ຂ່າວບັນເທີງນອກປະເທດ

ຄໍ່າຄືນຂອງວັນທີ 8 ສິງຫາ 2017 ເປັນທີ່ຮືຮາຂອງບັນດາແຟນຄລັບ ເພາະວ່າດາລາໝາຍເລກ 1 ອໍ້າ ພັດຊະຣາພາ ໄຊເຊື້ອ ຊຸບເປີສະຕາໂຕແມ່ຂອງວົງການບັນເທິງຂອງປະເທດເພື່ອນບ້ານ ໄດ້ໄປຮ່ວມງານປະກາດຜົນລາງວັນຂອງ ມາຍາແຊນເນວ ແລະຍັງເປັນດາລາຄົນສຸດທ້າຍທີ່ເດີນພົມແດງປິດທ້າຍງານ (Finale) ພາຍໃນງານກໍມີເຫຼົ່າບັນດາແຟນຄລັບຄົນຮັກ ອໍ້າ ພັດຊະຣາພາ ນຳໄປຕາມເຊຍ ຕາມກຣີດໆໆໆ ດາລາໃນດວງໃຈກັນຢ່າງຫຼວງຫຼາຍ, ແຖມງານນີ້ ຊຸບຕາໝາຍເລກ 1 ຍັງບໍ່ເຮັດໃຫ້ແຟນໆຜິດຫວັງ ເພາະສາມາດຄວ້າລາງວັນ “ດາລານຳຍິງຂວັນໃຈມະຫາຊົນ” ໃນລະຄອນເລື່ອງ ເພີງພະນາງ ທີ່ດາລາສາວຄົນນີ້ໄດ້ຫຼິ້ນໃນຊ່ວງຕົ້ນປີທີ່ຜ່ານມາຫຼັງຈາກທີ່ຫ່າງຫາຍງານທາງດ້ານລະຄອນມາດົນ. ຮູບພາບ: aum_patchrapa

ແພັດ ນະປະພາ ຕັນຕະກູນ ດາລາ-ພິທີກອນຊື່ດັງຂອງປະເທດເພື່ອນບ້ານ ຍິ້ມໄດ້ຫຼັງຈາກທີ່ ໄອຍະການມີຄຳສັ່ງໃຫ້ບໍ່ຟ້ອງໃນຂໍ້ຫາຮ່ວມກັນຟອກເງິນ ເນື່ອງຈາກການສືບສວນທາງຄະດີຕັ້ງແຕ່ຕົ້ນ ກໍບໍ່ພົົບພະຍານຫຼັກຖານທີ່ກ່ຽວຂ້ອງກັບ ແພັດ ນະປະພາ ໄດ້ຄວາມແຕ່ພຽງວ່າ ແພັດ ນະປະພາ ເປັນພັນລະຍາຂອງ ທ້າວ ອັກຄະຣະກິດ ວໍຣະໂລດຈະເລີນ (ເບັ້ນ ເຣດຊິ່ງ) ຜູ້ຕ້ອງຫາທີ່ 2 ໃນຄະດີເທົ່ານັ້ນ ແລະຫຼັກຖານກໍມີພຽງແຕ່ການໂອນເງິນຈາກ ເບັ້ນ ເຣດຊິ່ງ ໄດ້ໂອນໃຫ້ກັບ ແັພດ ນະປະພາ ໃນໄລຍະເດືອນເມສາ 2016 ຮອດເດືອນ ກຸມພາ 2017 ຈຳນວນ 18 ເທື່ອ ແລະ ການໂອນເງິນດັ່ງກ່າວກໍເປັນການໂອນເງິນຜ່ານລະບົບບັນຊີທະນະຄານໃນຍອດເງິນຫຼັກມື່ນ ແລະແສນເທົ່ານັ້ນ ຖືເປັນພຶດຕິກຳການອຸປະກາລະລ້ຽງດູກັນປົກກະຕິລະຫວ່າງສາມີແລະພັນລະຍາ, ສ່ວນບັນຊີຂອງ ແພັດ ນະປະພາ ກໍເປັນບັນຊີທີ່ເປີດໃຊ້ປົກກະຕິມາດົນແລ້ວ ມີເງິນສ່ວນຕົວໃນບັນຊີຈຳນວນຫຼາຍລ້ານບາດ ແລະເງິນທີ່ ເບັ້ນ ເຣດຊິ່ງ ໄດ້ໂອນເຂົ້າມາກໍຍັງຄ້າງໃນບັນຊີບໍ່ໄດ້ມີການເບີກຖອນເຂົ້າອອກຫຼືໝູນວຽນ ແລະຍັງມີຫຼັກຖານອີກວ່າເງິນບາງລາຍການທີ່ໄດ້ໂອນເຂົ້າມາ ເປັນເງິນຄ່າຈ້າງຂອງ …

ໃກ້ຈະໄດ້ເຫັນທາຍາດຝາແຝດໂຕນ້ອຍໆຂອງແຟຼຊັ່ນນິດຕ້າ (Fashionista) ໂຕແມ່ ຊົມພູ່ ອາຣະຍາ ເອຮາເກັດ ນັກສະແດງຊື່ດັງຂອງປະເທດເພື່ອນບ້ານກັນແລ້ວ ເຮັດໃຫ້ ຊົມພູ່ ແລະບັນດາໝູ່ເພື່ອນຂອງນາງ ເກີດໄອເດຍໂດຍໄດ້ຈັດງານປາຕີ້ Baby Shower ຫຼືງານລ້ຽງຕ້ອນຮັບເບບີ໋ຝາແຝດໂຕນ້ອຍໆທີ່ກຳລັງຈະເກີດມາ ພ້ອມກັບມອບຂອງຂວັນໃຫ້ກັບເດັກນ້ອຍ, ແຕ່ຂຶ້ນຊື່ວ່າເປັນໂຕແມ່ທາງດ້ານແຟຼຊັ່ນທັງທີ ຊົມພູ່ເລີຍຈັດເຕັມແບບອະລັງການງານສ້າງ ເນລະມິດບັນຍາກາດພາຍໃນງານໃຫ້ປຽບດັ່ງຢູ່ສະຫວັນຊັ້ນຟ້າຕາມຄອນເຊັບ #ChomsHeavenSent  ພຸ້ນໄດ໋ ແລະບັນດາໝູ່ເພື່ອນຂອງນາງກໍຈັດເຕັມເຊັ່ນດຽວກັນ ແບບບໍ່ມີໃຜຍອມໃຜ ຂໍສູ້ກັນແບບສຸດກຳລັງໂດຍການຈັດແຟຼຊັ່ນແຕ່ງໂຕຊຸດຄຸມທ້ອງ ພ້ອມເຄື່ອງປະດັບປະດາປະຊັນຄວາມງາມ ຄວາມເລີດມາປະຊັນກັນແບບເຕັມທີ່ ເອີ້ນໄດ້ວ່າເປັນອີກປາຕີ້ໜຶ່ງທີ່ມ່ວນ ແລະອົບອຸ່ນສຸດໆ. ຢ່າງໃດກໍຂໍສຳແດງຄວາມຍິນດີກັບ ຊົມພູ່ ອາຣະຍາ ເອຮາເກັດ ທີ່ກຳລັງຈະໄດ້ເປັນແມ່ຄົນ ແລະກຳລັງຈະໄດ້ເຫັນໜ້າລູກແຝດຊາຍໃນໄວໆນີ້!!! via: chomismaterialgirl

ສະບາຍດີ!!! ແຟນເພສ ຂວັນໃຈ ທຸກໆຄົນ… ເຮີ້!!! ຜ່ານໄປແປັບດຽວເວລາກໍເດີນທາງມາຮອດທ້າຍປີ 2017 ແລ້ວໄວໆເນາະ (ອິອິ), ດັ່ງນັ້ນມື້ນີ້ ຊະນີIndy ຂາເມົ້າ ຂາຝອຍຄົນເກົ່າເຈົ້າເດີມ ຈະມາລວບລວມເອົາສິລະປິນຕ່າງຊາດທີ່ມີໂອກາດໄດ້ມາຢ້ຽມຢາມບ້ານເຮົາມາຝາກ, ຜ່ານມາຊ່ວງຫຼັງໆຮູ້ສຶກວ່າມີສິລະປິນຈາກຕ່າງຊາດມາຢ້ຽມຢາມບ້ານເຮົາແບບບໍ່ຂາດສາຍ ບໍ່ວ່າຈະເປັນນັກຮ້ອງ-ນັກສະແດງ ກໍຈະປ່ຽນກັນມາໃຫ້ເຮົາໄດ້ກຣີດໆໆໆ…ດາລາໃນດວງໃຈໂດຍທີ່ເຮົາບໍ່ຈຳເປັນຈະຕ້ອງບິນຂ້າມນໍ້າຂ້າມທະເລເພື່ອໄປເບິ່ງຄືກັບແຕ່ກ່ອນ. ທີ່ຜ່ານມາບໍ່ມີພຽງແຕ່ນັກຮ້ອງ-ນັກສະແດງຈາກປະເທດເພື່ອນບ້ານເທົ່ານັ້ນທີ່ໄດ້ມາຢ້ຽມຢາມ ຫຼືມາໂຊໂຕ ແຕ່ຍັງມີສິລະປິນລະດັບໂລກຫຼາຍທ່ານທີ່ໄດ້ມາໂຊຜົນງານ ເອົາໃຈແຟນໆຊາວລາວ, ເອົ້າ…ເວົ້າໄປຫຼາຍດຽວສິຫາວ່າຝອຍຍາວ ລອງມາເບິ່ງກັນວ່າຜ່ານມາມີສິລະປິນຕ່າງຊາດຄົນໃດມາຢ້ຽມຢາມບ້ານເຮົາແດ່!!! #ແຊຣໄປໃຫ້ໂລກຮູ້ປະເທດລາວສວຍງາມໃຜໆກໍຢາກມາ 1. Joss Stone: ນັກຮ້ອງຊື່ດັງຂອງໂລກສັນຊາດ ອັງກິດ ມີໂອກາດໄດ້ມາປະເທດລາວ ແລະຍັງມີໂອກາດຮ້ອງເພງປະຈຳຊາດຂອງລາວ “ຈຳປາເມືອງລາວ” ອີກດ້ວຍ.   2. DJ Vinai: 2 ດີເຈສຸດຫຼໍ່ ແຖມມີດີກຼີເປັນເຖິງດີເຈອັນດັບໂລກ ງານນີ້ເຮັດເອົາສາວໆທັງສາວແທ້ ສາວທຽມ ກຣີດໆໆໆ…ກັນເລີຍແມ່ນບໍ່? 555 3. DJ Soda: ດີເຈສາວສຸດເຊັກຊີ່ຈາກ ເກົາຫລີໃຕ້ ທີ່ຊື່ສຽງນາງກໍຂຶ້ນຊື່ລະດັບໂລກ ແລະຍັງໄດ້ມາປະເທດລາວ ແລະຍັງມີໂອກາດໄດ້ນຸ່ງຊຸດໄໝລາວ …

ລາຍງານຂ່າວຄວາມເຄື່ອນໄຫວຂອງວົງການນາງງາມຕ່າງປະເທດກັນແດ່!!! ປະກາດຜົນກັນໄປເປັນທີ່ຮຽບຮ້ອຍແລ້ວສຳລັບການປະກວດ Miss Universe Thailand 2017 ຊຶ່ງສາວງາມທີ່ສາມາດຄວ້າຕຳແໜ່ງໄປໄດ້ກໍຄື ມາລີຍາ ພູນເລີດລາບ ອາຍຸ 25 ປີ ລູກຊອດໄທ-ສະວີເັດນ ເຈົ້າຂອງຄວາມສູງ 184 ຊັງຕີແມັດ ເຊິ່ງ ມາລີຍາ ເອງກໍເປັນໜຶ່ງໃນສາວງາມທີ່ເປັນໂຕເກັງມາຕັ້ງແຕ່ທຳອິດ ແລະ ມາລີຍາ ຍັງຈະໄດ້ໄປເປັນຕົວແທນຂອງປະເທດໄທເພື່ອໄປປະກວດ Miss Universe 2017 ທີ່ປະເທດ ອາເມລິກາ ອີກດ້ວຍ ມາລີຍາ ພູນເລີດລາບ ຫຼື (ມາເລຍ) ມີດີກຼີເປັນເຖິງນາງແບບ ນັກຮ້ອງ ຈົບການສຶກສາໃນລະດັບປະລິນຍາໂທ ສາຂາການຕະຫຼາດ ຈາກປະເທດ ສະວີເດັນ ເປັນລູກສາວຫຼ້າ ມີອ້າຍຝາແຝດ 2 ຄົນ, ມາລີຍາ ເກີດທີ່ປະເທດໄທ ກ່ອນທີ່ຈະຍ້າຍໄປຢູ່ປະເທດ ຫວຽດນາມ ຕອນອາຍຸ 2 ປີ ເພາະພໍ່ຂອງນາງມີອາຊີບເປັນ ວິສະວະກອນຕ້ອງໄປຄວບຄຸມການກໍ່ສ້າງໂຮງງານຜະລິດໄຟຟ້າຢູ່ທີ່ນັ້ນ ກ່ອນທີ່ຈະຍ້າຍກັບມາປະເທດໄທຕອນອາຍຸ …