ເອີ້ນໄດ້ວ່າເກີດທຸກບົດບາດອີ່ຫຼີສໍາລັບສາວງາມຄົນນີ້!!! ໝໍແນ່ງ ຈັນດາລີ ສິດພະໄຊ ທີ່ເປັນທັງ Net Idol, ພຣີເຊັນເຕີ່ໂຄນາ ແລະ ນັກສະແດງ ເຊິ່ງຜົນງານແຕ່ລະຢ່າງຂອງ ໝໍແນ່ງ ນັ້ນຖືວ່າປັງທຸກງານເລີຍຈ່າ ແລະ ຫຼ້າສຸດກໍໄດ້ມີຜົນງານການສະແດງເປັນນາງເອກໃນຮູບເງົາເລື່ອງ “ດອກຈໍາປາບານ” ກໍຕິດອັນດັບຮູບເງົາທີ່ໄດ້ຮັບຄວາມສົນໃຈແຫ່ງປີທີ່ກໍາລັງຈະເຂົ້າສາຍໃນໄວໆນີ້!!! ສໍາລັບຮູບເງົາເລື່ອງ “ດອກຈຳປາບານ” ຖືກຍົກໃຫ້ເປັນຮູບເງົາທີ່ໄດ້ຮັບຄວາມສົນໃຈຫຼາຍທີ່ສຸດໃນປີ 2019 ເພາະໄດ້ນັກສະແດງນໍາຄື ໝໍແຫນ່ງ (ຈັນດາລີ ສິດພະໄຊ ) ມາເປັນນາງເອກ, ພະເອກຄື Mr.Ma ziluo (ຈາກປະເທດຈີນ) ແລະ ນັກສະແດງນຳອີກຫຼາກຫຼາຍທ່ານທີ່ມີຄວາມສາມາດ ມາຮ່ວມຖ່າຍທອດບົດເລື່ອງລາວໃນຮູບເງົາດັ່ງກ່າວ!!! ນາງ ຈັນດາລີ ສິດພະໄຊ ຮັບບົດເປັນ ຈໍາປາ (ນາງເອກ) Mr.Ma ziluo ຮັບບົດເປັນ Shenxiang (ພະເອກ) “ດອກຈຳປາບານ” ເປັນຮູບເລື່ອງທຳອິດ ທີ່ຖ່າຍທອດເຖິງຄວາມຮັກຂອງຄົນສອງລຸ້ນ ເປັນຮູບເງົາ ຕ້ອນຮັບພະນະທ່ານ ສີຈິ້ນຜິງ …

ຜ່ານພົ້ນໄປກັບການປະກວດສາວງາມ Miss Teen Laos 2019 ປີທຳອິດທີ່ມີເວທີການປະກວດນີ້ໃນລາວ. ເຊິ່ງໃນຮອບມື້ຕັດສິນໃນຄໍ່າຄືນຂອງວັນທີ 8 ກັນຍາ 2019 ທີ່ຜ່ານມາຢູ່ທີ່ສູນການຄ້າໄອເຕັກຕຶກເກົ່າ  ແລະ ກໍສະແດງ ຄວາມຍີນດີກັບ #ມີສທີນລາວ2019  ຄົນທຳອິດຂອງປະເທດລາວ ໄດ້ແກ່ສາວງາມ ໝາຍເລກ MTL02 ນ້ອງ ໂສລະຍາ ຄອນດີ (ລິນ) ອາຍຸ 16 ປີ ທີ່ສາມາດເອົາຊະນະໃຈກຳມະການໄປໄດ້ ແລະ ຄວ້າມຸງກຸດ ມູນຄ່າ 80 ລ້ານກີບໄປຄອງ.  ນອກນີ້ ສາວງາມຄົນເກັ່ງຍັງຄວບອີກສອງລາງວັນພິເສດໄປຕື່ມອີກຄື ລາງວັນຂວັນໃຈຊ່າງພາບ ແລະ ລາງວັນ Miss HealThy.  ທ່ານ ສາມາດເຂົ້າໄປສ່ອງ ແລະ ຕິດຕາມການເຄື່ອນໄຫວ ນ້ອງລິນ ທາງເຟສບຸກສ່ວນຕົວໄດ້ ຕາມນີ້ເລີຍຈະ:  Soraya’s Conde ຂໍ້ມູນ ແລະ ຮູບພາບຈາກເພສ Miss TEEN LAOS

ສະແດງຄວາມຍິນດີ!!! ວົງ LAO JAZZANOVA ຕົວແທນປະເທດລາວວົງທໍາອິດ ໄປສະແດງໃນງານເທສະການດົນຕຣີແຈ໊ສນານາຊາດ ທີ່ປະເທດ ມົງໂກລ… ເຖິງວ່າປະເທດລາວຈະເປັນປະເທດນ້ອຍໆໃນອາຊີຕາເວັນອອກສຽງໃຕ້ ທີ່ຖືວ່າເປັນປະເທດທີ່ກໍາລັງພັດທະນາ ແຕ່ຍັງຄົງເຊື່ອສະເໝີວ່າ ຄົນລາວເຮົາເກັ່ງບໍ່ແພ້ຊາດໃດໃນໂລກ ເພາະສັງເກດໄດ້ຈາກວ່າ ງານເທສະການ, ການແຂ່ງຂັນທີ່ຖືກຈັດຂຶ້ນໃນລະດັບຊາດ ຫຼືລະດັບສາກົນຫຼາຍໆງານ ເຮົາກໍຈະເຫັນໄວໜຸ່ມລາວເຮົາເຂົ້າຮ່ວມຢ່າງບໍ່ຂາດສາຍ!!! ແລະ ເມື່ອບໍ່ດົນມານີ້ ໃນເທສະການດົນຕຣີແຈ໊ສນານາຊາດ ທີ່ຈັດຂຶ້ນຢູ່ທີ່ປະເທດມົງໂກລ ໃນວັນທີ 23-31 ສິງຫາທີ່ຜ່ານມາ ກໍເຫັນມີວົງດົນຕຣີ Lao Jazzanova ເຊິ່ງເປັນວົງຂອງຄົນລາວຂຶ້ນຮ່ວມສະແດງເທິງເວທີນໍາ ແລະ ຖືເປັນຄັ້ງທໍາອິດທີ່ນັກຮ້ອງລາວ, ວົງດົນຕຣີລາວໄດ້ເຂົ້າຮ່ວມສະແດງໃນງານເທສະການດົນຕຣີແຈ໊ສນີ້!!! ວົງດົນຕຣີ Lao Jazzanova ຖືເປັນອີກວົງໜຶ່ງທີ່ມີຄວາມສາມາດໃນການຫຼິ້ນດົນຕຣີແນວແຈ໊ສ ໂດຍລວມມີ 1 ສາວ ແລະ 3 ໜຸ່ມ ເຊິ່ງມີຜົນງານເພງທີ່ຫຼາກຫຼາຍຢູ່ໃນ You Tube, ຕາມງານເທສະການດົນຕຣີແຈ໊ສຕ່າງໆ…  ສໍາລັບດົນຕຣີແຈ໊ສນັ້ນຈະມີຄວາມພິເສດຈາກດົນຕຣີແນວອື່ນໆຈັກເລັກໜ້ອຍ ດ້ວຍທ່ວງທ່າ ແລະ ທໍານອງທີ່ມີເອກະລັກຄື ຄວາມຄລາສສິກ ແຕ່ສາມາດເຮັດຜູ້ຊົມທີ່ມັກຮັກນັ້ນອິນ …

ຈາກເຫດການນໍ້າຖ້ວມ “ອັດຕະປື” ທີ່ໄດ້ຮັບຜົນກະທົບຢ່າງຮຸນແຮງຈົນກາຍເປັນປະຫວັດສາດຂອງລາວໄປໃນປີກາຍນີ້ ແລະ ມັນຍັງເປັນທີ່ຈົດຈໍາຂອງຄົນລາວຈົນມາຮອດທຸກມື້ນີ້ໂດຍບໍ່ມີວັນລືມ. ແຕ່ກໍດັ່ງທີ່ຮູ້ກັນວ່າ “ນໍ້າຖ້ວມ” ເປັນໄພພິບັດທາງທໍາມະຊາດທີ່ບໍ່ໃຜຢາກໃຫ້ເກີດຂຶ້ນ ເພາະເມື່ອເກີດຂຶ້ນແລ້ວມັນໄດ້ສ້າງຄວາມເສຍຫາຍຢ່າງມະຫາສານແກ່ສະພາບແວດລ້ອມ, ຊັບສິນຂອງຊາດກໍຄືຂອງປະຊາຊົນ ລວມໄປເຖິງ ຊີວິດຂອງປະຊາຊົນເອງ, ແຕ່ທໍາມະຊາດກໍຄືທໍາມະຊາດເຮົາບໍ່ສາມາດຫ້າມມັນໄດ້ ເມື່ອເກີດຂຶ້ນມາແລ້ວ ຜູ້ທີ່ໄດ້ຮັບຄວາມເສຍຫາຍກໍຕ້ອງສູ້ຕໍ່ໄປ ສ່ວນຜູ້ທີ່ບໍ່ໄດ້ຮັບຜົນກະທົບ ກໍບໍ່ໄດ້ປະຖີ້ມກັນຊ່ວຍໄດ້ທາງໃດກໍຊ່ວຍກັນໄປ… ຄືດັ່ງໄລຍະນີ້ທີ່ເກີດມີເຫດການນໍ້າຖ້ວມ 4 ແຂວງ ພາກໃຕ້ຂຶ້ນອີກຄື: ຈໍາປາສັກ, ເຊກອງ, ອັດຕະປື ແລະ ສາລະວັນ. ເຊິ່ງຕອນນີ້ຫຼາຍພາກສ່ວນກໍໄດ້ຍື່ນມືເຂົ້າໄປຊ່ວຍເຫືອທັງແຮງຊັບ ແລະ ແຮງກາຍ… ລວມໄປເຖິງບັນດາຄົນດັງຂອງລາວເຮົາຫຼາຍໆຄົນກໍໄດ້ຍື່ນມືເຂົ້າໄປຊ່ວຍເຫຼືອບໍ່ວ່າຈະເປັນການເປີດຮັບບໍລິຈາກເຄື່ອງນຸ່ງຫົ່ມ, ອຸປະກອນເຄື່ອງໃຊ້ ຫຼືເປັນປັດໃຈຈາກທີ່ຢາກຊ່ວຍເຫຼືອ… ພ້ອມທັງສົ່ງກໍາລັງໃຈໃຫ້ປະຊາຊົນທຸກຄົນຜ່ານພົ້ນອຸປະສັກນີ້ໄປໃຫໄດ້ ເຊິ່ງວ່າຈະມີໃຜແດ່ນັ້ນເຮົາລອງມາເບິ່ງນໍາກັນ!!! #ເລີ່ມຈາກນາງງາມໃຈບຸນຄົນນີ້ ເຈນນີ່ ຕົ້ນຄໍາ Miss World Laos 2017 ທີ່ທຸກງານການກຸສົນນາງຕ້ອງພາດບໍ່ໄດ້!!!   #ໂຄງການນີ້ນໍາທີມໂດຍສາວ ມີ່ມີ່ ສຸດທິດາ ພອນລະສິນ Miss Laos 2018 …

ທຽບກັນເລີຍ! MISS UNIVERSE 8 ປະເທດອາຊຽນ… ໃຜເລີດກວ່າໃຜ??? ຜ່ານໄປແລ້ວສໍາລັບການປະກວດ Miss Universe ຂອງແຕ່ລະປະເທດ ເພື່ອຄັດເລືອກເອົາຕົວແທນຂອງປະເທດໃຜລາວໄປແຂ່ງຂັນໃນເວທີລະດັບສາກົນ… ສໍາລັບປະເທດລາວເຮົາກະໄດ້ສາວງາມຄື ນ້ອງ ເມ ວິຈິດຕາ ພອນວິໄລ ສາວແຂວງບໍລິຄໍາໄຊ ໄປເປັນຕົວແທນໃນການແຂ່ງຂັນລະດັບຊາດ ເພື່ອໄປເຜີຍແຜ່ ແລະ ເອກອ້າງຄວາມເປັນລາວໃຫ້ກັບຕ່າງຊາດ ກໍຄືສາກົນໄດ້ຮັບຮູ້!!! ຈັ່ງໃດແອັດ ແລະ ຄົນລາວທຸກຄົນກໍເຊຍ ນ້ອງ ເມ ວິຈິດຕາ ຢ່າງສຸດໃຈຢູ່ເດີ່, ແຕ່ງານນີ້ກະຄືທີ່ຮູ້ກັນດີວ່າເວທີ Miss Universe ນັ້ນເປັນການແຂ່ງຂັນລະດັບສາກົນ ສະນັ້ນ ແນ່ນອນວ່າ ຕ້ອງມີຫຼາຍປະເທດເຂົ້າຮ່ວມແຂ່ງຂັນ ແລະ ແຕ່ລະປະເທດກໍເລືອກເອົາຄົນທີ່ທັງງາມ, ເກັ່ງ ແລະ ມີຄວາມສາມາດໄປເປັນຕົວແທນເພື່ອເປັນໜ້າຕາໃຫ້ກັບປະເທດຢູ່ແລ້ວ. ມື້ນີ້ແອັດເລີຍນໍາເອົາສາວງາມຈາກ 8 ປະເທດໃນອາຊຽນມາໃຫ້ທຸກຄົນໄດ້ເບິ່ງນໍາກັນວ່າ ງານນີ້ ນ້ອງເມ ຂອງເຮົາຈະທຽບເຂົາໄດ້ ຫຼືບໍ່? ມາເບິ່ງເລີຍ!!! Miss …