Home

ວັນອາທິດ ດ້ານວຽກງານມີບັນຫາຄາລາຄາຊັງ ຄາດຫວັງຫຍັງບໍ່ໄດ້ເລີຍ ດ້ານການເງິນຍັງມີລາຍໄດ້ເຂົ້າມາເລື້ອຍໆ ແຕ່ຕ້ອງດຸໝັ່ນເປັນພິເສດແດ່ ເພາະຈະຫວັງເພິ່ງໂຊກທາງດ້ານການສ່ຽງດວງໄລຍະນີ້ແມ່ນບໍ່ມີ, ດ້ານຄວາມຮັກສຳລັບຄົນທີ່ມີຄູ່ຍັງມີບັນຫາທີ່ບໍ່ເຂົ້າໃຈກັນໃນຫຼາຍໆເລື່ອງ ສ່ວນຄົນໂສດຍັງບໍ່ມີເກນພົບຄົນທີ່ຖືກໃຈ. ວັນຈັນ ດ້ານວຽກງານຈະມີບັນຫາເຮັດໃຫ້ຊັກຊ້າ ເພາະເພື່ອນຮ່ວມງານ, ດ້ານການເງິນຍັງຢູ່ໃນເກນທີ່ຄົງຕົວ ສ່ວນຄົນທີ່ຫວັງຢາກໄດ້ເງິນທີ່ໃຫ້ຄົນຢືມແມ່ນຍັງຕ້ອງໄດ້ລໍຖ້າ ຄົນທີ່ຢືມເງິນອາດຈະເລື່ອນນັດໄປເລື້ອຍໆ, ດ້ານຄວາມຮັກຄົນທີ່ມີຄູ່ມີບັນຫາຜິດຖຽງຍ້ອນເລື່ອງມືທີ່ສາມ ສ່ວນຄົນໂສດແມ່ນຕ້ອງໂສດໄປເລື້ອຍໆເລີຍຊ່ວງນີ້. ວັນອັງຄານ ດ້ານວຽກງານສິ່ງທີ່ລໍຖ້າ ແລະ ຄາດຫວັງກັບພັງທະລາຍລົງບໍ່ເປັນທ່າ ຕ້ອງໄດ້ເລີ່ມຕົ້ນເຮັດໂປເຈັກໃໝ່ທັງໝົດ ຄວນມີສະຕິແກ້ໄຂບັນຫາໃຫ້ດີ, ດ້ານການເງິນເຮັດວຽກຫຼາຍແຕ່ລາຍໄດ້ເທົ່າເດີມ ຄວນຊອກຫາວຽກເສີມ, ດ້ານຄວາມຮັກຄົນທີ່ມີຄູ່ຮັກກັນຫວານຊື່ນ ສ່ວນຄົນໂສດຊ່ວງນີ້ເປັນຄົນໂສດທີ່ມີສະເໜ່ສຸດໆ. ວັນພຸດ ດ້ານວຽກງານຈະມີເລື່ອງທີ່ເຮັດໃຫ້ເຂົ້າໃຈຜິດກັບເພື່ອນຮ່ວມງານ ແຕ່ກໍ່ບໍ່ມີເລື່ອງຮ້າຍແຮງ, ດ້ານການເງິນຈະມີລາຍໄດ້ເຂົ້າມາຈາກວຽກທີ່ທ່ານກຳລັງເຮັດຢູ່, ດ້ານຄວາມຮັກຄົນທີ່ມີຄູ່ຄິດຫຼາຍເກີນໄປລະແວງໄປໝົດທຸກຢ່າງ ສ່ວນຄົນໂສດມີເກນຈະພົບຄົນທີ່ຖືກໃຈ. ວັນພະຫັດ ດ້ານວຽກງານວຸ້ນວາຍກັບເລື່ອງບໍ່ເປັນເລື່ອງ ເພື່ອນຮ່ວມງານກໍ່ເຮັດວຽກບໍ່ໄດ້ໃຈເຮົາ ຕ້ອງໄດ້ລົງມືເຮັດເອງ, ດ້ານການເງິນກຳລັງຈະມີໂຊກໃຫ່ຍ ໃຫ້ໝັ່ນເຮັດບຸນເພື່ອເສີມດວງ, ດ້ານຄວາມຮັກຄົນທີ່ມີຄູ່ຫວັ່ນໄຫວກັບຄົນທີ່ເຂົ້າມາ ຈົນອາດເຮັດໃຫ້ຄົນຮັກຜິດໃຈ ສ່ວນຄົນໂສດລະວັງຈະໄປພົວພັນກັບຄົນທີ່ມີເຈົ້າຂອງແລ້ວ. ວັນສຸກ ດ້ານວຽກງານດຳເນີນໄປໄດ້ດ້ວຍດີ ບໍ່ມີບັນຫາຫຍັງມາກວນໃຈ, ດ້ານການເງິນດີແບບບໍ່ເຄີຍມີມາກ່ອນ ຈະເຮັດຫຍັງກໍຂຶ້ນໃນມື້ນີ້, ດ້ານຄວາມຮັກຄົນທີ່ມີຄູ່ຮັກກັນເລື້ອຍໆ ເຖິງຈະບໍ່ຄ່ອຍມີເວລາບອກຮັກກັນຄືແຕ່ກ່ອນ ແຕ່ກໍ່ເຂົ້າໃຈກັນດີ ສ່ວນຄົນໂສດເຖິງຈະໂສດແຕ່ກໍ່ມີຄົນລົມຫົວໃຈບໍ່ມີເຫງົາ. …

ມາແຮງຫຼາຍ! ນຸ້ຍ ສຸພາພອນ ສົມວິຈິດ Miss Universe Laos 2017 ຮ່ວມງານກັບຊຸບເປີສະຕາເບີຕົ້ນໆຂອງປະເທດເພື່ອນບ້ານ ໃນວັນທີ 1 ເມສາ 2018 ຫຼາກຫຼາຍຄົນເຊັ່ນ: ພອຍ ເຊີມານ, ລີເດຍ ສະລັນລັດ, ແພັດ ນະປະພາ, ປັ້ນຈັ່ນ ປໍລະມະ, ເບວລ່າ ລານີ ແຄມເປນ, ໂປບ ທະນະວັນ  ແລະ ຍັງມີເຫຼົ່າເຊເລບຄົນດັງອີກຫຼາຍທ່ານທີ່ມາຮ່ວມໃນງານໃນຄັ້ງນີ້. ເຊິ່ງງານນີ້ ນຸ້ຍ ສຸພາພອນ ກໍໄດ້ຮ່ວມເດີນແບບ ແລະ ຮ່ວມເຟມຖ່າຍຮູບໂດຍໂພສທ່າແບບມືອາຊີບແບບບໍ່ໜ້ອຍໜ້າເຫຼົ່າຊຸບເປີສະຕາຝັ່ງໄທ, ລອງມາເບິ່ງກັນເລີຍ!!! ຮູບພາບ: Nui Souphaphone (ຂ່າວທີ່ກ່ຽວຂ້ອງ) ກຳລັງເປັນກະແສ! ນຸ້ຍ ສຸພາພອນ ຮ່ວມງານກັບສອງຊຸບຕາ ແມ່ກາລະເກດ ແລະ ພີ່ໝື່ນ ຄູ່ພະນາງຈາກລະຄອນ “ບຸບເພສັນນິວາດ”

ກຳລັງເປັນກະແສ! ນຸ້ຍ ສຸພາພອນ ສົມວິຈິດ Miss Universe Laos 2017 ຮ່ວມງານກັບສອງຊຸບເປີ້ສະຕາ ເບວລ່າ ລານີ ແຄມເປນ ແລະ ໂປບ ທະນະວັນ ຫຼື ແມ່ກາລະເກດ ແລະ ພີ່ໝື່ນ ຄູ່ພະນາງຈາກລະຄອນທີ່ກຳລັງເປັນກະແສໄປທົ່ວບ້ານທົ່ວເມືອງໃນເວລານີ້ “ບຸບເພສັນນິວາດ” ໃນວັນທີ 1 ເມສາ 2018 ຢູ່ທີ່ປະເທດເພື່ອນບ້ານ, ເຊິ່ງງານນີ້ ນຸ້ຍ ສຸພາພອນ ກໍຍັງມີໂອກາດໄດ້ຮ່ວມງານ ແລະ ຖ່າຍຮູບຮ່ວມເຟມດຽວກັນກັບຊຸບຕາທັງສອງ ງານນີ້ແຟນຄລັບທັງລາວ ແລະ ໄທ ກຣີດກຣາດກັນແນ່ນອນ!!! ຮູບພາບ: Nui Souphaphone

ຖາມເຂົ້າມາກັນຫຼາຍເລີຍ…ເພາະວ່າແຟນຄລັບສ່ວນຫຼາຍທີ່ເຂົ້າໄປສ່ອງໂປຟາຍຂອງ ສາວ ມາລີ ນົບພະລັດ ສີໄກພັກ ມິສແກຣນລາວ 2018 ກໍຈະເຫັນໝຸ່ມມາດສຸດອົບອຸ່ນຖ່າຍຮູບຄູ່ກັບ ສາວ ມາລີ ເລື້ອຍໆ ແລະ ຍັງຝາກໃຫ້ ຊະນີIndy ໄປຂຸດຄົ້ນ…ເອີ້ຍໄປລອງສ່ອງໂປຟາຍຂອງສາວງາມຄົນນີ້ມາຝາກແຟນໆກັນແດ່… ຫຼັງຈາກທີ່ໄດ້ໄປສ່ອງແລ້ວຮູ້ສຶກວ່າ ໂຕອອກຮ້ອນ ໜ້າມືດ (ຮາາາາາ) ເພາະ ຊະນີIndy ໄດ້ເຂົ້າໄປແລ້ວຮູ້ສຶກເຖິງໂລກສີບົວ ຮູ້ສຶກເຖິງພະລັງຂອງຄວາມຮັກ ເພາະນອກຈາກຮູບຄູ່ທີ່ສຸດຫວານແລ້ວ ແຄັບຊັ່ນຂອງເພິ່ນກໍເອີ້ນໄດ້ວ່າ ຂ້າຄົນໂສດແບບໄທເຮົາເຈົ້າຂ້ອຍອີ່ຫລີເລີຍເດີ້… ລອງມາເບິ່ງນຳກັນເດີ້ຖ້າບໍ່ົເຊື່ອ??? “ຄົນຂອງຫົວໃຈ” ເປັນແຄັບຊັ່ນທີ່ຫວານສຸດໆ “ຜົມຮັກຄຸນ” ຄົງບໍ່ຕ້ອງເວົ້າຫຍັງຫຼາຍເນາະ ຊັດເຈນປານນີ້…   “A little love but forever”    “LOVE”  ຊັດເຈນປານນີ້ຫາຍສົງໃສກັນໄດ້ແລ້ວເດີ້ແຟນໆ ໜຸ່ມນ້ອຍ ໜຸ່ມໃຫ່ຍ ທັງຫຼາຍກໍໝົດສິດໃນເວລາດຽວກັນ ເພາະສາວ ມາລີ ນົບພະລັດ ມິດແກຣນລາວ 2018 ເພິ່ນມີຫວານໃຈຕົວຈິງສຽງຈິງແລ້ວເດີ້, …

ວັນອາທິດ ໃນມື້ນີ້ອາດມີເລື່ອງທີ່ເຮັດໃຫ້ເຂົ້າໃຈຜິດ ແລະ ເຮັດໃຫ້ຄິດຫຼາຍ ທັງໃນເລື່ອງວຽກ ແລະ ເລື່ອງຂອງຄອບຄົວຄົນທາງບ້ານ ຄົນທີ່ເຮັດທຸລະກິດມື້ນີມີເກນຄ້າຂາຍໄດ້ກຳໄລດີ, ຄວາມຮັກຄົນມີຄູ່ຮັກ ແລະ ເຂົ້າໃຈກັນດີ ສ່ວນຄົນໂສດຖ້າຫາກກຳລັງແອບມັກໃຜໃຫ້ລຸຍໂລດມີເກນສົມຫວັງດັ່ງໃຈ. ວັນຈັນ ໃນມື້ນີ້ຍັງມີເລື່ອງທີ່ເຮັດໃຫ້ຫຍຸ້ງຍາກໃຈ ແລະ ຄິດຫຼາຍຈົນເກີນໄປ ມີເກນມີໂຊກທາງດ້ານການສ່ຽງດວງ, ຊ່ວງນີ້ເຈັບອອດໆແອດໆໃຫ້ມັ່ນອອກກຳລັງກາຍແດ່ ເພື່ອສຸຂະພາບທີ່ດີ, ຄວາມຮັກຄົນມີຄູ່ຈະມີເລື່ອງທີ່ເຮັດໃຫ້ເຂົ້າໃຈຜິດ ສ່ວນຄົນໂສດຍັງເປັນຄົນໂສດ #2018 ຕໍ່ໄປ. ວັນອັງຄານ ໃນມື້ນີ້ເລື່ອງວຽກເປັນວຸ້ນໆແດ່ ເພາະມີວຽກເຂົ້າມາຫຼາຍ ແລະ ເຮັດຄົນດຽວບໍ່ມີໃຜຊ່ວຍ, ເລື່ອງການເງິນມີລາຍຈ່າຍເຂົ້າມາເລື່ອຍໆໝົດເງິນໄປກັບເລື່ອງທີ່ບໍ່ເປັນປະໂຫຍດ ແຕ່ກໍ່ບໍ່ໄດ້ມີຜົນຫຍັງຍັງມີເງິນໃຊ້ບໍ່ຂາດມື, ຄວາມຮັກຄົນທີ່ມີຄູ່ບໍ່ມີເວລາໃຫ້ກັນເພາະຕ່າງຄົນຕ່າງຫຍຸ້ງວຽກ ສ່ວນຄົນໂສດມີເກນຈະມີຄົນເຂົ້າມາຈີບ ດີບໍ່ດີຈະໄດ້ແຟນໄປຄວງໃນຊ່ວງປີໃໝ່ລາວແນ່ນອນ. ວັນພຸດ ໃນມື້ນີ້ເລື່ອງວຽກງານດຳເນີນໄປຢ່າງສະດວກສະບາຍ ມີຄົນຍື່ນມືເຂົ້າມາຊ່ວຍ ແລະ ໃຫ້ຄຳປຶກສາ, ດ້ານການເງິນຕ້ອງດຸໝັ່ນເຮັດວຽກຈຶ່ງຈະມີລາຍໄດ້ເຂົ້າມາ ແຕ່ຕ້ອງລະວັງເລື່ອງສຸຂະພາບເພາະເຮັດວຽກຫຼາຍຈົນບໍ່ມີເວລາເບິ່ງແຍງສຸຂະພາບຕົວເອງ, ດ້ານຄວາມຮັກຄົນທີ່ມີຄູ່ຮັກກັນຫວານຊື່ນ ສ່ວນຄົນໂສດລະວັງຈະມີຮັກຊ້ອນ ແລະ ເກີດເປັນຮັກສາມເສົ້າ ເພາະຄົນທີ່ເຂົ້າມາອາດເປັນຄົນທີ່ມີເຈົ້າຂອງແລ້ວ. ວັນພະຫັດ ໃນມື້ນີ້ເລື່ອງວຽກງານຍັງຄົງເດີນໜ້າ ມີເກນໄດ້ວຽກໃຫ່ຍ ຮັບໂປເຈັກທີ່ທ້າທາຍກວ່າທີ່ເຄີຍເຮັດມາ, ດ້ານການເງິນມີໂຊກເຂົ້າມາເລື່ອຍໆ …