີ ບໍ່ວ່າຈະດ້ານໃດ ການເງິນ:​ ຈະໄດ້ເງິນເຂົ້າມາຈຳນວນຫຼາຍດ້ວຍຄວາມສາມາດຂອງຕົນເອງ ຄວາມຮັກ: ໃຫ້ລະວັງການໃຊ້ຄຳເວົ້າທີ່ຮຸນແຮງ ຫຼືຄຳເວົ້າສຽດສີ ເພາະອາດຈະເຮັດໃຫ້ຄວາມສຳພັນຂອງທ່ານມີບັນຫາ. ດວງສຳລັບຄົນເກີດວັນພະຫັດ ວຽກງານ: ການເຮັດທຸລະກິດ ດ້ານການຄ້າຈະໄດ້ຮັບຜົນກຳໄລດີ ການເງິນ:​ ຄອບຄົວຈະອຸປະຖໍາດ້ານການເງິນ …

ການເຮັດວຽກເປັນທີມ ເປັນຮູບແບບການເຮັດວຽກໃນຝັນຂອງຫຼາຍຄົນ ເພາະຜົນລັບຂອງການເຮັດວຽກຮູບແບບນີ້ ມັກຈະພົບຄວາມສຳເລັດເປັນຢ່າງດີ ເຮັດໃຫ້ອົງກອນເຕີບໂຕຂຶ້ນຢ່າງໄວວາ ໂດຍການເຮັດວຽກແບບເປັນທີມທີ່ມີປະສິດທິພາບປະກອບດ້ວຍ 6 ຂໍ້ດັງນີ້: 1 ເຂົ້າໃຈການເຮັດວຽກຂອງຕົນເອງ ແລະ ຄົນອື່ນ ຈຸດເລີ່ມຕົ້ນຂອງການເຮັດວຽກຢ່າງມີປະສິດທິພາບກໍຄື ຜູ້ປະຕິບັດງານ ເຊິ່ງເປັນຜູ້ທີ່ສຳຄັນທີ່ສຸດ ເພາະການທີ່ມີບຸກຄະລາກອນມາຮວມໂຕກັນ ລວມທັງມີຄວາມເຂົ້າໃຈໃນການເຮັດວຽກຂອງຜູ້ອື່ນໃນທີມ ໂດຍອາໄສຂໍ້ດີເກື້ອກູນເຊິ່ງກັນ ແລະ ກັນ ຫາກມີຈຸດໃດທີ່ແຕກຕ່າງກັນຫຼາຍ ກໍຕ້ອງປັບຄວາມເຂົ້າໃຈກັນຄືນໃໝ່. 2 ສ້າງ ແລະ ໂຟກັດເປົ້າໝາຍຮ່ວມກັນ ເມື່ອເຮັດວຽກເປັນທີມກໍຄວນວາງແຜນໂດຍສ້າງເປົ້າໝາຍຮ່ວມກັນ ເພື່ອໂຟກັດໃນການເຮັດວຽກຮ່ວມກັນ ແລະ ເພື່ອໃຊ້ເປັນແນວທາງໃນການປະຕິບັດງານໃຫ້ບັນລຸຄວາມສຳເລັດຕາມພາລະກິດ ເຊິ່ງການກຳນົດ ວັດຖຸປະສົງທີ່ດີ ຄວນມີການກຳນົດຂອບເຂດໜ້າທີ່ຄວາມຮັບຜິດຊອບຂອງແຕ່ລະຄົນໃຫ້ຊັດເຈນ ແຕ່ໂຟກັດໃນສິ່ງດຽວກັນ ເພື່ອໃຫ້ເປັນການຮ່ວມມືຮ່ວມໃຈ ແລະ ວັດແທກຄວາມສຳເລັດຂອງທີມ ໂດຍອາດຈະຂຽນວັດຖຸປະສົງ ແລະ ໜ້າທີ່ຂອງແຕ່ລະຄົນເປັນລາຍລັກອັກສອນໃຫ້ເຂົ້າໃຈງ່າຍ ແລະ ເຮັດໄດ້ແທ້ ສະໜອງນໂຍບາຍຂອງອົງກອນ. 3 ສ້າງທີມດ້ວຍຄວາມສາມາດ ແລະ ຈຸດເດັ່ນຂອງແຕ່ລະຄົນ ເມື່ອກຳນົດໜ້າທີ່ ແລະ ຄວາມຮັບຜິດຊອບຂອງວຽກງານແຕ່ລະຄົນຕາມຄວາມສາມາດ, …

ຄວາມຮັກເປັນເລື່ອງບໍ່ແນ່ນອນ ແລະ ກໍບໍ່ສາມາດຄາດເດົາໄລຍະເວລາແຫ່ງຄວາມຮັກ, ຄວາມຜູກພັນໄດ້ແບບແນ່ນອນ ບາງໃຊ້ຊີວິດຢູ່ນຳກັນບໍ່ພໍເທົ່າໃດກໍເລີກລາກັນ ແຕ່ສຳລັບຄູ່ຮັກຂອງພໍ່ຕູ້ ແລະ ແມ່ຕູ້ທີ່ແອັດມິນຈະມາເລົ່າສູ່ຟັງມື້ນີ້ ເປັນເລື່ອງຄວາມຮັກທີ່ຍາວນານທີ່ສຸດໃນໂລກ ເຊິ່ງໄລຍະເວລາບໍ່ໄດ້ເຮັດໃຫ້ຄວາມຮັກຂອງພວກເຂົາຫຼຸດນ້ອຍຖອຍລົງເລີຍ ໂດຍທັງສອງຕູ້ເປັນເຈົ້າຂອງສະຖິຕິໃຊ້ຊີວິດຄູ່ຊີວິດ ຫຼືຄູ່ສົມຣົດ ທີ່ດົນນານທີ່ສຸດໃນໂລກ ເຖິງແມ່ນວ່າເລີ່ມຕົ້ນຊີວິດສົມຣົດທັງສອງຕ້ອງແຕ່ງງານກັນແບບລັບໆ ເພາະວ່າຄອບຄົວບໍ່ເຫັນດີ ແຕ່ສຸດທ້າຍ ພວກເພິ່ນກໍພິສູດໃຫ້ເຫັນເຖິງຄວາມຮັກອັນແທ້ຈິງ. ພໍ່ຕູ້ມີຊື່່ວ່າ ຂູລີໂອ ຊີຊາຣ໌ ໂມລາ ແລະ ແມ່ຕູ້ຊື່ ວັນດຣາມິນາ ມາໂຄລເວຍ ຄວິນເຕໂຣສ ທັງສອງແຕ່ງງານກັນມາ 79 ປີ,​ພໍ່ຕູ້ໂມລາ ເກີດວັນທີ 10 ມີນາ ປີ 1910 ປັດຈຸບັນ ອາຍຸ 110 ປີ, ສ່ວນແມ່ຕູ້ ຄວິນເຕໂຣສ ເກີດໃນວັນທີ 16 ຕຸລາ ປີ 1915 ປັດຈຸບັນ ອາຍຸ 105 ປີ, ເມື່ອລວມອາຍຸຈະຫຼາຍເຖິງ 214 …