Home

​ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ເຂົ້າໃຫ້ກຳລັງໃຈ ຄົນເຈັບທີ່ຕິດເຊື້ອພະຍາດໂຄວິດ-19 ແລະ ແພດໝໍທີ່​ກຳ​ລັງປິ່ນປົວຄົນເຈັບທີ່​ຕິດ​ເຊື້ອພະຍາດດັ່ງກ່າວທີ່ໂຮງໝໍມິດຕະພາບ, ໃນຂະທີ່ຄົນເຈັບຕິດເຊື້ອພະຍາດໂຄວິດ-19 ທີ່ນອນປິ່ນປົວຍັງເຫຼືອ 11 ຄົນ, ຊຶ່ງ​ອາການຂອງແຕ່ລະຄົນຢູ່ໃນຂັ້ນຊົງຕົວເບົາບາງ. ທ່ານ ນາຍົກລັດຖະມົນຕີ ພ້ອມຄະນະສະເພາະກິດປ້ອງກັນ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໄດ້ຢ້ຽມຢາມໃຫ້ຂັວນກຳລັງໃຈ ແພດໝໍ ແລະ ຄົນເຈັບ ເມື່ອວັນທີ 27ເມສາ ທີ່ໂຮງໝໍມິດຕະພາບ ໂດຍໃຫ້ການຕ້ອນຮັບ ຂອງທ່ານ ສະໜອງ ທອງຊະນະ ຜູ້ອຳນວຍການໂຮງໝໍມິດຕະພາບ ພ້ອມຄະນະ ແລະ ພະນັກງານແພດໝໍ ທ່ານ ສະ​ໜອງ ທອງຊະນະ ໄດ້ລາຍງານໂດຍຫຍໍ້ ໃຫ້ທ່ານ ນາຍົກລັດຖະມົນຕີ ພ້ອມຄະນະຊາບວ່າ: ປັດຈຸບັນໂຮງໝໍມິດຕະພາບຍັງພວມສືບຕໍ່ປິ່ນປົວຄົນເຈັບທີ່ຕິດເຊື້ອພະຍາດໂຄວິດ-19 ຈຳນວນ 11 ຄົນ ຊຶ່ງອາການຂອງແຕ່ລະຄົນແມ່ນຢູ່ຂັ້ນຊົງຕົວເບົາບາງ ພ້ອມນີ້, ຍັງສືບຕໍ່ເຝົ້າລະວັງ ແລະ ຄັດກອງຄົນເຈັບກໍລະນີສົງໃສເພື່ອກວດຫາເຊື້ອພະຍາດດັ່ງກ່າວ …

ຊ່າງ ວິລະເດດ ໜື່ງໃນຜູ້ເຊື້ອໂຄວິດ-19 ຢູ່ໃນ ສປປ ລາວ ກໍລະນີທີ 1 ທີ່ໄດ້ຮັບການເຂົ້າປິ່ນປົວຢູ່ໂຮງໝໍມິດຕະພາບເລີ່ມແຕ່ວັນທີ 24 ມີນາ 2020 ຈົນມາຮອດວັນທີ 25 ເມສາ 2020 ຜູ້ກ່ຽວໄດ້ຮັກສາຕົວເປັນເວລາດົນກວ່າ 34 ມື້  ຫຼ້າສຸດ ຊ່າງ ວິລະເດດ ກໍໄດ້ປິ່ນປົວ ແລະ ເອົາຊະນະຈາກໂລກພະຍາດດັ່ງກ່າວຈົນຫາຍດີ! ວັນທີ 25 ເມສາ 2020 ທີ່ຜ່ານມາ ຊ່າງ ວິລະເດດ ກໍໄດ້ອອກຈາກໂຮງໝໍ ແລະ ໄດ້ໂພສຄວາມໃນໃຈຂອງຕົນເອງຜ່ານເຟສບຸກສ່ວນຕົວວ່າ… “34 ມື້ທີ່ຢູ່ໂຮງຫມໍ, 34 ມື້ທີ່ຮູ້ສຶກວ່າ ດົນ ແລະ ຍາວນານທີ່ສຸດໃນຊີວິດທີ່ໄດ້ຮັກສາຕົວເອງໃນໂຮງຫມໍ. ມາຮອດມື້ນີ້, ມື້ທີ່ຊ່າງເອງລໍຄອຍ ແລະ ພາວະນາຢູ່ທຸກມື້, ກາໄດ້ກາຍມາເປັນຄວາມຈິງ, ຊ່າງໄດ້ຮັກສາຫາຍດີຈາກCovid 19 ແລ້ວ 100% ແລະ …

ໃນສະຖານະການບ້ານເມືອງກຳລັງຕໍ່ສູ້ກັບວິກິດໂລກລະບາດພະຍາດໂຄວິດ-19 ແບບນີ້ ຫຼາຍພາກກໍໄດ້ໃຫ້ການຊ່ວຍເຫຼືອ ແລະ ສົ່ງກຳລັງໃຈໃຫ້ທັງຜູ້ຕິດເຊື້ອ ແລະ ພາກສ່ວນທີ່ກຳລັງປະຕິບັດໜ້າທີ່ຂອງຕົນເອງໃນຊ່ວງວິກິດນີ້ໂດຍສະເພາະແມ່ນແພດໝໍຂອງພວກເຮົາທີ່ກຳລັງປະຕິບັດໜ້າຕົນເອງເກືອບຕະຫຼອດ 24 ຊົ່ວໂມງ… ເຊິ່ງຕອນນີ້ຫຼາຍຄົນບໍ່ວ່າຈະເປັນສິນລະປິນ, ນັກຮ້ອງ ແລະ ພາກສ່ວນອື່ນ…ກໍໄດ້ແຕ່ງເພງຂຶ້ນມາຂັບຮ້ອງຜ່ານສຽງເພງເພື່ອໃຫ້ກຳລັງໃຈທຸກພາກສ່ວນຢ່າງຫຼວງຫຼາຍ ຫຼ້າສຸດກໍມີທ່່ານໝໍຄົນໜື່ງຊື່  ທ່ານໝໍ ສົມໄຫວ ໄດ້ຝາກອີກ 1 ບົດເພງ “ແຮງໃຈຈາກໝໍ” ເພື່ອເປັນກຳລັງໃຈໃຫ້ທຸກໆພາກສ່ວນທີ່ກຳລັງຕໍ່ສູ້ກັບວິກິດ ໂຄວິດ19 ທີ່ກຳລັງລະບາດໃນຕອນນີ້… ເຮົາໄປຟັງນໍາກັນເລີຍ!!! ແຫລ່ງຂໍ້ມູນ: Somvai Singhaxaiyaseng  

ເມື່ອວັນທີ 24 ເມສາ ທີ່ຜ່ານມາ ວົງການເພງລາວເຮົາໄດ້ສູນເສຍສິນລະປິນໃນຕໍານານ ຢ່າງ ກິດາວເພັດ ໜູຫ່ວງ  ຫົວໜ້າວົງດົນຕີໃຫຍ່ ໜຸ່ມໂກສິນ ທີ່ໄດ້ຈາກໄປດ້ວຍພະຍາດສ່ວນຕົວຂອງຜູ້ກ່ຽວເອງ  ໄດ້ສ້າງຄວາມສະເທືອນໃຈໃຫ້ຄົນທັງປະເທດ ບໍ່ວ່າຈະເປັນຫມູ່ເພື່ອນໃນວົງການ ແລະ ບັນດາແຟນຄລັບ ທີ່ສິນລະປິນໃນດວງໃຈໄດ້ເສຍໄປຢ່າງກະທັນຫັນແລະ  ແນ່ນອນວ່າຄົນທີ່ເສຍໃຈທີ່ສຸດນັ້ນກໍຄື ຄອບຄົວ ຂອງນັກຮ້ອງ ໜຸ່ມ ກິດາວເພັດ ໜູຫ່ວງ ນັ້ນເອງ ເຊິ່ງວັນທີ 27 ເມສາ 2020 ກໍເປັນມື້ສົ່ງສະການ.  ເມຍ ແລະ ລູກ ກໍໄດ້ໂພສໄວ້ອາໄລຜູ້ເປັນຜົວ ແລະ ພໍ່ ສຸດທີ່ຮັກເປັນຄັ້ງສຸດທ້າຍວ່າ: ມື້ນີ້ເປັນມື້ສຸດທ້າຍແລ້ວທີ່ເຈ້າກັບຂ້ອຍຈະໄດ້ຢູ່ຮ່ວມກັນຊາດນີ້ທັງຊາດຄົງເຫຼືອໄວ້ພຽງແຕ່ຄວາມຮັກແລະຄິດຮອດທີ່ສຸດແສນທໍ່ລະມານຕະຫລອດຊີວິດຂອງຂ້ອຍແລະລູກທັງ4ນັບຈາກນີ້ໄປຂ້ອຍຕ້ອງໃຊ້ຊີວິດທີ່ໂດດດຽວແລະມຶດມົນປານຄົນຕາຍທັງເປັນບົນເສັ້ນທາງທີ່ບໍ່ມີເຈົ້າລັບໃຫ້ສະບາຍເດີ້ສຸດທີ່ຮັກຂອງເມຍແລະລູກ ຂວັນໃຈ ຂໍສະແດງຄວາມເສຍໃຈນໍາຄອບຄົວທີ່ໄດ້ສູນເສຍບຸກຄົນອັນເປັນແສນຮັກທີ່ສຸດໃນຄັ້ງນີ້ ຂໍໃຫ້  ໜຸ່ມ ກິດາວເພັດ ໜູຫ່ວງ ຫຼັບໃຫ້ສະບາຍເດີ້ ແຫລ່ງຂໍ້ມູນ: Khamphoud Nouhouang

ເນື່ອງຈາກການລະບາດຂອງພະຍາດໂຄວິດ-19 ທົ່ວໂລກ ລວມທັງ ສປປ ລາວຂອງພວກເຮົາ  ເຮັດໃຫ້ນັກຮ້ອງຈາກຫຼາຍປະເທດຮ່ວມກັນແຕ່ງເພງເພື່ອລະດົມປະຊາຊົນ ໃຫ້ຮ່ວມໃຈກັນຢູ່ເຮືອນ ຫຼຸດການແຜ່ລະບາດຂອງພະຍາດໂຄວິດ-19 ຫຼ້າສຸດ ນັກຮ້ອງດັງຈາກປະເທດໄທ ຢ່າງ ຕິກ ຊີໂຣ່ ກໍໄດ້ແຕ່ງເພງ “ຢູ່ກັບບ້ານ” ເພື່ອເປັນການປຸກລະດົມໃຫ້ປະຊາຊົນຢູ່ເຮືອນ ໃນຊ່ວງທີ່ມີການລະບາດຂອງພະຍາດໂຄວິດ-19 ເພາະການອອກໄປນອກ ຈາກເປັນການອອກໄປຮັບເຊື້ອໄດ້ ຜົນງານເພງດັ່ງກ່າວ  ໄດ້ຖືກຮ້ອງເປັນຫຼາຍພາສາຈາກທົ່ວໂລກ ແລະ ສຳລັບປະເທດລາວເຮົາ ກໍ່ໄດ້ຮັກຮ້ອງສາວສຽງຫວານຢ່າງ “ແພັດ ເພັດດາວອນ” ທີ່ຫຼາຍໆຄົນຮູ້ຈັກກັນດີ ມາຖ່າຍທອດຜົນງານເພງອອກມາເປັນພາສາລາວໄດ້ຢ່າງມ່ວນຫູ ເພງຈະມ່ວນ ແລະ ປະທັບໃຈຫຼາຍປານໃດນັ້ນ ລອງໄປຟັງນໍາກັນເລີຍ ແຫລ່ງຂໍ້ມູນ: InsideLaos.com