ຫຼ້າສຸດນັກວິທະຍາສາດໄດ້ເຕືອນເຖິງຄວາມເປັນໄປໄດ້ ທີ່ສະໝອງຄົນເຮົາເກີດຄວາມເສຍຫາຍມີຄວາມເຊື່ອມໂຍງກັບ Corona Virus ຫຼື Covid-19 ເນື່ອງຈາກມີຫຼັກຖານໃໝ່ທີ່ຊີ້ໃຫ້ເຫັນວ່າ ໂຄວິດ-19 ສາມາດນໍາໄປສູ່ພາວະແຊກຊ້ອນທາງລະບົບປະສາດອັກເສບ ມີຄວາມຜິດປົກກະຕິທາງຈິດ ແລະ ສະໝອງມືນງົງ ການສຶກສາໂດຍນັກວິໄຈຈາກ University College London (UCL) ອະທິບາຍຜູ້ຕິດເຊື້ອ Covid-19 43 ຄົນທີ່ໄດ້ຮັບຄວາມຜິດປົກກະຕິຂອງສະໝອງຊົ່ວຄາວ ຈາກຄວາມເສຍຫາຍຂອງເສັ້ນປະສາດ ຫຼືຜົນກະທົບທາງສະໝອງທີ່ຮຸນແຮງອື່ນໆ Covid-19 ເປັນພະຍາດທີ່ເກີດຈາກ Corona Virus ໃໝ່ ສ່ວນໃຫຍ່ເປັນພະຍາດທາງເດີນຫາຍໃຈທີ່ສົ່ງຜົນກະທົບຕໍ່ປອດ ແຕ່ນັກວິທະຍາສາດ ແລະ ແພດຜູ້ຊ່ຽວຊານດ້ານສະໝອງບອກວ່າ ມີຫຼັກຖານທີ່ກ່ຽວຂ້ອງກັບຜົນກະທົບຕໍ່ສະໝອງ Adrian Owen ນັກປະສາດວິທະຍາຈາກຕາເວັນຕົກ ມະຫາວິທະຍາໄລໃນ Cnnada ຍັງກ່າວອີກວ່າ “ຄວາມກັງວົນຂອງຂ້ອຍຄືຕອນນີ້ມີຜູ້ຄົນນັບລ້ານຕິດເຊື້ອ Covid-19 ແລະ ຖ້າໃນເວລາ 1 ປີ ເຮົາມີຄົນປິ່ນປົວເຊົາ 10 ລ້ານຄົນ ແລະ ຄົນເຫຼົ່ານັ້ນມີຄວາມບົກຜ່ອງທາງສະຕິປັນຍາ …

ຍຸກສະໄໝນີ້ປ່ຽນໄປແລ້ວ ບໍ່ຈຳເປັນທີ່ແມ່ຍິງຈະເປັນຊ້າງຕີນຫຼັງ ລໍຖ້າຍ່າງນຳກົ້ນຜຸ້ຊາຍ ຫຼື ຢູ່ໃນໂອວາດ ແຕ່ເຮົາຢູ່ໃນຍຸກທີ່ບໍ່ວ່າແມ່ຍິງ ຫຼື ຜູ້ຊາຍກໍມີສິດທິທີ່ເທົ່າທຽມກັນ ເຮົາສາມາດຍ່າງໄປພ້ອມໆກັນໄດ້ ໂດຍທີ່ຕ່າງຄົນຕ່າງສະໜັບສະໜູນເຊິ່ງກັນ ແລະ ກັນ ແລ້ວຖ້າຫາກວ່າຢາກຈະເປັນແມ່ຍິງທີ່ປະສົບຜົນສຳເລັດ ຕ້ອງມີລັກສະນະ 5 ຢ່າງດັ່ງນີ້: 1.  ຮູ້ຈັກຍອມຮັບຄວາມຈິງ ບໍ່ໄດ້ບອກວ່າຈະຕ້ອງຍິ້ມສົດໃສ ຫົວດີໃຈໃນເວລາທີ່ຢູ່ໃນບັນຫາ ເຮົາທຸກຄົນຂຶ້ນຊື່ວ່າເປັນມະນຸດ ຍ່ອມມີສິດທີ່ຈະເສຍໃຈ ຫຼື ບໍ່ພໍໃຈກັບບັນຫາຕ່າງໆ ແຕ່ສິ່ງທີ່ຈະເຮັດໃຫ້ແຕກຕ່າງອອກໄປ ຄືການຍອມຮັບຄວາມຈິງ ຍອມຮັບວ່າບັນຫາໄດ້ເກີດຂຶ້ນແລ້ວ ແລະ ພະຍາຍາມແກ້ໄຂບັນຫາຢ່າງສຸດຄວາມສາມາດ ບໍ່ປ່ອຍໃຫ້ຕົວເອງຈົມຢູ່ກັບຄວາມທຸກ ຈົນບໍ່ເປັນອັນເຮັດຫຍັງ 2. ຮຽນຮູ້ແລະພັດທະນາຕົວເອງຢູ່ສະເໝີ ບໍ່ວ່າຕອນນີ້ເຈົ້າຈະອາຍຸເທົ່າໃດ ຜ່ານປະສົບການໃນຊີວິດຫຼາຍ ຫຼື ໜ້ອຍເທົ່າໃດ ຈະຖືກສັງຄົມມອບໂລ່ລາງວັນຍົກຍ້ອງວ່າເປັນແມ່ຍິງເກັ່ງ ປະສົບຄວາມສຳເລັດໃນດ້ານຕ່າງໆມາຫຼາຍ ແຕ່ແທ້ທີ່ຈິງແລ້ວສິ່ງທີ່ຈຳເປັນທີ່ສຸດຄືຕ້ອງເດີນໜ້າຮຽນຮູ້ຕໍ່ໄປ ຄົນທີ່ປະສົບຄວາມສຳເລັດ ຈະບໍ່ຢຸດພັດທະນາ ໂລກມີການປ່ຽນແປງຢູ່ຕະຫຼອດເວລາ ຖ້າຢຸດນັ້ນກໍໝາຍຄວາມວ່າ ກຳລັງຖອຍຫຼັງໄປເລື້ອຍໆ 3. ແບ່ງເວລາເຮັດວຽກ ແລະ ຊີວິດສ່ວນຕົວເປັນສັດສ່ວນ ເຮັດຄວາມເຂົ້າໃຈກັນກ່ອນວ່າ …

ພໍດີໄດ້ອ່ານບົດຄວາມຈາກ Page ໜຶ່ງຂອງໄທ ກ່ຽວກັບບັນຫາຄໍາຖາມແທງໃຈ ຂອງມະນຸດເງິນເດືອນ ທີ່ເຊື່ອວ່າທຸກຄົນຕ້ອງເຄີຍເຈິ ເຊິ່ງຜູ້ທີ່ຖາມຈະເປັນໃຜກໍໄດ້ ບາງຄັ້ງກໍຄົນໃນຄອບຄົວ ໝູ່ເພື່ອນ ອ້າຍເອຶ້ອຍນ້ອງ ລວມໄປເຖິງລຸງ ປ້າ ອາວອາ ແລະ ນ້າຂ້າງບ້ານ… ເຊັ່ນວ່າ ເງິນເດືອນທໍ່ໃດ? ເຊິ່ງມັນອາດຈະເປັນຄໍາຖາມທໍາມະດາທີ່ທຸກຄົນຄິດວ່າ ເປັນເລື່ອງປົກກະຕິ ແຕ່ບາງຄັ້ງເຮົາຊໍ້າພັດຮູ້ສຶກບໍ່ຢາກຕອບ ແລະ ຮູ້ສຶກບໍ່ພໍໃຈທີ່ຖືກຖາມເລີຍ ຫຼືບາງຄັ້ງເຮົາຊໍ້າພັດເປັນຄົນຢາກຮູ້ເງິນເດືອນຊາວບ້ານເຂົາຄືກັນ 555+ ມັນເປັນຍ້ອນຫຍັງລະ? ສິ່ງທີ່ຄວນຄັ້ງຄໍາຖາມຫຼາຍກວ່າຄື ເປັນຫຍັງຄົນເຮົາຈຶ່ງຕ້ອງມາຊອກຄໍາຕອບເລື່ອງເງິນເດືອນຈາກໝູ່ ກໍຍ້ອນວ່າ ເຮົາອາດຈະບໍ່ໄດ້ຄໍາຕອບທີ່ຊັດເຈນຈາກບໍລິສັດ ເຮົາອາດຈະບໍ່ຮູ້ວ່າເຮົາຈະເຕີບໂຕໄປໄດ້ຫຼາຍນ້ອຍສໍ່າໃດ ແລະ ສິ່ງທີ່ເຮົາໄດ້ຢູ່ນີ້ທຽບກັນໃນຕະຫຼາດແລ້ວ ເຮົາບໍ່ໄດ້ກໍາລັງຖືກບໍລິສັດເອົາປຽບ ສິ່ງເຫຼົ່ານີ້ມັນສະທ້ອນອອກມາເລີຍວ່າ ບໍລິສັດບໍ່ໄດ້ເຮັດໃຫ້ເຮົາໄວ້ວາງໃຈ ຫຼືຮູ້ສຶກສະບາຍໃຈໃນເລື່ອງເງິນເດືອນ ເຮົາເລີຍຕ້ອງອອກມາຊອກຄໍາຕອບທາງນອກເອງ ບັນຫາຄື ເມື່ອມາຊອກຄໍາຕອບຈາກພາຍນອກ ມັນກໍອາດຈະໄດ້ຄໍາຕອບທີ່ບໍ່ຖືກຕ້ອງ ຫຼືເອົາມາທຽບກັນບໍ່ໄດ້ ເພາະເປັນຄົນລະບໍລິບົດກັນ ແລ້ວເຮົາກໍຈະກັບມາພ້ອມກັບຄໍາຕອບທີ່ຜິດໆ ດັ່ງນັ້ນ ບໍລິສັດທີ່ດີຕ້ອງໃຫ້ຄວາມສໍາຄັນກັບການສື່ສານກັບພະນັກງານແຕ່ລະຄົນດ້ວຍ ຖ້າເຂົາໄດ້ຮັບຂໍ້ມູນທີ່ຖືກຕ້ອງ ຖ້າເຂົາໄດ້ຮັບຄ່າຕອບແທນທີ່ເປັນທໍາຕັ້ງແຕ່ຕົ້ນ ຖ້າພະນັກງານກັບບໍລິສັດສື່ສານກັນດ້ວຍດີມາຕະຫຼອດ ເຂົາບໍ່ຈໍາເປັນຕ້ອງໄປຊອກຄໍາຕອບຈາກບ່ອນອື່ນເລີຍ ເຂົາຄວນຈະໄດ້ຮັບຄໍາຕອບທີ່ເຂົາສົງໄສໃນບໍລິສັດຈາກບໍລິສັດໂດຍກົງ …

ປັດຈຸບັນເວທີການປະກວດຄວາມງາມບໍ່ໄດ້ມີພຽງແຕ່ແມ່ຍິງເທົ່ານັ້ນ ເພາະຕອນນີ້ມີການປະກວດທຸກເພດທຸກໄວ ເວົ້າສະເພາະລາວເຮົາເອງກໍ່ເຊັ່ນດຽວກັນ ມີເວທີການປະກວດທີ່ຫຼາກຫຼາຍ ທັງຍິງ, ຊາຍ, ເພດທາງເລືອກ ແລະ ເດັກນ້ອຍ ໂດຍມີມາດຕະຖານຄັດເລືຶອກທີ່ແຕກຕ່າງກັນ. ແຕ່ສໍາລັບປີນີ້ ດັ່ງທີ່ທຸກທ່ານຮັບຮູ້ວ່າຍ້ອນສະພາບການລະບາດຂອງພະຍາດໂຄວິດ-19 ທີ່ເຮັດໃຫ້ຫຼາຍເວທີປະກວດໃນປີ 2020 ຕ້ອງໂຈະໄປກ່ອນ ແຕ່ໃນນີ້ກໍ່ມີຫຼາຍເວທີເຊັ່ນກັນທີ່ຄັດເລືອກເອົາບຸກຄົນໃດໜຶ່ງທີ່ມີຄຸນນະພາບພຽງພໍແຕ່ງຕັ້ງຂຶ້ນຮັບຕໍາແໜ່ງໂດຍອັດຕະໂນມັດ ດັ່ງກັບໜຸ່ມໜ້າໃສ ມາດເຂັ້ມ ອ່ອນຄໍາ ແກ້ວມະນີ ທີ່ຖືກແຕ່ງຕັ້ງເປັນ Mister hot men universe Laos 2020 ເພື່ອເປັນຕົວແທນຂອງລາວເຮົາໄປປະກວດຢູ່ບາງກອກປະເທດໄທ. ແນ່ນອນວ່າໜຸ່ມຄົນນີ້ຫາກໍ່ໄດ້ຮັບຕໍາແໜ່ງໄປເມື່ອວັນທີ 6 ກໍລະກົດທີ່ຜ່ານມາ, ເຊື່ອວ່າຫຼາຍຄົນຍັງບໍ່ທັນຮູ້ຈັກ, ດັ່ງນັ້ນ ມື້ນີ້ທີມງານບັນເທີງຂອງພວກເຮົາໄດ້ສອດສ່ອງພ້ອມນໍາຂໍ້ມູນສ່ວນຕົວເລັກນ້ອຍມາໃຫ້ທຸກທ່ານໄດ້ຮູ້ຈັກໜຸ່ມຄົນນີ້ນໍາກັນ.ທ້າວ ອ່ອນຄໍາ ແກ້ວມະນີ ຫຼື ລິນຕະ ອາຍຸ 26ປີ, ມີຖິ່ນຖານບ້ານເກີດຢູ່ແຂວງຫຼວງພະບາງ, ເຊິ່ງປັດຈຸບັນກໍາລັງສຶກສາຕໍ່ລະດັບປະລິນຍາຕີສາຂາການເງິນ-ການບັນຊີຢູ່ທີ່ວິທະຍາໄລການເງິນດົງຄໍາຊ້າງ. ຜ່ານມາໜຸ່ມຄົນນີ້ມີຜົນງານການຖ່າຍແບບຈໍານວນບໍ່ໜ້ອຍ ພ້ອມຖ່າຍລະຄອນເພງຈໍານວນໜຶ່ງ. ຕໍ່ກັບການກຽມຕົວເຂົ້າຮ່ວມປະກວດຢູ່ທີ່ບາງກອກ ໜຸ່ມລິນຕະໃຫ້ຮູ້ວ່າ: ຕ້ອງໄດ້ປັບຕົວເບິ່ງແຍງຕົວເອງຫລາຍກວ່າເກົ່າບໍ່ວ່າຈະເປັນເລື່ອງອອກກຳລັງກາຍ ຮຽນຮູ້ເພີ່ມເຕີມກຽວກັບວັດທະນະທຳລາວເພື່ອນໍາໄປໄປເຜີຍແຜ່ສູ່ສາກົນ ໃຫ້ເຂົາເຈົ້າໄດ້ຮັບຮູ້ວັດທະນະທຳລາວຫຼາຍຂຶ້ນ. ແຕ່ທັງນີ້ທັງນັ້ນ …

ໂຄງການປະກວດສາວອວບອ້ວນ ເຮວີຄວີນລາວສາວອວບ 2020 ຖືເປັນອີກໜຶ່ງປະກົດການໃໝ່ໃນເວທີປະກວດນາງສາວງາມ ເປັນການເປີດໂອກາດໃຫ້ສາວອ້ວນ, ສາວຮູບຮ່າງໃຫຍ່ໄດ້ມາສະແດງສັກກະຍະພາບຄວາມຮູ້ຄວາມສາມາດ, ເສີມສ້າງຄວາມໝັ້ນໃຈໃຫ້ພວກເຂົາເຫຼົ່ານັ້ນກ້າສະແດງອອກ ໃນສິ່ງທີ່ຕົນເອງມີຢູ່. ທ່ານ ອໍາໄພວັນ ສຸວັນທອນ ປະທານບໍລິສັດ ມີສບິວຕີ້ ພາວເວີລາວ ຈໍາກັດ ແລະ ຍັງເປັນປະທານໂຄງການ ເຮວີຄວີນລາວສາວອວບ 2020 ໃຫ້ສໍາພາດແກ່ທີມຂ່າວບັນເທີງພວກເຮົາວ່າ: ການຈັດໂຄງການປະກວດນີ້ມີ 2 ຈຸດປະສົງຫຼັກກໍ່ຄື ເປີດໂອກາດໃຫ້ສາວອ້ວນ, ສາວຮູບຮ່າງໃຫຍ່ໄດ້ມາສະແດງສັກກະຍະພາບຄວາມຮູ້ຄວາມສາມາດ, ເສີມສ້າງຄວາມໝັ້ນໃຈໃຫ້ພວກເຂົາເຫຼົ່ານັ້ນກ້າສະແດງອອກ ໃນສິ່ງທີ່ຕົນເອງມີຢູ່ ແລະ ອີກໜຶ່ງຈຸດປະສົງແມ່ນສົ່ງເສີມໃຫ້ນາງສາວເຫຼົ່ານີ້ເປັນກະບອກສຽງພ້ອມເປັນຕົວແທນລົງພື້ນທີ່ໃຫ້ຄວາມຊ່ວຍເຫຼືອສັງຄົມ. ແນວໃດກໍ່ຕາມ ຫຼັງຈາກທີ່ມີການປະກາດຮັບສະໝັກຜ່ານທາງເພຈ Heavy Queen Laos ໂຄງການດັ່ງກ່າວແມ່ນໄດ້ຮັບສຽງຕອບຮັບດີຫຼາຍຈາກສາວອວບໃນທົ່ວປະເທດ ໂດຍມີຜູ້ສະໝັກເຂົ້າຮ່ວມເຖິງ 500ກວ່າຄົນ. ແຕ່ທັງນີ້ທັງນັ້ນ ທາງໂຄງການໄດ້ຄັດເລືອກມາໄດ້ຈໍານວນ 27 ທ່ານທີ່ປ່ຽມລົ້ນໄປດ້ວຍຄຸນນະພາບ ເພື່ອຂຶ້ນເວທີ Heavy Queen Laos ປີນີ້. ຫຼ້າສຸດ, ວັນທີ 6 ກໍລະກົດ …